मिठाई खराब की धोकादायक? दुकानदारच मिठाई खायला तयार नाही! फूड डिपार्टमेंटच्या छाप्यात धक्कादायक वास्तव समोर

Video Viral : फूड डिपार्टमेंटने मिठाईच्या दुकानावर छापेमारी करताच धक्कादायक वास्तव समोर आले. अधिकाऱ्याने दुकान मालकाला मिठाई ऑफर करताच त्याने स्वत:च्याच दुकानातील मिठाई खाण्यास नकार दिला. नंतर स्वत:च्या हाताने त्याने दुकानातील सर्व मिठाई कचऱ्यात फेकून टाकली.

• मिठाईच्या दुकानावर अधिकाऱ्यांनी अचानक छापा टाकला.
• कारवाईदरम्यान दुकानातील मिठाईबाबत गंभीर प्रश्न उपस्थित झाले.
• व्हिडिओतील दुकानदाराच्या प्रतिक्रियेमुळे सोशल मीडियावर चर्चा रंगली.

मागील काही काळापासून देशातील फूड डिपार्टमेंट एक्टीव्ह मोडमध्ये आहे. लहान दुकानांपासून मॅकडोनाल्ड्स ते जिओमार्टपर्यंत अनेक लोकप्रिय फूड चेन्सवरही कारवाई करण्यात आली आहे. सोशल मिडियावर नवनवीन छापेमारीचे व्हिडिओज समोर येत असून अलिकडे एका मिठाईच्या दुकानातील दृष्य प्रचंड व्हायरल होताना दिसून आले आहे. अन्नातील काळा बाजारा उघडून काढण्यासाठी जेव्हा ही छापेमारी करण्यात आली तेव्हा दुकानातील धक्कादायक वास्तव समोर आले. पोलिस जेव्हा खराब मिठाईवर कारवाई करु लागले तेव्हा एका अधिकाऱ्याने मिठाई दुकानाच्या मालकालाही खाऊ घालण्याचा प्रयत्न केले ज्यानंतर त्याची आलेली प्रतिक्रिया सध्या सोशल मिडियावर वेगाने व्हायरल होत आहे.

LKGच्या चिमुकल्याला शिक्षकाने मारली थप्पड; हार्ट अटॅकने वर्गातच मृत्यू; Video Viral

काय घडलं व्हिडिओत?

व्हायरल व्हिडिओत दावा करण्यात आला आहे की, पोलिस अधिकारी जेव्हा मिठाईच्या दुकानावर छापा मारायला गेले तेव्हा मिठाईचे खरे वास्तव समोर आले. मिठाई खराब असतानाही विकली जात होती. यात असाही दावा केला आहे की, जेव्हा दुकानातील मिठाई दुकानाच्या मालकाला खायला सांगितली तेव्हा त्याने ती मिठाई स्पष्ट नकार दिला. मग तुम्ही विचार करा, जर मालकच ती मिठाई खाण्यास तयार नसेल तर ग्राहकांसाठी ती मिठाई किती घातक ठरु शकते.

व्हायरल व्हिडिओमध्ये तुम्ही पाहू शकता यात दिसते की, मिठाईच्या दुकानाबाहेर लोकांचा जमाव आणि काही पोलिस अधिकारी दिसून येतात. दुकानातील मिठाईची काॅलिटी चेक करण्यासाठी अधिकाऱ्यांनी दुकानावर छापा टाकलेला असतो. पण या छाप्यात दुकानातील वस्तू निकृष्ट दर्जाच्या असल्याचे स्पष्ट होते. मालक स्वत: कारवाईनंतर दुकानातील मिठाई कचऱ्याच्या डब्यात फेकताना दिसतो. जेव्हा अधिकारी मालकाला त्यातील एक मिठाई खाण्याचा आग्रह धरतो तेव्हा दुकानमालक हात जोडून उभा राहतो पण मिठाई खाण्यासाठी हातात घेत नाही. या घटनेमुळे आपण अनेक दुकानांमधील खरं वास्तव पाहू शकता. अनेकदा निकृष्ट दर्जाच्या, खराब किंवा एक्सपायर झालेल्या वस्तू दुकानमालक ग्राहकांना तर विकतो पण स्वत: त्यांना खाण्याची हिम्मत करत नाही.

A sweet shop owner refused to eat sweet from his shop when offered by a cop during a raid by the food department in Hamirpur district of UP. pic.twitter.com/elb2BLnk9R — Piyush Rai (@Benarasiyaa) August 21, 2026

राष्ट्रीय प्राण्याने राष्ट्रीय पक्ष्याची केली शिकार, कॅमेऱ्यात कैद झालं दुर्मिळ दृश्य; Video Viral

या घटनेचा व्हिडिओ @Benarasiyaa नावाच्या एक्स अकाऊंटवर शेअर करण्यात आला आहे. व्हिडिओ व्हायरल झाल्यापासून यूजर्स चांगलेच भडकले असून दुकानमालकावर टिका व्यक्त केली जात आहे. एका यूजरने म्हटले की, “खूप छान, अशा दुकानदारांसोबत असंच वागलं पाहिजे”, दुसऱ्या युजरने लिहिले आहे, “त्याला शिक्षा म्हणून स्वतःचीच ५ किलो मिठाई एकाच वेळी खायला द्यावी”, आणखी एका यूजरने लिहिले आहे, “लोक विचार करतील इतका मोठा कपाळावर टिळक लावला आहे तर याने पाप थोडीच केले असेल”.

टीप – हे व्हिडिओ सोशल मडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.