टक्करवर टक्कर! स्कॉर्पिओ गाड्यांनी लढले अनोखे युद्ध, मित्र भेटताच रस्त्यावर सुरु झाला अनोखा राडा; गुरुग्राममधील Video Viral

शहाणपणा विसरले अन् अहंकाराला मारली मिठी! क्षुल्लक कारणावरुन दोन मित्र रस्त्यावरच आमने-सामने भिडले. त्यांनी हातांनी नाही तर स्काॅर्पिओ गाड्यांनी लढली कुस्ती, घटनेचा व्हिडिओ सोशल मिडियावर आता चांगलाच व्हायरल होतोय.

• मित्रांची भेट अनोख्या पद्धतीने झाली, ज्याने सर्वांचे लक्ष वेधून घेतले.
• रस्त्यावर घडलेला हा प्रकार पाहून लोकांना धक्का बसला आणि व्हिडिओ वेगाने व्हायरल झाला.
• घटनेनंतर दोन्ही बाजूंमध्ये वाद मिटवण्याचा प्रयत्न करण्यात आला.

मित्र भेटला की त्याची गळाभेट घेतली जाते किंवा त्याच्या आयुष्यात नक्की काय घडत आहे याची विचारपूस केली जाते. आजपर्यंत आपण दोन मित्रांचे असेच मिलन पाहिले आहे. पण आता मात्र सोशल मिडियावर एका धक्कादायक मित्रभेटीचा व्हिडिओ व्हायरल झाला आहे ज्यात मित्रांनी गाडीला टक्करवर टक्कर मारत अनोखी भेट घेतली. घटना गुरुग्राममधली असल्याचे सांगण्यात आले असून याचा व्हिडिओ आता सोशल मिडियावर चांगलाच शेअर केला जात आहे. तर चला मग यात नक्की काय घडून आलं याविषयी जरा सविस्तर माहिती जाणून घेऊया.

मेन्यूतील सर्वात अतरंगी आयटम पाहून व्यक्ती झाला अवाक्, ताटात थेट सर्व्ह केले गुलाबी ओठ; Viral Video पाहून यूजर्सना बसला धक्का

काय घडलं व्हिडिओत?

गुरुग्रामच्या धनवापूर गावात, दोन मित्रांमधील वादाचे रूपांतर लवकरच एका गंभीर कार हाणामारीत झाले. या वादानंतर, त्या दोन मित्रांनी त्यांच्या स्कॉर्पिओ गाड्या एकमेकांवर वारंवार आदळवल्या. या घटनेचा व्हिडिओ सोशल मीडियावर शेअर करण्यात आला आहे. व्हिडिओमध्ये आपण पाहू शकता याच दोन स्काॅर्पिओ आमने-सामने उभ्या असल्याचे दिसते. याचवेळी एक स्काॅर्पिओ मागे जाऊन दुसऱ्या स्काॅर्पिओ गाडीला दोन वेळा जोरदार धडक मारून तिथून पळून जाते. यानंतर ज्या गाडीला धडक बसली त्या गाडीतून एक व्यक्ती बाहेर निघून दुसऱ्या गाडीवर दगडफेक करताना दिसतो पण तोपर्यंत गाडी बरीच पुढे निघून गेलेली असते. सांगण्यात येत आहे की, पुढे हे प्रकरण जेव्हा पोलिसांपर्यंत पोहचले तेव्हा दोन्ही पक्षांनी माफी मागितली आणि लेखी तडजोड देखील केली.

सदर घटनेचा व्हिडिओ @MeghUpdatesनावाच्या एक्स अकाऊंटवरुन शेअर करण्यात आला आहे. व्हिडिओच्या कॅप्शनमध्ये घटनेची माहिती देत लिहिण्यात आले आहे की, ‘गुरुग्राममधील धनवापूर गावात दोन मित्रांमध्ये रोड रेजवरून वाद झाला. त्यातील एकाने चुकीच्या बाजूने गाडी चालवल्याने दोघांनी आपापल्या महिंद्रा स्कॉर्पिओ एन एसयूव्ही गाड्या एकमेकांवर आदळल्या. या हाणामारीचा व्हिडिओ व्हायरल झाला. यात कोणीही जखमी झाले नाही; दोन्ही कुटुंबांमध्ये सामंजस्य झाले आणि पोलिस स्टेशनमध्ये कोणताही गुन्हा दाखल करण्यात आला नाही’.

See more

Gurugram: Two friends in Dhanwapur village clashed in road rage, ramming their Mahindra Scorpio N SUVs after one allegedly drove on the wrong side. Video of the dusty brawl went viral. No injuries; families reached compromise, no police case filed pic.twitter.com/sSIsSEN1tx — Megh Updates 🚨™ (@MeghUpdates) April 5, 2026

नादच खुळा! RCB च्या विजयानंतर बिचाऱ्या CSK च्या फॅनची भर स्टेडियममध्ये मुलीने उडवली थट्टा; Video तुफान Viral

दरम्यान व्हिडिओ आता सोशल मिडियावर चांगलाच व्हायरल होत असून अनेक यूजर्सने व्हिडिओच्या कमेंट सेक्शनमध्ये या घटनेवर आपल्या प्रतिक्रिया व्यक्त केल्या आहेत. एका यूजरने म्हटले की, “उत्तर भारतातील एका सरासरी दिवशीचे, पूर्णपणे निर्बुद्ध असे दोन मूर्ख”, दुसऱ्या युजरने लिहिले आहे, “मला फक्त हे जाणून घ्यायचं आहे की, ते पैसे कसे कमावत आहेत. बस इतकंच.” आणखीन एका युजरने लिहिले आहे, “त्यांना अटक करा; ते रस्त्यावर गोंधळ निर्माण करतात, बेपर्वाईने गाडी चालवतात आणि इतरांचे जीव धोक्यात घालतात”.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.