धक्कादायक! मुलीने केला प्रेमविवाह; संतापलेल्या कुटुंबाने जिवंतपणीच मुलीचा घातला ‘तेरावा’, VIDEO समोर

Shocking Incident : मुलीने प्रेमविवाह केला म्हणून कुटुंबाने जिवंतपणीच तिचे केले अंत्यसंस्कार. घटनेचा व्हिडिओ सोशल मिडियावर चांगलाच चर्चेत असून कुटुंबाच्या मागास मानसिकतेवर यूजर्सने तीव्र संताप व्यक्त केला आहे.

• उज्जैनमध्ये प्रेमविवाह केल्याने कुटुंबाने मुलीशी नातं तोडल्याची धक्कादायक घटना समोर आली.
• पोलिस ठाण्यात मुलीने आई-वडिलांना ओळखण्यास नकार दिल्याचा कुटुंबाचा दावा आहे.
• यानंतर कुटुंबाने मुलीचा फोटो ठेवून ‘गोरनी’ विधी करत प्रतीकात्मक अंत्यसंस्कार केले.

मध्य प्रदेशच्या उज्जैनमधून एक धक्कादायक बाब समोर येत आहे. घटना जुलै महिन्यातील असून याचा व्हिडिओ आता सोशल मिडियावर प्रचंड व्हायरल होत आहे. खाचरोड शहरातील नरसिंग मंदिर परिसरात एका कुटुंबाने आपल्या मुलीचे जिवंतपणीच अंत्यसंस्कार केल्याची घटना आहे. कुटुंबाने इतके टोकाचे पाऊल उचलण्याचे प्रमुख कारण ठरले तिचा प्रेमविवाह! मुलीने आंतरजातीय मुलासोबत कुटुंबाच्या संमतीशिवाय लग्न उरकले ज्याचा राग कुटुंबाच्या मनात खोलवर रुतला. कुटुंबाने अनेक प्रयत्न केल्यानंतरही मुलीने त्यांचे एकही ऐकले नाही. दावा केला जात आहे की, हे प्रकरण जेव्हा पोलिस ठाण्यात पोहचलं तेव्हा मुलीने तिथे आपल्या आई-वडिलांना आणि भावाला ओळखण्यास स्पष्टपणे नकार दिला. याच गोष्टीचा संताप कुटुंबाने तिचे अंत्यसंस्कारात व्यक्त केला.

तरुणाच्या जुगाडाला तोड नाही! एक-दोन नाही तर तब्बल ६ चाकांची बाईक बनवली, पाहून यूजर्स डोळे विस्फारले; Video Viral

कुटुंबाने समाज आणि नातेवाईकांच्या उपस्थितीत कुटुंबाने एक कठीण निर्णय घेतला. घराच्या अंगणात मुलीचा फोटो ठेवून त्यांनी ‘गोरनी’ विधी पार पाडला. यानंतर मुलीच्या फोटोला आग लावण्यात आली. एखाद्या व्यक्तीच्या मृत्यूनंतर सामान्यतः केले जाणारे सर्व विधी त्यांनी पार पाडले. या प्रसंगी उपस्थित असलेल्या कुटुंबीयांनी सांगितले की, त्यांनी आपल्या मुलीला खूप प्रेम आणि आपुलकीने वाढवले ​​होते, परंतु या कृतीनंतर, ती जिवंत असूनही त्यांच्यासाठी जणू मेलेल्यासारखीच झाली होती.

गोरनी परंपरा काय आहे?

माहितीनुसार, गोरनी काही समाजात पाळली जाणारी एक प्रतीकात्मक आणि सामाजीक परंपरा आहे. या परंपरेनुसार कुटुंबियांच्या इच्छेविरुद्ध लग्न करणाऱ्या सदस्यांना मृत माणून जिवंतपणीच त्यांच्यावर अंतिम संस्कार केले जातात. तथापि, अशा सामाजिक विधींना कोणताही कायदेशीर किंवा घटनात्मक आधार नसला तरी, या घटनेचा सध्या फार चर्चा होत आहे.

See more

झोपलेल्या कुत्र्यावर बिबट्याने केला जीवघेणा हल्ला, २५ सेकंद सुरु होता थरार अन् अखेर श्वानाने शिकाऱ्यालाच लावले पळवून; Video Viral

घटना @hindustan नावाच्या एक्स अकाऊंटवरुन शेअर करण्यात आली आहे. कॅप्शनमध्ये घटनेची सविस्तर माहिती दिली असून अनेक यूजर्सने या घटनेवर आपल्या प्रतिक्रिया व्यक्त केल्या आहेत.एका यूजरने म्हटले की, “त्या कुटुंबाला लाज वाटायला हवी”, दुसऱ्या युजरने लिहिले आहे, “आणि अशा मागास मानसिकतेसह आपल्याला विकास घडवणार आहोत का?”, आणखी एका यूजरने लिहिले आहे, “या देशात काहीही होणार नाही, आजही इथे इतके अशिक्षित लोक आहेत, हे सर्व ऐकून खूप वाईट वाटते”.