भारतीय टपाल विभागाचा मोठा उपक्रम! टपाल अन् पार्सल आता सायकलवरून नाही, थेट आकाशाच्या मार्गाने पोहचणार घरी; Video Viral

India Post Launched Drone Mail : भारतीय टपाल सेवा आता डिजिटल तंत्रज्ञानाच्या मदतीने अधिक वेगवान होण्याच्या दिशेने वाटचाल करत आहे. दुर्गम आणि डोंगराळ भागात टपाल पोहोचवण्यासाठी ड्रोनचा वापर करण्यात येणार आहे. याचा व्हिडिओ इंटरनेटवर शेअर करण्यात आला आहे ज्यात ड्रोन टपाल डिलिव्हरी करताना दिसला.

• ज्या ठिकाणी पोहोचणे आव्हानात्मक आहे, तिथे नवी पद्धत वापरण्याची तयारी.
• पारंपरिक पद्धतीच्या तुलनेत सेवा अधिक वेगाने पोहोचवण्याचा प्रयत्न.
• या तंत्रज्ञानाचा वापर आणखी काही दुर्गम भागांमध्ये करण्याचे नियोजन.

डिजिटल तंत्रज्ञानाचा वापर करुन भारतीय टपाल सेवेचे नूतनीकरण करण्यात आले आहे. आसामा आणि हिमाचल प्रदेशासारख्या डोंगराळ परिसरात आता टपाल, पार्सल किंवा पत्राची डिलिव्हरी सायकलवरुन नाही तर चक्क ड्रोनच्या मदतीने केली जाणार आहे. याच्या मदतीने डोंगराळ भागात टपास सेवा पोहचवणे सोपे जाईल. ज्या भागांमध्ये पूर्वी रस्त्याने पोहोचणे अवघड आणि वेळखाऊ होते, तिथे सेवा पोहोचवण्यास आता ड्रोनच्या मदतीने अधिक गती मिळेणार आहे.याचा व्हिडिओ सोशल मिडियावर शेअर करण्यात आला आहे जो सध्या चांगलाच ट्रेंडमध्ये आहे. व्हिडिओमध्ये ड्रोन घराबाहेर टपालाची डिलिव्हरी करताना दिसला. चला व्हिडिओत काय दिसले ते जाणून घेऊया.

हा आहे पाकिस्तानचा फेक डाॅमिनोज, इथे मेन्यूपासून सर्वकाही आहे बनावटी! परदेशी पर्यटकाने केला पर्दाफाश; Video Viral 

काय दिसलं व्हिडिओत?

हिमाचल प्रदेशमध्ये टपाल विभागाने स्काय एअर मोबिलिटीसोबत पार्टवरशिप केली आहे. येथील दुर्गम भागांना जोडण्यासाठी एकूण ११० ड्रोन मार्गांवर काम सुरू आहे. एका मार्गावरील चाचणीत प्रभावी परिणाम दिसून आले आहेत. याच्या मदतीने ज्या टपालाची डिलिव्हरी करायला २ तास लागतात ते आता ड्रोनच्या मदतीने ७ मिनिटांत डिलिव्हर करता येणार आहे. वेळेतील हा फरक फार मोठा असून या तंत्रज्ञानाने भारतीय टपाल विभागाला डोंगराळ विभागात डिलिव्हरी करताना मोठी मदत होऊ शकते.

ईशान्येकडील आसाम राज्यातही ड्रोन डिलिव्हरीसाठी एकूण ४० वेगवेगळे रुट्स आखण्याचा प्लॅन तयार करण्यात आला आहे. नदी आणि जंगलांनी वेढलेल्या परिसरात औषधे, कागदपत्रे किंवा महत्त्वपूर्ण पार्सल लवकरात लवकर डिलिव्हर करण्यासाठी या ड्रोन तंत्रज्ञानाची मोठी मदत घेतली जाईल जी निश्चितच विभागासाठी फायद्याची ठरेल. या उपक्रमामुळे ग्रामीण भागातील लॉजिस्टिक्स आणि डिलिव्हरीच्या संपूर्ण प्रक्रियेत परिवर्तन घडेल.

India Post is taking to the skies! 📮🚁 Drone mail operations have begun in Assam, with 40 routes planned, alongside 110 in Himachal with Skye Air Mobility. One Himachal route has already cut a 2-hour journey to just 7 minutes. Even our oldest institutions can learn to fly! 🇮🇳 pic.twitter.com/uKqCdKRBiU — Harsh Goenka (@hvgoenka) August 29, 2026

CNG स्टेशनवर गॅस भरताना पाइप अचानक फुटला; २४ वर्षीय कर्माचाऱ्याचा जागीच मृत्यू; घटनेचा Live Video Viral

आरपीजी ग्रुपचे चेअरमन हर्ष गोएंका आपल्या एक्स अकाऊंटवर पोस्ट करत याची माहिती शेअर केली आहे. व्हिडिओच्या कॅप्शनमध्ये या नव्या उपक्रमाची माहिती त्यांनी यूजर्ससोबत शेअर केली. व्हिडिओमधील ड्रोन घरी टपालाची डिलिव्हरी करत आहे हे पाहून अनेकजण थक्क झाले आणि लोकांनी यावर आपल्या प्रतिक्रिया द्यायला सुरुवात केली. एका यूजरने म्हटले की, “उशिरा का होईना, पण झाले हेच महत्त्वाचे. इंडियापोस्ट अनेक दशकांपासून सुस्त होती. निराशाजनक बाब ही आहे की, ई-कॉमर्स अस्तित्वात येण्याच्या अनेक दशकांपूर्वीच इंडियापोस्टने सर्वात कठीण गोष्ट, म्हणजेच प्रत्यक्ष पोहोच, आधीच हाताळली होती”, दुसऱ्या युजरने लिहिले आहे, “चांगले प्रयत्न…फक्त लोकांनी ड्रोनचे नुकसान करू नये”, आणखी एका यूजरने लिहिले आहे, “तंत्रज्ञानाचा हा सर्वोत्तम वापर आहे – सर्वात दुर्गम भागांपर्यंत सर्वप्रथम पोहोचणे”.

टीप : या घटनेशी संबंधित माहिती सोशल मीडियावर शेअर करण्यात आलेल्या पोस्ट आणि व्हिडीओवर आधारित आहे. त्यातील सर्व दाव्यांची स्वतंत्रपणे पडताळणी झालेली असल्याचे निश्चितपणे सांगता येत नाही.