गुरुवार, 29 ऑक्टोबर 2026
(फोटो सौजन्य: X)
काय घडलं व्हिडिओत?
व्हायरल होत असलेल्या या व्हिडिओत एका सामान्य दिसणाऱ्या बाईकला माॅडिफाय करत यावर सहा चाक बसवल्याचे दिसते. हे चाक एकावर एक असे रांगेत दोन्ही बाजूने बसवलेले असतात ज्यामुळे बाईकची सीट साधारण: हवेतच उडत असल्याचा भास होतो. चालक बाईकच्या इतक्या वर बसलेला असतो की त्याला पाहून असं वाटत जणू फर्स्ट फ्लोअरवर तो विराजमान झाला आहे. सहा चाकांमुळे बाईक बऱ्याच उंचावर असते पण तरीही व्यक्तीचे धाडस डगमगत नाही. तो अजिबात घाबरत नाही आणि आत्मविश्वासाने बाईक चालवत राहतो. बाईकस्वाराचा हा जुगाड आता चांगलाच व्हायरल होत असून बाईकच्या या अतरंगी माॅडिफिकेशनवर यूजर्सने आपले आश्चर्य व्यक्त केले आहे.
कभी चलाई आप लोगों ने 6 टायर वाली बाइक 😂 बहुत दिमाग लगाकर बनाया है pic.twitter.com/9neOISV7nU — Rahul Patel (@rahul225234) September 10, 2026
या घटनेचा व्हिडिओ @rahul225234 नावाच्या एक्स अकाऊंटवर शेअर करण्यात आले आहे. व्हिडिओच्या कॅप्शनमध्ये लिहिण्यात आले आहे की, ‘तुम्ही कधी सहा चाकी सायकल चालवली आहे का? तिची रचना खूप विचारपूर्वक केली गेली होती’. व्हिडिओतील घटना सध्या चांगलीच ट्रेंड करत असून अनेक यूजर्सने व्हिडिओतील दृष्यांवर कमेंट्स करत यावर आपल्या प्रतिक्रिया व्यक्त केल्या आहेत. यात एका यूजरने म्हटले की, “सर्वात मोठी गोष्ट आहे की, हा खाली उतरणार कसा?”, दुसऱ्या युजरने लिहिले आहे, “भावाचा जुगाड तर काहीतरी आगळाच आहे”, आणखी एका यूजरने लिहिले आहे, “पण मला प्रश्न पडतो की, या बाईकचा फायदा काय होणार?”.
टीप : या घटनेशी संबंधित माहिती सोशल मीडियावर शेअर करण्यात आलेल्या पोस्ट आणि व्हिडीओवर आधारित आहे. त्यातील सर्व दाव्यांची स्वतंत्रपणे पडताळणी झालेली असल्याचे निश्चितपणे सांगता येत नाही.
