तहानलेल्या चित्त्यांना पाणी पाजणं भोवलं! Video व्हायरल होताच वन विभागाचा चालकाला दणका

Thirsty Cheetahs Viral Video: मध्यप्रदेशातील कुनो राष्ट्रीय उद्यानाच्या बाहेरील एका गावात घडलेली घटना सध्या चर्चेचा विषय ठरत आहे. एका वन विभागाच्या ड्रायव्हरला चित्त्याना पाणी पाजणं भोवलं आहे.

तहानलेल्या चित्त्यांना पाणी पाजणं भोवलं! Video व्हायरल होताच वन विभागाचा चालकाला दणका (फोटो सौजन्य: सोशल मीडिया)

Follow Us:

Follow Us:

मध्यप्रदेशातील कुनो राष्ट्रीय उद्यानाच्या बाहेरील एका गावात घडलेली घटना सध्या चर्चेचा विषय ठरत आहे. एका वन विभागाच्या ड्रायव्हरला चित्त्याना पाणी पाजणं भोवलं आहे. मिळालेल्या माहितीनुसार, व्हिडिओमध्ये एक चालक सत्यनारायण गुर्जर चित्यांना पाणी पाजताना दिसत आहे. सध्या हा व्हिडिओ सोशल मीडियावर प्रचंड व्हायरल होत आहे. अनेकांनी चालकाचे कौतुक केले आहे. मात्र, वन विभागाने चालक सत्यनारायणच्या या कृतीमुळे त्याला त्याच्या पदावरुन काढून टाकले आहे.

व्हिडिओमध्ये तुम्ही पाहू शकता की, चित्त्यांचा एक कळप झाडाच्या सावलीत विसावलेला आहे. याच वेळी वन विभाग चालक सत्यनारायण गुर्जर हातात पाण्याचा कॅन घेऊन त्यांच्याकडे जातात. त्यांना एक भाड्यांत पाणी प्यायला देतात. ते चित्ते देखील पाणी पिण्यासाठी येतात. हे सर्व दृश्य एका व्यक्तीने कॅमेरात कैद केलेले आहे. सामान्य माणसांसाठी हे दृश्य भाविनक आहे. परंतु वन विभागाच्या दृष्टीने ही एक गंभीर बाब म्हटली जात आहे.

वन विभागाच्या अधिकाऱ्यांच्या मते, चालकाची ही कृती चित्त्यांना माणसांची सवय लावू शकते. हे भविष्यासाठी त्यांच्या आणि मानवाच्या दोघांच्या सुरक्षेसाठी धोकादायक आहे. वन्य प्राणी मानवांच्या सानिध्यात राहिल्यास त्यांच्या नैसर्गिक सवयी विसरु शकात. भविष्यात माणसांवर हल्ला करण्याची शक्यता वाढू शकते. यामुळे वन विभागाने गुर्जर ना निलंबित करत कठोर भूमिका घेतली आहे.

व्हायरल बातम्या वाचण्यासाठी येथे क्लिक करा

व्हायरल  व्हिडिओ

Offering water or milk to #cheetahs by villagers is not a good sign for #wildlife conservation. This may lead to dangerous consequences. As usual, the forest is undisturbed.@CMMadhyaPradesh @ntca_india @PMOIndia @KunoNationalPrk @Collectorsheop1 pic.twitter.com/3iIIYbd8Kn

— ajay dubey (@Ajaydubey9) April 5, 2025

नेटकऱ्यांच्या प्रतिक्रिया

व्हायरल होत असलेला व्हिडिओ सोशल मीडिया प्लॅटफॉर्म एक्सवर @Ajaydubey9 या अकाउंटवर शेअर करण्यात आला आहे. या व्हिडिओला आतापर्यंत लाखो लोकांनी पाहिले आणि लाईक केले आहे. अनेकांनी चालकाचे कौतुक केले आहे. वन विभागाच्या एका अधिकाऱ्याने यावर आपली प्रतिक्रिया देताना म्हटले आहे की, हे गावकऱ्यांच्या माणुुसकीचे लक्षण आहे, पण तरीही प्राण्यांना इतक्या जवळ येण्याची मुभा देणे योग्य नाही. प्राणी जंगालाचा भाग आहेत, त्यांचे वर्तन तसेच गरजेचे आहे. असे न झाल्यास भविष्यात अनेक समस्या निर्माण होऊ शकतात. तर एका युजरने प्रश्न उपस्थित केला आहे की, माणुसकी आणि नैसर्गिक नियम यामध्ये समतोल कसा राखायचा.

व्हायरल बातम्या वाचण्यासाठी येथे क्लिक करा

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत योग्य नाही वा आमचा कोणताही दावा नाही.

Web Title: Thirsty cheetahs viral video after video goes viral forest department driver suspended for offering water to thirsty cheetahs

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com