अद्भूत! बॉलीवूड गाण्यावर थिरकला ह्युमनॉईड रोबोट; भारतीय शास्त्रीय नृत्याचा VIDEO तुफान व्हायरल

Robot Dance Video : तंत्रज्ञानाच्या क्षेत्रात रोबोट्स आता केवळ चालणे-फिरणेच नाही, तर माणसांप्रमाणे नृत्यही करू लागले आहेत. सोशल मीडियावर बॉलिवूड गाण्यावर भारतीय शास्त्रीय नृत्य सादर करणाऱ्या ह्यूमनॉइड रोबोटचा व्हिडिओ व्हायरल होत आहे.

• सोशल मीडियावर एक अनोखा डान्स व्हिडिओ चर्चेत आला आहे.
• व्हिडिओ मध्ये पारंपरिक अंदाजात नृत्याचे सुंदर सादरीकरण पाहायला मिळते.
• हा व्हिडिओ पाहून नेटकऱ्यांनी कमेंट्सचा वर्षाव केला असून, अनेकजण आश्चर्य व्यक्त करत आहेत.

तंत्रज्ञानाची ताकद इतकी वाढली आहे की, मानसांप्रमाणे दिसणारे रोबोट्स आता फक्त चालत-फिरत नाही तर त्यांच्याप्रमाणेच डान्स देखील सादर करु लागले आहेत. सोशल मिडियावर अलिकडे एक असाच व्हिडिओ शेअर करण्यात आला आहे ज्यात रोबोट बालिवूडच्या गाण्यावर शास्त्रीय नृत्य सादर करताना दिसला. व्हिडिओच्या बँग्राऊंडमध्ये ‘मला जाऊ दे’ हे लोकप्रिय गाणं वाजत असतं आणि ह्यूमनॉइड रोबोट या गाण्यावर आपले नृत्य सादर करत असतो. यासाठी रोबोटला खरंतर विशेष ट्रेनिंग देण्यात आलेली असते. तो व्हिडिओत क्लासिकल डान्स करताना दिसतो.

बैलाने मारली जोरदार धडक! स्कूटीवरून रस्त्यावर कोसळली तरुणी; थेट कारवर आदळले डोके,अपघाताचा Video Viral

हा व्हिडिओ @zikiguy आणि @mayatherobot या दोन इंस्टाग्राम अकाऊंटवर शेअर करण्यात आला आहे. व्हिडिओमध्ये क्रिएटर्सने रोबोटला क्लासिकल ट्रेनिगचे प्रशिक्षण कसे दिले हे देखील दाखवले. रोबोटच्या गळ्यात चोकर नेकलेस घातलेला असतो, पायात बूट असतात तर पेहरावात तिला चोळी आणि घागरा असे कपडे परिधान केलेले असतात. रोबोटच्या डोक्यावर मऊ केसांचा विग घातलेला असतो आणि या सुंदर साजातच ती क्लासिकल नृत्य सादर करत असते. रोबोटला असा पारंपारिक डान्स करताना पाहून आता यूजर्स चांगलेच थक्क झाले असून व्हिडिओला सोशल मिडियावर चांगलीच प्रसिद्धी मिळत आहे. दरम्यान या रोबोटचे नाव माया आहे.

See more

धक्कादायक! मुलीने केला प्रेमविवाह; संतापलेल्या कुटुंबाने जिवंतपणीच मुलीचा घातला ‘तेरावा’, VIDEO समोर

व्हिडिओच्या कॅप्शनमध्ये लिहिण्यात आले आहे की, ‘ह्युमनॉइड रोबोटद्वारे सादर केलेले जगातील पहिले भारतीय शास्त्रीय नृत्य!’. तथापि, या दाव्याची अधिकृत पुष्टी अद्याप झालेली नाही. पोस्टनुसार, हा प्रकल्प मास्टर्स युनियन युनिव्हर्सिटीच्या विद्यार्थ्यांच्या सहकार्याने विकसित करण्यात आला आहे. व्हिडिओला आतापर्यंत २ लाखाहून अधिकच्या लाईक्स मिळाल्या असून अनेक यूजर्सने कमेंट सेक्शनमध्ये व्हिडिओतील दृष्यांवर आपले मत व्यक्त केले आहे. यात एका यूजरने म्हटले की, “रोबोट चित्रपट आता प्रत्यक्षात उतरत आहे, खरंय”, दुसऱ्या युजरने लिहिले आहे, “मला समजत नाहीये, त्याने तो रोबोट विकत घेतला की बनवला?”, आणखी एका यूजरने लिहिले आहे, “भावा आता तू डान्सर्सच्या नोकऱ्या सुद्धा खाणार का?”.

टीप : या घटनेशी संबंधित माहिती सोशल मीडियावर शेअर करण्यात आलेल्या पोस्ट आणि व्हिडीओवर आधारित आहे. त्यातील सर्व दाव्यांची स्वतंत्रपणे पडताळणी झालेली असल्याचे निश्चितपणे सांगता येत नाही.