Nepal Flood Viral House: महापुराचा कहर, पण ‘हे’ घर ठाम! आजूबाजूचं सगळं वाहून गेलं तरी घराला धक्का नाही; VIDEO व्हायरल

Nepal Flood Viral House: नेपाळमध्ये मुसळधार पावसामुळे अनेक भागांत भीषण पूरस्थिती निर्माण झाली आहे. या पार्श्वभूमीवर पुराच्या रौद्र प्रवाहातही एक हिरवं घर सुरक्षित राहिल्याचा व्हिडीओ सोशल मीडियावर व्हायरल होत आहे. व्हिडीओमध्ये आजूबाजूचा परिसर पुराच्या पाण्यात वाहून जाताना दिसत असताना घर मात्र जागच्या जागी उभं असल्याचं दिसतं.

• नेपाळच्या महापुरातील घराचा VIDEO व्हायरल
• घरात १८ जण असल्याचा दावा; सर्वजण सुखरूप
• मजबूत बांधकाम की दैवी चमत्कार? नेटकऱ्यांमध्ये चर्चा

Nepal Flood Viral Video: नेपाळमध्ये सध्या पावसाने अक्षरशः थैमान घातलंय. सगळीकडे फक्त पाणीच पाणी दिसत आहे. प्रसारमाध्यम सुरु केली की महापुराचा हाहा:कार पाहायला मिळतोय. नद्यांना आलेल्या प्रचंड पुरामुळे जनजीवन पुर्णपणे कोलमडून गेलं. पाण्याचा जोर इतका जास्त आहे की मोठमोठी घरं, बिल्डिंग सुद्धा कागदासारखी वाहून जात आहेत. लाखो किमतीच्या गाड्या पाण्यावर काडीसारख्या तरंगताना दिसताहेत.या नैसर्गिक संकटात आतापर्यंत खूप मोठी हानी झाली आहे. सर्व बातम्यामध्ये एका घराचा उल्लेख अगदी जोरदार होत असून सोशलमीडियावर फक्त याच घरांची चर्चा सुरु आहे. Nepal Flood Viral House:

सोशलमीडियावर घराची चर्चा

त्या घराला पुराच्या पाण्याचा जराही धक्का लागला नाही. याचा एक व्हिडीओ आता इंटरनेटवर प्रचंड व्हायरल झाला आहे. व्हिडीओमध्ये स्पष्ट दिसतंय, आजूबाजूला पुराचं रौद्र रूप पाहायला मिळतयं. पाणी अगदी वेगाने वाहताना. सगळं काही सोबत घेऊन जातंय. पण मधोमध असलेलं ते हिरवं घर मात्र शांत उभं आहे. घराच्या बाल्कनीत तीन-चार लोक उभे राहून हा सगळा पूर पाहत आहेत. सांगितलं जातंय की त्या घरात तेव्हा १८ लोक होते आणि सुदैवाने सगळे सुखरूप आहेत. या घराने खऱ्या अर्थाने त्यांना वाचवलं.आता हाच व्हिडीओ पाहून लोक वेगवेगळ्या प्रतिक्रिया देत आहेत. कुणी म्हणतंय हा देवाचाच चमत्कार आहे. तर कुणी म्हणतंय या घराचा पाया इतका मजबूत बनवला आहे की पुराचं पाणी सुद्धा त्याला हलवू शकलं नाही.सगळ्यात जास्त चर्चा आहे ती या घराला बांधणाऱ्या कारागिराची आहे.

See more

घराचा कारागिर कोण?

लोक कमेंट करून म्हणत आहेत की ज्या इंजिनिअरने हे घर बांधलंय, त्याला खरंच एखादा मोठा पुरस्कार द्यायला हवा. त्याने कोणतं साहित्य वापरलं, कोणतं सिमेंट लावलं, पाया कसा भरला, याबद्दल सगळ्यांना उत्सुकता लागली आहे.खरंच, आजकाल पैसे वाचवण्यासाठी अनेक ठिकाणी बांधकामात हलगर्जीपणा केला जातो. पण हे घर बघून कळतं की प्रामाणिकपणे आणि मजबूत बांधकाम केलं तर ते किती महत्त्वाचं ठरू शकतं. संकटाच्या वेळी तेच बांधकाम जीव वाचवतं.तुम्ही हा व्हिडीओ पाहिला का? तुम्हाला काय वाटतं, हे नशीब आहे की चांगल्या बांधकामाची कमाल?

The House in Green which survived against all Odds. Even the brutal wrath of Nature which destroyed everything in its path couldn’t shake it’s foundation.#Nepal #NepalDisaster pic.twitter.com/sgVRF57jsW — D (@Deb_livnletliv) August 28, 2026

600 पेक्षा अधिक लोकांचा जीव गमावलेला…

मिळालेल्या बातम्यांनुसार ६०० पेक्षा जास्त लोकांनी आपला जीव गमावलाय. तर दोन हजारांहून अधिक जण अजूनही सापडले नाहीयेत. या बेपत्ता लोकांमध्ये ३२० भारतीय सुद्धा आहेत असं सांगितलं जातंय. म्हणजे परिस्थिती किती गंभीर आहे याचा तुम्ही विचार करा.पण या सगळ्या वाईट बातम्यांमध्ये एक गोष्ट मात्र सगळ्यांचं लक्ष वेधून घेत आहे. आणि ती म्हणजे एक छोटंसं हिरव्या रंगाचं घर. जिकडे बघावं तिकडे सगळं काही पाण्याखाली गेलं असताना, आजूबाजूच्या इमारती डोळ्यादेखत पडत असताना, हे दोन मजली हिरवं घर मात्र अगदी ठामपणे उभं आहे.

टीप – हे व्हिडिओ सोशल मडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.