बॉयफ्रेंडला रंगेहात पकडताच गर्लफ्रेंडचा पारा चढला, भररस्त्यातच जोडीदाराला दिला धोबीपछाड; हाय व्होल्टेज ड्रामाचा Video Viral

Girlfriend Boyfriend Fight : रंगेहात पकडलं अन् धु धु धुतलं...! इथे मुलाने नाही मुलीनेच घातला राडा, भररस्त्याच त्याच्या छातीवर चढली आणि जमावासमोरच जन्माची अद्दल घडवली. घटनेचा व्हिडिओत आता व्हायरल झाला.

• सोशल मीडियावर एका कपलमधील वादाचा व्हिडिओ जोरदार व्हायरल होत असून लोकांचे लक्ष वेधून घेत आहे.
• घटनेत दोघांमध्ये भररस्त्यात तीव्र वाद निर्माण झाल्याचे दिसून येते.
• व्हिडिओवर नेटकऱ्यांच्या वेगवेगळ्या प्रतिक्रिया उमटत असून चर्चेला उधाण आले आहे.

प्रेम करणं जितकं सोपं तितकंच ते निभवणं कठीण असतं. प्रेमाच्या नात्यात विश्वास फार महत्त्वाची भूमिका बजावतो. एकदा का तुम्ही विश्वास गमवलात तर नात्यात दुरावा निर्माण झालाच असं समजा. अलिकडे अशीच एक घटना सोशल मिडियावर वेगाने व्हायरल होत आहे. प्रियकराने आपल्या प्रेयसीचा विश्वास धुळीला मिळवला आणि भररस्त्यातच त्याची पोलखोल झाली. प्रेयसीने प्रियकराला तिला फसवताना रंगेहात पकडलं अन् मग काय रस्त्यातच हाय व्होल्टेज ड्रामाला सुरुवात झाली. दोघांनीही एकमेकांना धोबीपछाड देत रस्त्यातच कुस्ती लढली आणि हे दृष्य पाहून आजूबाजूची लोकंही अवाक् झाली. या घटनेचे दृष्य आता सोशल मिडियावर शेअर केले असून व्हिडिओ इंटरनेटवर चांगलाच धुमाकूळ घालतोय. चला यात नक्की काय घडलं ते सविस्तर जाणून घेऊया.

हुंड्यात गाडी मिळाली नाही म्हणून वराने स्वत:च्याच लग्नातून काढला पळ, वऱ्हाड्यांनीही केला पाठलाग; घटनेचा Video Viral

काय घडलं व्हिडिओत?

इंटरनेटवर शेअर करण्यात आलेला हा व्हिडिओ क्षणात लोकांचे लक्ष वेधून घेणारा आहे कारण यात एक मुलगी, मुलाच्या अंगावर चढून त्याला बेदम मारहाण करताना दिसते. व्हायरल दाव्यानुसार, तो मुलगा तिचा बाॅयफ्रेंड असून तिने त्याला तिची फसवणूक करताना रंगेहात पकडलं. आपला प्रियकर आपली फसवणूक करत आहे हे पाहताच तिला राग अनावर झाला आणि भर जमावासमोर तिने त्याला मारहाण करण्यास सुरुवात केली. व्हिडिओमध्ये वातावरण तणावपूर्ण असून दोघेही एकमेकांना मारताना दिसून येतात. मुलगी मुलाच्या अंगावर चढून त्याला मारहाण करु लागते तर मुलगा तिला आपल्यापासून दूर करण्याचा नितांत प्रयत्न करताना दिसतो. त्यांच्यातील हा वाद व्हिडिओच्या शेवटापर्यंत दिसून येतो. ही घटना नक्की कुठ घडून आली याची कोणतीही माहिती अद्याप समोर आलेली नाही.

See more

Street Kalesh Over Cheating (Girlfriend Catches Boyfriend Cheating, Pins Him Down on Street as Crowd Records) pic.twitter.com/Op3DOSR2mu — Ghar Ke Kalesh (@gharkekalesh) April 9, 2026

घराच्या छतावर दिसला दुर्मिळ पांढरा मोर, त्याच्या मनमोहक दृष्यांनी यूजर्स झाले मोहित; अद्भुत Video Viral

हा व्हिडिओ @gharkekalesh नावाच्या एक्स अकाऊंटवरुन शेअर करण्यात आला आहे. व्हिडिओच्या कॅप्शनमध्ये लिहिण्यात आले आहे की, ‘फसवणुकीवरून रस्त्यावर राडा (गर्लफ्रेंडने बॉयफ्रेंडला फसवणूक करताना रंगेहाथ पकडले; गर्दी व्हिडिओ काढत असताना तिने त्याला रस्त्यावरच खाली पाडले)’. व्हिडिओवर कमेंट्स करत अनेकांनी या दृष्यांवर आपले मत व्यक्त केले. यात एका यूजरने म्हटले की, “आमची मुलगी मुलांपेक्षा काही कमी आहे का?”, दुसऱ्या युजरने लिहिले आहे, “गर्लफ्रेंडची पकड त्याच्या सबबींपेक्षाही घट्ट आहे” आणखीन एका युजरने लिहिले आहे, “हिंसेला कोणतेही लिंग नसते; परंतु जेव्हा हिंसेचा विषय पुरुषांशी संबंधित असतो, तेव्हा ती गोष्ट सर्वांनाच हास्यास्पद वाटते. याउलट, जेव्हा तीच हिंसा स्त्रियांशी संबंधित असते, तेव्हा या पृथ्वीवरील प्रत्येक व्यक्ती स्त्रियांचा तारणहार बनून उभी राहते… काय हा दुटप्पीपणाने भरलेला जगाचा कारभार!”.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.