पाकिस्तानच्या नेत्यांना नाही लाज! पैसे एकाचे पण हात 12 जणांचे, संसदेत घडला हास्यास्पद प्रकार… पाहून सभापतीही हादरले

Pakistan Parliment Video : पाकिस्तानच्या संसदेत पैशांवरून गदारोळ... एकाचे पैसे पडले पण दावेदार म्हणून तब्बल १२ नेत्यांनी हात वर केला जे पाहून सभापतीही हादरले. घटनेत पुढे काय घडलं ते आता तुम्हीच पहा.

• पाकिस्तानच्या संसदेत घडला हास्यास्पद प्रकार
• नेत्यांची पैसे मिळवण्यासाठी तुंबळ
• व्हिडिओ इंटरनेटवर होतोय व्हायरल

आपल्या बिकट अवस्थेमुळे आणि आर्थिक परिस्थितीसाठी जगभरात ओळखला जाणारा पाकिस्तान सोशल मिडियावर नेहमीच ट्रेंडमध्ये असतो. पाकिस्तानचे अनेक व्हिडिओ सोशल मिडियावर व्हायरल होत असतात. अलिकडे पाकिस्तानच्या संसदेतील मजेदार प्रकार इथे शेअर करण्यात आला आहे ज्यात घडलेला प्रकार तुम्हाला हसू अनावर करेल. आर्थिक परिस्थितीमुळे पाकिस्तानच्या नागरिकांचे हाल बिकट असल्याची माहिती आहे पण ही अवस्था नेत्यांचीही झालेली आहे हे या व्हिडिओतून दिसून येते. चला नक्की काय घडलं ते सविस्तर जाणून घेऊया.

धुरंधर चित्रपट पाहताच व्यक्ती कॅरॅक्टरच्या एवढ्या आहारी गेला की… थिएटरमध्ये करू लागला ‘ते’ कृत्य; प्रेक्षक हादरले; Video Viral

काय घडलं व्हिडिओत?

वास्तविक घडलं असं की, संसदेच्या कामकाजादरम्यान जमिनीवर काही नोटा पडल्या होत्या. या नोटा कुणाच्या पडल्या हे ठाऊक नसल्याने सभापतींनी या नोटा उचलून या नोटा कुणाच्या आहेत याची विचारणा केली. नोटा एकाच्या पडल्या पण या नोटा मिळवण्यासाठी एक-दोन नव्हे तर १२ खासदारांनी आपले हात वर केले. हे पाहून सभापती सभापती अयाज सादिक देखील हादरले. प्रत्येकाने नोटा त्यांच्या मालकीच्या असल्याचा दावा करायला सुरुवात केली. त्यांनी विनोदाने म्हटले, “पैशांपेक्षा दावेदार जास्त आहेत. संपूर्ण सभागृहाने हात वर केले आहेत.” संसदेत उपस्थित असलेले सर्व सदस्य या परिस्थितीवर हसायला लागले. पाकिस्तानच्या आर्थिक परिस्थितीचा फटका नेत्यांनाही पडल्याचे यातून स्पष्ट होते म्हणून तर एकाच्या पैशांसाठी सर्व नेत्यांची तुंबळ संसदेत दिसून आली.

कामकाजाच्या शेवटी, सभापतींनी घोषणा केली की चौकशीनंतर खऱ्या मालकाची ओळख पटली आहे. हे पैसे पीटीआय नेते इक्बाल आफ्रिदी यांचे होते. त्यांनी चुकून नोटा टाकल्या आणि त्यांना परत करण्यात आल्या. तथापि, ज्या पद्धतीने १२ खासदार एकाच वेळी पैशाचा दावा करण्यासाठी आले ते पाकिस्तानच्या संसदेच्या इतिहासातील एक हास्यास्पद प्रकरण बनले आहे. या प्रकरणामुळे आता पुन्हा एकदा सोशल मिडियावर पाकिस्तानची खिल्ली उडवली जात आहे.

See more

ये है पाकिस्तान की हालत, पाकिस्तान की संसद में किसी के पैसे गिर गये, स्पीकर ने पूछा किसके गिर गए…10-12 सांसदों ने हाथ उठा दिया कि वो पैसे उनके हैं… pic.twitter.com/nyO84PVzaK — Rohit R Ranjann (@irohitr) December 9, 2025

कान्हाच्या प्रेमात भान हरपून बसली! वरात आली, कन्यादानही झालं अन् विधिवत युपीच्या कन्येने केलं श्रीकृष्णाशी लग्न; Video Viral

दरम्यान या घटनेचा व्हिडिओ @irohitr नावाच्या एक्स अकाऊंटवरून शेअर करण्यात आला आहे. व्हिडिओच्या कॅप्शनमध्ये लिहिण्यात आले आहे की, ‘पाकिस्तानची ही अवस्था आहे, पाकिस्तानच्या संसदेत कोणाचे तरी पैसे पडले, सभापतींनी विचारले की हे कोणाचे पैसे पडले… १०-१२ खासदारांनी हात वर करून सांगितले की हे पैसे त्यांचे आहेत…’.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.