आधी कचरा कुंडी एकमेकांच्या डोक्यात घातली, मग बेल्ट काढला अन्...; वंदे भारतच्या कर्मचाऱ्यांमध्ये तुफान हाणामारी, VIDEO VIRAL (फोटो सौजन्य: व्हिडिओ स्क्रीनशॉट)
Fighting Viral Video : सोशल मीडियावर रोज अनेक व्हिडिओ व्हायरल होत असतात. यामध्ये भांडणाचे व्हिडिओ गेल्या काही काळाता मोठ्या प्रमाणात पाहायला मिळत आहे. कधीही कुठेही लोक आजकाल भांडणे करत आहे. सामान्यांपासून सरकारी कर्मचाऱ्यांपर्यंतच्या लोकांची भांडणे पाहायला मिळत आहे. नुकतेच वंदे भारताच्या कर्मचाऱ्यांच्या भांडणाचा एक व्हिडिओ तुफान व्हायरल होत आहे. हा व्हिडिओ पाहून लोकांनी सरकारी कर्मचारी असे असतील तर लोकांना योग्य सुविधा कशा मिळणार असे म्हटले आहे.
मिळालेल्या माहितीनुसार, हजरत निजामुद्दीन रेल्वे स्टेशनवर वंदे भारत एक्सप्रेसच्या कर्मचाऱ्यांमध्ये तुफान हाणामारी झाली आहे. या हाणामारीचा व्हिडिओ सोशल मीडियावर तुफान व्हायरल होत आहे. शुक्रवारी १७ ऑक्टोबर रोजी ही घटना घडली. व्हायरल होत असलेल्या व्हिडिओमध्ये तुम्ही पाहू शकता की, रेल्वे स्टेशनवर कर्मचाऱ्यांमध्ये मारहाण सुरु आहे. काहींनी कचराकुंडी घेऊन एकमेकांच्या डोक्यात घालत आहे, तर काही कर्मचाऱ्यांनी पॅन्टचा बेल्ट काढून एकमेकांना मारण्यास सुरुवाक केली आहे. आसपास प्रवाशांची प्रचंड गर्दी जमली आहे. वादाचे कारण सध्या अस्पष्ट आहे, पण हा व्हिडिओ तुफान व्हायरल होत आहे. लोकांनी यावर हैराणी व्यक्त केली आहे.
व्हायरल व्हिडिओ
Another embarrassing scene at the train station. Vande Bharat staff fighting like this shows a lack of professionalism. Passengers deserve better service, not this kind of behavior. pic.twitter.com/0z6Kddz9ZE — 🅰️ J (@EHuman0) October 17, 2025
नेटकऱ्यांच्या प्रतिक्रिया
व्हायरल होत असलेला व्हिडिओ सोशल मीडिया प्लॅटफॉर्म एक्सवर @EHuman0 या अकाउंट शेअर करण्यात आला आहे. या व्हिडिओवर अनेकांनी आपल्या प्रतिक्रिया देत IRCTC वर प्रश्न उपस्थित केले आहेत. एका नेटकऱ्याने कर्मचाऱ्यांच्या अशा वागणूकीने प्रवाशांना त्रास सहन करावा लागतो असे म्हटले आहे, तर दुसऱ्या एकाने तिसरे महायुद्ध सुरु आहे असे म्हटले आहे. आणखी एकाने हे महाभारत नेमकं का सुरु आहे असा प्रश्न केला आहे. तर एका युजरने यांच्यामुळेच ट्रेन लेट होतात असे म्हटले आहे. अशा वेगवेगळ्या प्रतिक्रीया लोकांनी दिल्या असून सध्या हा व्हिडिओ सोशल मीडियावर तुफान व्हायरल होत आहे.
टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.
