परंपरेनुसार नवी मुंबईत परदेशी पाहुण्यांचे आगमन! करावे गावातील खाडीत हजारो गुलाबी फ्लेमिंगोचे दर्शन; Video Viral

Pink Flamingo Video : हजारो फ्लेमिंगो आणि सीगल पक्ष्यांचे नवी मुंबईच्या खाडीत आगमन झाले आहे. गुलाबी वातावरणाने सजलेले हे दृश्य पाहण्यासाठी आता पर्यटक सज्ज झाले असून याचा एक सुंदर व्हिडिओ इंटरनेटवर शेअर करण्यात आला आहे.

• पिंक फ्लेमिंगो आणि सीगल पक्ष्यांचे नवी मुंबईत आगमन
• सुंदर दृश्यांनी परिसर सजला
• व्हिडिओ इंटरनेटवर होतोय व्हायरल

दरवर्षीच्या परंपरेनुसार, नवी मुंबईच्या खाडीत मोठ्या संख्येत स्थलांतरित फ्लेमिंगोचे आगमन झाले आहे. ANI ने शेअर केलेल्या अलिकडच्या व्हिडिओमध्ये, करावे गावातील अरबी समुद्राच्या एका इनलेटमध्ये हजारो फ्लेमिंगो आणि सीगल कैद झाले आहेत. दरवर्षी हिवाळ्यात, स्थलांतरित पक्षी नवी मुंबईच्या किनाऱ्यावर गुलाबी रंग भरतात. नोव्हेंबरपासून सुरू होणारी, वसंत ऋतू-उन्हाळ्याच्या महिन्यांपर्यंत त्यांचा विसावा या ठिकाणी असतो. याकाळात त्यांचे अनेक सुंदर दृश्य सोशल मिडियावर शेअर केले जातात. आताही असाच एक व्हिडिओ इंटरनेटवर शेअर करण्यात आला आहे ज्यात गुलाबी फ्लेमिंगोने खाडी अद्भूत दृश्यांनी बहरलेली दिसून आली.

कान्हाच्या प्रेमात भान हरपून बसली! वरात आली, कन्यादानही झालं अन् विधिवत युपीच्या कन्येने केलं श्रीकृष्णाशी लग्न; Video Viral

हे सुंदर दृश्य पाहण्यासाठी अनेक पक्षी निरीक्षक या भागात येतात आणि फ्लेमिंगो आणि सीगलचे हे दृश्य आपल्या कॅमेरात कैद करतात. हे पक्षी बहुतेक गुजरातमधील कच्छ आणि राजस्थानमधील सांभर तलावातून येतात. त्यापैकी काही पक्षी मध्य पूर्व, इराक आणि अगदी आफ्रिकेतून प्रवास करतात असे मानले जाते. पक्ष्यांचे हे सुंदर दृश्य पाहण्यासाठी नवी मुंबईतील अनेक पर्यटक त्यांच्या गुलाबी रंगाचा अनुभव घेण्यासाठी मोठ्या संख्येने जमतात. ते सहसा नोव्हेंबर महिन्यात येतात परंतु यावर्षी उष्ण हवामानामुळे त्यांच्या वार्षिक भेटीला उशीर झाल्याचे दिसून येते.

See more

#WATCH | Maharashtra: A large number of migratory flamingos, seagulls and other birds have arrived at the creek in Karave village in Navi Mumbai pic.twitter.com/9IAR9algzg — ANI (@ANI) January 8, 2025

See more

Flamingos,Navi Mumbai,Flamingo season,Wildlife India,Bird migration,Pink wetlands,Nature photography,Allycaral,Mumbai wetlands,Urban wildlife,Pratik543,India nature sights pic.twitter.com/D08omSIaUn — Allycaral (@allycaralgoa) December 8, 2025

Viral Video: “याला म्हणतात खरी जिद्द…”, दोन्ही हात नाही तरी चालवली बाईक, गाडी चालवण्याची पद्धत पाहून व्हाल अवाक्

एएनआयने एक्स वर शेअर केलेल्या या व्हिडिओमध्ये, हजारो गुलाबी फ्लेमिंगो पक्षी एकत्र जमल्याचे दिसून येते. हे अद्भूत दृश्य तुम्हाला इतर सीजनमध्ये नाही तर फक्त हिवाळ्यातच पाहता येऊ शकते. व्हिडिओच्या कॅप्शनमध्ये लिहिण्यात आले आहे की, ‘नवी मुंबईतील करावे गावातील खाडीत मोठ्या संख्येने स्थलांतरित फ्लेमिंगो, सीगल आणि इतर पक्षी आले आहेत’. नवी मुंबईत स्थलांतरित पक्ष्यांना पाहण्यासाठी शिवडी मॅन्ग्रोव्ह पार्क, नेरुळमधील तवले वेटलँड्स, भांडुप पंपिंग स्टेशन, माहुल क्रीक आणि टीएस चाणक्य बर्डिंग पॉइंट लोकप्रिय आहेत.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.