हा आहे पाकिस्तानचा फेक डाॅमिनोज, इथे मेन्यूपासून सर्वकाही आहे बनावटी! परदेशी पर्यटकाने केला पर्दाफाश; Video Viral
काय घडलं व्हिडिओत?
व्हायरल होत असलेल्या या व्हिडिओमध्ये एक परेदशी पर्यटक पाकिस्तानमधील फेक डाॅमिनोज फूड आउटलेटचा पर्दाफाश करताना दिसला. डाॅमिनोज ही खरंतर एक अमेरिकन कंपनी असून जगभरात याच्या फ्रँचायझी पाहायला मिळतात. भारतातही डाॅमिनोजची फ्रँचायझी आहे. पाकिस्तानात मात्र या डाॅमिनोजची एक फेक फ्रँचायझी पाहायला मिळाली.
व्हिडिओमध्ये परदेशी पर्यटक पाकिस्तानच्या फेक डाॅमिनोज दुकानाची पोलखोल करताना दिसतो. तो सुरुवातीला दुकानावरील लोगोवर फोकस करतो आणि सांगतो की, यांनी लोगोची नक्कल देखील व्यवस्थितपणे केलेली नाही. यानंतर तो दुकानाच्या आत जातो. आत गेल्यानंतर तो काऊंटवर असलेल्या लोकांना प्रश्न विचारतो की, “हे खरं डाॅमिनोज आहे की खोटं?” यावर तिथे उपस्थित कर्मचारी म्हणतात की, “हा पाकिस्तानी डाॅमिनोज आहे”. यावर परदेशी पर्यटक म्हणतो, “बरोबर, हे पाकिस्तानी डोमिनोज आहे.” मग तो मेन्यू घेतो आणि पिझ्झाचे प्रकार व किंमती सांगू लागतो. त्यानंतर तो चिकन सुप्रीम पिझ्झा ऑर्डर करतो. काही क्षणांनंतर, पाकिस्तानी डोमिनोज पिझ्झा त्याच्या टेबलावर येतो. पिझ्झा पाहताना छान दिसतो पण त्याची चव चाखताच पर्यटकाचे हावभाव बदलतात. तो व्हिडिओत म्हणतो की, पाकिस्तानच्या हुंजा परिसरातील या फेक डाॅमिनोजमध्ये मिळणाऱ्या पिझ्झाला मी १० पैकी १.७ रेटिंग देतो, कारण याची चव फार वाईट आहे.
हा व्हिडिओ @alexwandersyt नावाच्या इंस्टाग्राम अकाऊंटवर शेअर करण्यात आला आहे. व्हिडिओच्या कॅप्शनमध्ये लिहिण्यात आले आहे की, “पाकिस्तानमधील बनावट डोमिनोज”. व्हिडिओला चांगले व्हूज मिळाले असून अनेक सोशल मिडिया यूजर्सने पाकिस्तानच्या या बनावटी डाॅमिनोजवर आपल्या प्रतिक्रिया व्यक्त केल्या आहेत. एका यूजरने म्हटले की, “भावा, पाकिस्तानी रेस्टॉरंट्समध्ये जाण्यापूर्वी तुझ्या नॉमिनीचे (वारसाचे) नाव नक्की जाहीर कर; कारण अशा भयंकर रिव्ह्यूजमुळे ते तुझे अपहरण करू शकतात”, दुसऱ्या युजरने लिहिले आहे, “तुम्ही पाकिस्तानातील ‘पिझ्झा शट’ (Pizza Shut) ट्राय करायला हवे”, आणखी एका यूजरने लिहिले आहे, “तिकडे जाऊन आणखी कायच अपेक्षा ठेवली जाऊ शकते”.
टीप : या घटनेशी संबंधित माहिती सोशल मीडियावर शेअर करण्यात आलेल्या पोस्ट आणि व्हिडीओवर आधारित आहे. त्यातील सर्व दाव्यांची स्वतंत्रपणे पडताळणी झालेली असल्याचे निश्चितपणे सांगता येत नाही.
.png "Videos"){kind=small}
