काय म्हणावं याला...! ट्रेनच्या डब्याला बनवलं मंदिर; पूजा-अर्चा केली अन् पाहून यूजर्सचं डोकं गेलं चक्रावून; अजब-गजब प्रकारचा Video Viral
काय घडलं व्हिडिओत?
देशात लोकांची धार्मिक श्रद्धा इतकी जास्त आहे की कधी श्रद्धेचे रुपांतर अंधश्रद्धेत होतं हे त्यांना समजत नाही. श्रद्धेच्या नावाखाली लोक अनेकदा वाटेल ते करु पाहतात. अशीच एक घटना सोशल मिडियावर शेअर करण्यात आली आहे ज्यात ट्रेनच्या डब्यालाच लोकांनी मंदिर बनवल्याचं दिसून आलं. व्हिडिओमध्ये जर आपण पाहिलं तर यात आपल्याला दिसते की, ट्रेनच्या डब्याचील वरच्या बर्थवर लोकांनी देवी-देवतांच्या मूर्त्या ठेवल्या आहेत. फुलांना त्या जागेला सजवलेले आहे आणि हातात आरतीचं ताट घेऊन महिला आरती करत देवाची पूजा करत आहेत. प्रवासासाठी ओळखली जाणारी ही ट्रेन रेल्वे कमी आणि एक मंदिरंच जास्त वाटतं होती. या घटनेचा व्हिडिओ आता इंटरनेटवर चर्चेचा विषय ठरत असून सार्वजनिक वाहतुकीत असे उपक्रम योग्य नाही अशी प्रतिक्रिया यूजर्सने दिली आहे.
व्हिडिओला @NCIBHQ या अधिकृत एक्स अकाऊंटवरुन शेअर करण्यात आले आहे. व्हिडिओच्या कॅप्शनमध्ये लिहिण्यात आले आहे की, ‘हे पूर्णपणे चुकीचे आहे. कोणत्याही प्रवासी रेल्वेगाडीत (तीर्थयात्रेसाठीच्या विशेष गाड्या किंवा ज्या गाड्यांचे डबे पूर्ण भरलेले आहेत, त्या वगळता) असे विधी करणे योग्य नाही. प्रवास हे एक सामायिक ठिकाण आहे, जिथे प्रत्येक प्रवाशाला आपल्या सोयीनुसार आणि शांततेत प्रवास करायचा असतो. अशा कृतींमुळे इतर प्रवाशांना गैरसोय आणि त्रास होऊ शकतो. धार्मिक श्रद्धा स्वतःच महत्त्वाची आहे, परंतु सार्वजनिक ठिकाणी इतरांच्या सोयी आणि हक्कांचा आदर करणे तितकेच महत्त्वाचे आहे. म्हणून, प्रवास करताना अशा कृती टाळा, जेणेकरून सर्व प्रवाशांसाठी प्रवास सुरक्षित, आरामदायक आणि आनंददायक राहील’.
यह पूर्णतः गलत है। किसी भी यात्री ट्रेन में (तीर्थ यात्रा स्पेशल ट्रेन या पूरा कोच बुकिंग को छोड़कर) इस प्रकार पूजा-अर्चना करना उचित नहीं है। यात्रा एक साझा स्थान होती है, जहाँ हर यात्री अपनी सुविधा और शांति के साथ सफर करना चाहता है। इस तरह की गतिविधियाँ अन्य यात्रियों के लिए… pic.twitter.com/FckEphRQF8 — NCIB Headquarters (@NCIBHQ) April 12, 2026
व्हिडिओवर कमेंट्स करत अनेकांनी या दृष्यांवर आपले मत व्यक्त केले. यात एका यूजरने म्हटले की, “या व्हिडिओमध्ये दिसणाऱ्या सर्व लोकांवर कठोर कारवाई झाली पाहिजे, ही ट्रेन आहे, बाबुजींचे घर नाही.”, दुसऱ्या युजरने लिहिले आहे, “ही तीर्थयात्रेकरूंसाठीची विशेष रेल्वेगाडी आहे. जर लोकांनी केवळ मंदिर दर्शनासाठी तिकीट खरेदी केले असेल, तर ते पूजा-अर्चा नाही तरी नमाज वाचत बसतील का?” आणखीन एका युजरने लिहिले आहे, “ही देवस्थान विभागामार्फत चालवली जाणारी एक विशेष ट्रेन आहे आणि तिच्यात पूजा केली जाऊ शकते”.
टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.
.png "Videos"){kind=small}
