पुणे तिथे काय उणे! जन्मदात्या आईच्याच जीवावर उठला मुलगा, पैसे दिले नाहीत म्हणून केलं धक्कादायक कृत्य; Video Viral
गेल्या काही महिन्यांपासून शिक्षणाचे माहेरघर म्हणून ओळखल्या जाणाऱ्या पुण्यात गुन्हेगारीचे प्रमाण फार वाढले आहे. आजकाल इथले हिंसक प्रकार फार वाढले आहे. दररोज यासंबंधीच्या अनेक बातम्या आपल्या समोर येत असतात.आताही इथे अशीच एक घटना घडून आली आहे ज्याने सर्वच हादरून गेले आहे. पुण्यात एका तरुणाने आईने नशा करण्यासाठी पैसे दिले नाही म्हणून असे काही केले की, पाहून तुम्हीही हादराल. घटनेत नक्की काय घडलं ते सविस्तर जाणून घेऊया.
काय घडलं व्हिडिओत?
सोशल मीडियावर व्हायरल होत असलेल्या या व्हिडिओमध्ये तुम्ही पाहू शकता, एक तरुण मध्यरात्री पार्किंगमध्ये असलेल्या दुचाकीला आग लावत आहे. आग लावताक्षणीच दुचाकी पेट घेते आणि सर्वत्र आगीचा भडका उडतो. आपले काम पूर्ण केल्यांनतर तो तेथून पळून जातो. माहितीनुसार, ही घटना पिंपरीतील एका सोसायटीमध्ये घडल्याचे समजत आहे. आरोपीदेखील याच सोसायटीमध्ये राहत होता. तर या आरोपीचे नाव स्वप्निल शिवशरण पवार असे असून तो 27 वर्षांचा आहे. आईने ड्रग्जसाठी पैसे देण्यास नकार दिला म्हणून त्याने तो राहत असलेल्या सोसायटीतील रहिवाशांच्या डझनभर दुचाकी जाळून टाकल्या. दरम्यान ही घटना बुधवारी रात्री 3 वाजताच्या सुमारास घडली.
स्वप्निलच्या आईने सांगितल्याप्रमाणे, तो पहाटे 2-3 च्या सुमारास घरी पोहचला आणि त्याने आईकडे पैसे मागण्यास सुरुवात केली. जेव्हा आईने पैसे देण्यास नकार दिला तेव्हा त्याने संपूर्ण इमारतीला आग लावण्याची धमकी दिली. सध्या स्वप्नीलला पोलिसांच्या हवाली केले असून त्याच्या आईने त्याला जामिनावर न सोडण्याची विनंती केली आहे. स्वप्निलच्या भावानेही पोलिसांना अशीच विनंती केली. गेल्या दहा वर्षांपासून तो कुटुंबाला त्रास देत असल्याचे त्याने सांगितले.
दरम्यान या घटनेचा व्हायरल व्हिडिओ @punepulse नावाच्या इंस्टाग्राम अकाऊंटवरून शेअर करण्यात आला आहे. व्हिडिओवर आतापर्यंत अनेकांनी कमेंट्स करत या घटनेवर आपल्या प्रतिक्रिया व्यक्त केल्या आहेत. एका युजरने लिहिले आहे, “व्वा, पोलिसांची भीतीही उरली नाही” तर दुसऱ्या युजरने लिहिले आहे, “पुणे बनत गुन्हेगारीची नवी राजधानी आहे”.
टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत योग्य नाही वा आमचा कोणताही दावा नाही.
.png "Videos"){kind=small}
