नकाब घातला तर हेल्मेट का नाही? ट्रॅफिक पोलिसांनी तरुणींना शिकवला धडा; Video Viral

विना हेल्मेट स्कूटी चालवणाऱ्या विद्यार्थिनींना ट्रॅफिक पोलिसांनी दंड न करता अनोख्या पद्धतीने हेल्मेटचे महत्त्व समजावून सांगितले. पोलिसाच्या कृतीने सर्वांना खुश केलं असून सोशल मिडियावर काैतुकांचा वर्षाव केला जात आहे.

• विना हेल्मेट स्कूटी चालवताना विद्यार्थिनींना अडवलं.
• दंडाऐवजी पोलिसांनी दिला प्रेमाने सुरक्षा संदेश.
• हेल्मेट घालण्याचं विद्यार्थिनींकडून घेतलं वचन.

वाहतूक नियमांचे पालन करण्यासाठी पोलिसांकडून नेहमीच जनजागृती केली जाते. अशाच एका प्रसंगात ट्रॅफिक पोलिसांनी काही विद्यार्थिनींना अनोख्या पद्धतीने नियम समजावून सांगितले, ज्याचा व्हिडिओ सोशल मीडियावर व्हायरल होत आहे. व्हिडिओमध्ये ट्रॅफिक पोलिस अधिकारी विना हेल्मेट स्कूटी चालवणाऱ्या विद्यार्थिनींना रेल्वे नियमांचे पालन करण्याचा सल्ला देताना दिसतात. यावेळी ते फार रागवत नाही तर आपुलकीने मुलींना हेल्मेट घालण्याचे महत्त्व समजावून सांगतात. पोलिसांच्या कृतीवर आता यूजर्स चांगलेच खुश झाले असून याचा व्हिडिओ सोशल मिडियावर ट्रेंड करत आहे.

७ हजार किमी पार केलं, आता एक चाकी सायकलवर एव्हरेस्ट बेस कॅम्प गाठण्याचं ध्येय… केरळच्या तरुणाचं भन्नाट चॅलेंज; Video Viral

काय घडलं व्हिडिओत?

व्हायरल व्हिडिओमध्ये आपण पाहू शकतो यात, ट्रॅफिक पोलिस अधिकारी रात्रीच्या वेळी गस्त घालत असताना एक वाहतूक पोलीस अधिकारी स्कूटरवरील बुरखा घातलेल्या दोन विद्यार्थींना विना हेल्मेट प्रवास करताना पकडतो. गाडी थांबवल्यानंतर तो विद्यार्थींना शांतपणे विचारतो की, तुम्ही शिकत आहात का? यानंतर तो त्यांना म्हणतो की, स्कूटी विकत घेतली असेल तेव्हा सोबत हेल्मेट देखील मिळाला असेल ना? मग त्या हेल्मेटला घालत का नाही? अधिकारी विद्यार्थींना समजावत सागंतो की, रस्त्यावर सुरक्षा फार महत्त्वाची असते. जर कोणती दुर्घटना झाली तर सर्वात जास्त त्रास आपल्या कुटुंबाला आणि आई-वडिलांना होतो. पुढे अधिकारी विनोदाने आणि आपुलकीने म्हणतो की, जसा चेहरा झाकण्यासाठी मास्क घातला जातो, त्याचप्रमाणे डोक्याच्या संरक्षणासाठी हेल्मेटही घातले पाहिजे.

हेल्मेट न घालण्यासाठी अधिकाऱ्याने विद्यार्थींकडून फाईन घेतला नाही पण हेल्मेट घालण्याचे महत्त्व त्यांना पटवून दिले. त्यांनी विद्यार्थींकडून वचन घेतले की, पुढे जेव्हाही त्या घरातून बाहेर निघतील तेव्हा त्या नेहमी न विसरता आपल्यासोबत हेल्मेट घेऊनच घराबाहेर पडतील. विद्यार्थींनी वचन दिल्यानंतर अधिकारी त्यांना धन्यवाद म्हणतो आणि पुढे जाण्यासाठी परवानगी देतो. अधिकाऱ्याचा हा व्हिडिओ सोशल मिडियावर चांगलाच व्हायरल होत असून त्याच्या सामंजस्याने सर्वांचे मन जिंकून घेतले आहे.

See more

जंगलाच्या राजाची दहशत… विशाककाय घोड्याचा गळा धरला अन् ओढतंच अरण्यात नेलं; शिकारीचा थरारक Video Viral

हा व्हिडिओ @tsi_ajay_sharma नावाच्या इंस्टाग्राम अकाऊंटवर शेअर करण्यात आला आहे. व्हिडिओ चांगलाच चर्चेत असून व्हिडिओच्या कमेंट सेक्शनमध्ये अनेक यूजर्सने यातील दृष्यांवर आपले मत व्यक्त केले आहे. एका यूजरने म्हटले की, “अशा पोलिस अधिकाऱ्यांचा खरोखर आदर करायला हवा”, दुसऱ्या युजरने लिहिले आहे, “तुमच्यासारख्या पोलीस अधिकाऱ्यांना सलाम, साहेब”, आणखी एका यूजरने लिहिले आहे, “तुमच्यासारखे मनमिळाऊ पोलीस अधिकारी आपल्या देशासाठी अत्यावश्यक आहेत. प्रत्येक सामान्य माणूस पोलिसांना आपला मित्र मानतो, संजय. धन्यवाद, इन्स्पेक्टर साहेब. तुम्हाला सलाम”.

टीप – हे व्हिडिओ सोशल मडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.