हातात जेवणाचा घास अन् डोळ्यात आले अश्रू; डिलिव्हरी बॉयला जेवायला घालताच भावुक झाला आणि म्हणाला, "दिवसभर उपाशी हे विसरूनच गेलो"
काय घडलं व्हिडिओत?
सोशल मिडियावर वेगाने व्हायरल होत असलेल्या या व्हिडिओमध्ये गणवेश घालून स्वीगी डिलिव्हरी बाॅय दिसून येतो. तो फूड डिलिव्हर करण्यासाठी ज्या ग्राहकाच्या घरी जातो तो त्याला जेवणाचे आमंत्रण देतो. सुरुवातीला रायडरला थोडे संकोच वाटते पण जेव्हा तो एक घास खातो तेव्हा त्याच्या डोळ्यातून अश्रूंच्या धारा वाहू लागतात. तो सांगतो की, “मी सकाळपासून उपाशी आहे, घरातून निघताना मी फक्त चहा प्यायलो होतो. मला तर हे देखील लक्षात आलं नाही की मी दिवसभर उपाशी आहे”. पुढे तो म्हणाला की, “मला दोन मुले आहेत. एक मुलगा आणि एक मुलगी. मी त्यांच्या भविष्यासाठी कठोर परिश्रम करत आहे”.
When people invited the Swiggy delivery rider to sit and eat with them while delivering the parcel, he said, “I didn’t even realize that I was hungry.” A man stays hungry to take care of and provide for his family, and the wife starts crying after cooking just two meals a day… pic.twitter.com/9qok1HkEZl — Aditya (@Warlock_Aditya) March 9, 2026
या घटनेचा व्हिडिओ @Warlock_Aditya नावाच्या एक्स अकाऊंटवरून शेअर करण्यात आला आहे. नेटिझन्सने ग्राहकाच्या या कृतीचे काैतुक केले. व्हिडिओला आतापर्यंत लाखो व्युज मिळाल्या असून हजारो युजर्सने व्हिडिओवर कमेंट करत यावर आपल्या प्रतिक्रिया व्यक्त केल्या आहेत. एका युजरने लिहिले आहे, “सगळं ठीक आहे पण त्याला रडताना व्हिडिओ शूट करण्याची एवढी गरज काय?” तर दुसऱ्या युजरने लिहिले आहे, “अनेक पालक त्यांच्या मुलांना कधीही संघर्ष जाणवू नये म्हणून शांतपणे स्वतःच्या सुखाचा त्याग करतात” आणखीन एका युजरने लिहिले आहे, “आपले जीवन दररोज सोपे करणाऱ्यांच्या मूक बलिदानाचे कौतुक करूया”.
टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.
.png "Videos"){kind=small}
