पतीशी भांडण अन् पत्नीने मारली विहिरीत उडी! बराच वेळ रंगला हायव्होल्टेज ड्रामा; अंगावर काटा आणणारा व्हिडिओ व्हायरल

Video Viral : पति-पत्नीतील वाद शिगेला, पत्नीने घेतला धक्कादायक निर्णय. भांडणाला कंटाळून थेट विहिरीत मारली उडी अन् घटना लोकप्रिय होताच अख्ख गाव जमलं घटनास्थळी. याचा व्हिडिओ देखील सोशल मिडियावर व्हायरल होत आहे.

• पतीच्या एका सवयीमुळे नाराज झालेल्या पत्नीने थेट विहिरीत जाऊन बसण्याचा निर्णय घेतला.
• पत्नीला बाहेर काढण्यासाठी गावकऱ्यांनी विहिरीत खाट आणि दोरी सोडली, पण तिने बाहेर येण्यास नकार दिला.
• अखेर पतीला गावकऱ्यांसमोर हात जोडून माफी मागावी लागली; त्यानंतर पत्नी विहिरीतून बाहेर आली.

पति-पत्नीमध्ये लहान-सहान भांडण होणे सामान्य गोष्ट आहे. जोडप्यातील हाय व्होल्टेज ड्रामाचे व्हिडिओज सोशल मिडियावर नेहमीच व्हायरल होत असतात. अशात अलिकडेच एक नवा व्हिडिओ इंटरनेटवर शेअर करण्यात आला आहे ज्यात रागात येऊन पत्नी विहिरीतच जाऊन बसल्याची धक्कादायक घटना घडली आहे. माहितीनुसार ही घटना मध्य प्रदेशातील शिवपुरी जिल्ह्यात घडली असून याचा व्हिडिओ सोशल मिडियावर शेअर करण्यात आला आहे. विहीरीत सुरु झालेल्या या हाय व्होल्टेज ड्रामाची चर्चा आता यूजर्समध्ये चांगलीच रंगत आहे.

गरीबीचा विदारक चेहरा! उपचारासाठी पैसे नाहीत म्हणून रुग्णालयाने बेशुद्ध मुलीला आणि वडिलांना काढलं बाहेर; बीडमधील Video Viral

काय आहे प्रकरण?

मिळालेल्या माहितीनुसार, महिलेचा पती जेव्हाही घरातून बाहेर जायचा तेव्हा तो दरवाजाला बाहेरुन टाळा लावून जायचा. पतीच्या या वागण्यामुळे आणि निर्बंधांमुळे बऱ्याच काळापासून पत्नी नाराज होती. याच गोष्टीवरुन दोघांमध्ये वाद सुरु झाला आणि हा वाद पुढे इतका वाढला की पत्नीने पळत जाऊन थेट विहिरीतच उडी मारण्याचा निर्णय घेतला. महिलेने विहिरीत उडी मारल्याची चर्चा जशी गावात पसरली तसे लोक घटनास्थळी दाखल झाले. महिलेला वाचवण्यासाठी गावकऱ्यांनी रश्शीच्या मदतीने एक खाट विहिरीत खाली सोडली. महिलेने दोरी आणि खाट घट्ट पकडून ठेवली तथापि बाहेर येण्यासाठी तिने स्पष्ट नकार दिला. महिलेचे स्पष्ट मत होते की, जोपर्यंत पती गावासमोर हात जोडून माफी मागत नाही तोपर्यंत ती विहिरीच्या बाहेर येणार नाही.

🎥 Angry Woman Jumps Into Well In Shivpuri After Husband Refuses To Apologise Following Fight #MadhyaPradesh #MPNews #Shivpuri https://t.co/6EYYsVBlMd — Free Press Madhya Pradesh (@FreePressMP) October 15, 2026

मोबाईल चोरल्याचा आरोप, प्रवाशांनी धरलं अन् चालू ट्रेनमध्येच खिडकीत लटकवलं; Video Viral

पतीने मागितली माफी

विहिरीत जाऊन बसलेल्या पत्नीच्या आग्रहास्तव पतीला अखेर माघार घ्यावी लागली. गावकऱ्यांच्या उपस्थितीत पतीने पत्नीची हात जोडून तसेच कान पकडून माफी मागितली आणि पुन्हा अशी चूक करणार नाही असे वचन दिले. पतीने सार्वजनिकरित्या माफी मागितल्यानंतर महिलेचे राग शांत झाला आणि ती सुरक्षित विहिरीतून बाहेर निघाली. आता ही संपूर्ण घटना इंटरनेटवर चांगलीच ट्रेंड करत असून याचा व्हिडिओही सोशल मिडियावर वेगाने व्हायरल होत आहे.

टीप : या घटनेशी संबंधित माहिती सोशल मीडियावर शेअर करण्यात आलेल्या पोस्ट आणि व्हिडीओवर आधारित आहे. त्यातील सर्व दाव्यांची स्वतंत्रपणे पडताळणी झालेली असल्याचे निश्चितपणे सांगता येत नाही.