Ecuador priest cross falls Patricio Sanchez priest death
दक्षिण अमेरिकेतील इक्वेडोर देशातून एक अत्यंत हृदयद्रावक आणि धक्कादायक बातमी समोर आली आहे. ग्वायाकिल (Guayaquil) या किनारपट्टीच्या शहरातील प्रसिद्ध पर्पेटुओ सोकोरो चर्चमध्ये सायंकाळच्या प्रार्थनेदरम्यान एका गंभीर अपघातात वरिष्ठ रोमन कॅथोलिक धर्मगुरू फादर पॅट्रिसिओ अल्फ्रेडो सांचेझ मोलिनारी (Fr. Patricio Alfredo Sánchez Molinari) यांचा दुर्दैवी मृत्यू झाला आहे. प्रार्थनेचे थेट प्रक्षेपण (Livestreaming) सुरू असतानाच वेदीच्या मागे भिंतीवर टांगलेला एक महाकाय आणि जड लाकडी क्रूस अचानक खाली निसटला आणि थेट त्यांच्या डोक्यावर आदळला. या अपघाताचा व्हिडिओ सोशल मीडियावर वेगाने पसरत असून जगभरातील भाविकांमधून तीव्र शोक व्यक्त केला जात आहे.( VIDEO VIRAL)
मिळालेल्या माहितीनुसार, शनिवारी रात्री पार पडणाऱ्या या प्रार्थना सभेचे आयोजन स्थानिक धार्मिक परंपरेनुसार करण्यात आले होते. फादर पॅट्रिसिओ सांचेझ हे वेदीजवळ उभे राहून उपस्थितांना संबोधित करत होते आणि त्यांच्यासाठी विशेष प्रार्थना करत होते. त्याच वेळी मुख्य भिंतीला जोडलेला जड लाकडी क्रूस अचानक निसटला. कोणतीही पूर्वकल्पना किंवा सावध होण्याची संधी मिळण्याआधीच हा क्रूस थेट फादर सांचेझ यांच्या डोक्यावर व पाठीवर वेगाने कोसळला. या अचानक झालेल्या दुर्दैवी हल्ल्याने चर्चमधील उपस्थित भाविक अक्षरशः सुन्न झाले आणि संपूर्ण परिसरात आरडाओरडा व भीतीचे वातावरण पसरले.
जागतिक घडामोडी संबंधित बातम्या वाचण्यासाठी येथे क्लिक करा : US-Israel : ‘अमेरिकेवर आंधळा विश्वास नको’; इस्रायलमधील निवडणुकांपूर्वी नेतान्याहूंचे मोठे विधान, म्हटले, ‘भारतासोबतची मैत्री…’
चर्चमध्ये उपस्थित असलेल्या भाविकांनी आणि कर्मचाऱ्यांनी तात्काळ फादर सांचेझ यांच्याकडे धाव घेतली आणि त्यांना मदत करण्याचा प्रयत्न केला. थेट प्रक्षेपणाच्या कॅमेऱ्यात भाविकांचा आकांत आणि रुग्णावाहिकेसाठी सुरु असलेला आक्रोश स्पष्टपणे ऐकू येत होता. काही मिनिटांतच आपत्कालीन वैद्यकीय मदत पथक (First Responders) घटनास्थळी दाखल झाले आणि गंभीर जखमी झालेल्या फादर सांचेझ यांना तातडीने जवळच्या रुग्णालयात दाखल करण्यात आले. मात्र, डोक्याला आणि शरीराला झालेल्या अंतर्गत गंभीर दुखापतींमुळे उपचारादरम्यान डॉक्टरांनी त्यांना मृत घोषित केले.
Father Patricio Sánchez has died after a cross fell on him while he was celebrating Mass at Perpetuo Socorro Church in Guayaquil, Ecuador. May he rest in eternal peace. https://t.co/UWgqiBnXMQ — Omwamba 🇰🇪 (@omwambaKE) October 18, 2026
credit – social media and Twitter
जागतिक घडामोडी संबंधित बातम्या वाचण्यासाठी येथे क्लिक करा : US-Iran War : ‘आमचेही काम अपूर्ण आहे…’ डोनाल्ड ट्रम्प यांच्या धमकीवर इराणचे सडेतोड प्रत्युत्तर; वातावरण तापले
या दुर्घटनेतील सर्वात धक्कादायक आणि योगायोगाची बाब म्हणजे, अपघाताच्या अवघ्या काही मिनिटांपूर्वीच फादर सांचेझ आपल्या प्रवचनात ‘मृत्यू आणि मानवी जीवनाचे मूळ महत्त्व’ या विषयावर भाष्य करत होते. त्यांनी उपस्थितांना आवाहन केले होते की, “आपण सर्वांनी मोबाईल फोन आणि अनावश्यक भौतिक गोष्टींवर वेळ वाया घालवण्याऐवजी आपला मौल्यवान वेळ देव आणि आपल्या प्रियजनांसाठी समर्पित केला पाहिजे. एक दिवस आपल्या सर्वांनाच हे जग सोडून जायचे आहे, त्यामुळे जीवनातील खऱ्या गोष्टींना प्राधान्य दिले पाहिजे.” हे भावूक संदेश देऊन त्यांनी पुढची प्रार्थना सुरू केलीच होती की, क्षणात हा दुर्दैवी अपघात घडला.
फादर पॅट्रिसिओ सांचेझ हे ‘कॉन्ग्रेगेशन ऑफ द मोस्ट होली रिडीमर’ (Congregation of the Most Holy Redeemer) या १७३२ मध्ये स्थापन झालेल्या ऐतिहासिक आणि जगभरातील ८० हून अधिक देशांत कार्यरत असलेल्या रोमन कॅथोलिक धार्मिक गटाचे सन्माननीय सदस्य होते. ग्वायाकिलच्या आर्चडायोसीसने (Archdiocese of Guayaquil) आणि चर्च प्रशासनाने फादर सांचेझ यांच्या निधनावर अधिकृत शोक संदेश जारी केला आहे. भिंतीवर पक्का बसवलेला हा जड लाकडी क्रूस अचानक कसा काय खाली निसटला, याबाबत चर्च प्रशासनाने आणि स्थानिक प्रशासनाने अद्याप कोणतीही सविस्तर माहिती दिलेली नाही, तसेच या प्रकरणाचा तांत्रिक तपास सुरू आहे.
Ans: ग्वायाकिल येथील चर्चमध्ये प्रार्थनेचे थेट प्रक्षेपण सुरू असताना भिंतीवरील जड लाकडी क्रूस अंगावर पडल्याने फादर पॅट्रिसिओ सांचेझ यांचा मृत्यू झाला.
Ans: ते वेदीसमोर उभे राहून उपस्थितांना मृत्यू, मानवी जीवन आणि देवाच्या प्रार्थनेचे महत्त्व या विषयावर संबोधित करत होते.
Ans: ते १७३२ मध्ये स्थापन झालेल्या 'कॉन्ग्रेगेशन ऑफ द मोस्ट होली रिडीमर' या जगप्रसिद्ध रोमन कॅथोलिक धार्मिक गटाचे सदस्य होते.
.png "Videos"){kind=small}
