आईच्या जीववर उठला मुलगा, फोन हिसकावताच डोक्यात घातली बॅट, धक्कादायक घटनेचा Video Viral

सध्या सोशल मीडियावर एक धक्कादायक व्हिडिओ वेगाने व्हायरल होत आहे. यात एक लहान मुलगा आईने आपल्या हातून फोन हिसकावल्याने तिच्याच जीवावर उठल्याचे दिसून येत आहे. व्हिडिओवर अनेकांनी आपल्या प्रतिक्रिया दिल्या आहेत. हा सर्व प्रकार पाहून तुमच्याही अंगावर काटा येईल.

आजच्या युगात मोबाईल हा आपल्या रोजच्या जीवनाचा एक अविभाज्य भाग बनला आहे. आजकाल मोठेच काय तर लहान मुलेही या फोनच्या आहारी गेली आहेत. सकाळपासून ते रात्रीपर्यंत हा फोन आपल्या हातात असतो. हे फोन आता एक व्यसनच बनले आहे. उठता बसता खाता पिता प्रत्येक गोष्टीसाठी आता लोकांना आपल्याजवळ फोन हवा असतो. आजकाल लहान मुलंही या फोनच्या इतक्या आहारी गेली आहेत की, बाहेर फिरणं, खेळणं, बागडणं या सर्व गोष्टी ते विसरून गेले आहेत. मैदानी खेळदेखील आता मुलं या फोनवरच खेळायला बघतात.

फोनचे व्यसन लहान मुलांना इतके जास्त लागले आहे की अनेकदा याच्या नादात ते नेहमी नको ते करून बसतात. कधी कधी ते यासाठी इतके हिंसक होतात की, ते पाहून पालकांनाच त्यांची भीती वाटू लागते. सध्या अशीच एक धक्कादायक घटना समोर आली आहे. यात आईने मोबाईल चालवण्यास मनाई केल्याने मुलगा थेट आपल्या आईच्याच जीवावर उठला आहे.

हेदेखील वाचा – धक्कादायक! चिमुकलीच्या अंगावर पडला भलामोठा फ्रिज, अंगावर काटा आणणारा Video Viral

काय प्रकरण आहे?

व्हिडिओमध्ये जर आपण पाहिले तर दिसते की, घरात बेडवर शाळेच्या गणवेशात एक लहान मुलगा फोन खेळात बसला आहे. जवळच टीव्हीदेखील चालू आहे. तितक्यात तिथे त्याची आई येते आणि त्याला मोबाईलवर खेळताना पाहून ती त्याला ओरडते आणि त्याच्याकडून मोबाईल हिसकावून त्याला अभ्यास करण्यास सांगते. मग मुलगा पुस्तक घेऊन बेडवर बसतो. आई जेवणाचे ताट घेऊन जमिनीवर बसते आणि टीव्ही पाहू लागते. त्यानंतर मुलगा अचानक तिथून उठतो आणि किचनमध्ये जातो, तो पुन्हा येतो तेव्हा हॉलच्या बाजूला एक क्रिकेट बॅट ठेवलेली असते. मुलगा क्षणार्धाचाही विचार करत नाही आणि लगेच ती बॅट उचलून समोर बसलेल्या आपल्या आईच्या डोक्यात मारतो.

बॅट लागताच मुलाची आई जमिनीवर कोसळते मात्र मुलाच्या चेहऱ्यावरची एक रेगही हलत नाही. यानंतर मुलगा चक्क बेशुद्ध आईच्या हातातून मोबाईल फोन हिसकावतो आणि पुन्हा गेम खेळायला सुरुवात करतो. ही सर्व थरारक घटना सीसीटीव्ही कॅमेऱ्यात कैद झाली आहे. याचाच व्हिडीओ सध्या सोशल मीडियावर मोठ्या प्रमाणात व्हायरल होत आहे. हा व्हिडिओ पाहून आता अनेकांना आश्चर्याचा धक्का बसला आहे.

See more

Mobile phones addiction: See how this child took the life of his own mother. pic.twitter.com/FUIl9ExZRg — Baba Banaras™ (@RealBababanaras) October 2, 2024

हेदेखील वाचा – तळघर साफ करताना मालकाला सापडली ‘रहस्यमयी’ पेंटिंग’, सत्य समोर येताच क्षणार्धात बनला मालामाल

या घटनेचा व्हिडिओ @Baba Banaras नावाच्या एक्स अकाउंटवरून शेअर करण्यात आला आहे. या व्हिडिओच्या कॅप्शनमध्ये, मोबाईलचे व्यसन, पहा या मुलाने कसा घेतला स्वतःच्या आईचा जीव असे लिहिण्यात आले आहे. अनेकांनी यावर कमेंट्स करत यावर आपल्या प्रतिक्रिया दिल्या आहेत. एका युजरने लिहिले आहे, ” 15 वर्षांखालील मुलांना मोबाईल दिला नाही पाहिजे” तर दुसऱ्या युजरने लिहिले आहे, “हे स्क्रिप्टेड वाटत आहे”.