Viral video: दिवाळीची साफसफाई की जीवघेणा स्टंट? 5 व्या मजल्यावर बाल्कनीबाहेर झाडू मारणाऱ्या महिलेचा VIDEO चर्चेत

Viral video: दिवाळीच्या साफसफाईसाठी अनेक जण जीवाचे रान करतात; मात्र एका महिलेने चक्क जीव धोक्यात घालून घराची साफसफाई केली आहे. पाचव्या मजल्यावरील बाल्कनीच्या बाहेरील अरुंद उतारावर उभे राहून झाडू मारणाऱ्या महिलेचा व्हिडिओ सोशल मीडियावर व्हायरल झाला आहे. रुपाली म्हापसेकर यांनी हा व्हिडिओ शेअर केला.

• दिवाळीच्या साफसफाईसाठी महिलेने गाठली धोक्याची परिसीमा!
• पाचव्या मजल्याच्या बाल्कनीबाहेर उभे राहून सफाई, VIDEO व्हायरल
• साफसफाईचा असा कोणता उत्साह?

Viral video: दिवाळी म्हटली की घराची साफसफाई, रंगरंगोटी आणि सजावटीची लगबग सुरू होते. सणाच्या तयारीसाठी प्रत्येक जण आपापल्या परीने मेहनत घेत असतो. घरातील कानाकोपरा स्वच्छ करण्यासाठी काही जण विशेष काळजी घेतात. मात्र, एका महिलेने तर हद्दच पार केली. दिवाळीच्या साफसफाईसाठी चक्क जीव धोक्यात घालून साफसफाई करताना पाहायला मिळत आहे. या महिलेचा व्हिडिओ सोशल मीडियावर मोठ्या प्रमाणात व्हायरल होत असून, तो पाहून नेटकरी थक्क झाले आहेत.

पाचव्या मजल्यावर बाल्कनीबाहेर उभे राहून सफाई

साधारणपणे घराच्या बाल्कनीची साफसफाई करताना बाहेरील बाजू स्वच्छ करणे कठीण जाते. त्यामुळे अनेक जण झाडूच्या मदतीने किंवा इतर साधनांचा वापर करून बाल्कनीच्या बाहेरील भागाची सफाई करतात. मात्र, या महिलेने वेगळाच मार्ग निवडला. व्हायरल व्हिडिओमध्ये ही महिला इमारतीच्या पाचव्या मजल्यावरील बाल्कनीच्या बाहेरील बाजूला असलेल्या उतारावर उभी असल्याचे दिसते.

वर्गात चालत आली अन् अचानक खाली कोसळली, शिक्षिका उचायला गेल्या अन्…; 9 वर्षीय विद्यार्थिनीचा मृत्यू; घटनेचा Video Viral

हातात झाडू घेऊन ती बाहेरील भागाची साफसफाई करत आहे. विशेष म्हणजे, ज्या ठिकाणी ती उभी आहे, तिथे थोडासाही तोल गेल्यास थेट खाली पडण्याचा धोका होता. तरीही महिला कोणतीही भीती न बाळगता निवांतपणे सफाई करताना दिसत आहे.

रुपाली म्हापसेकर यांनी शेअर केला व्हिडिओ

रुपाली म्हापसेकर यांनी हा व्हिडिओ सोशल मीडियावर शेअर केला आहे. व्हिडिओसोबत त्यांनी ‘दिवाळी सफाईची अशी हिंमत! सेफ्टीला २१ तोफांची सलामी’ अशा आशयाचे उपरोधिक कॅप्शन दिले आहे. या व्हिडिओमध्ये महिलेचा चेहरा दिसत नसला तरी तिच्या हातातील झाडू आणि ती करत असलेली सफाई स्पष्टपणे दिसत आहे.

नेटकऱ्यांच्या मजेशीर कमेंट्सचा पाऊस

हा व्हिडिओ व्हायरल झाल्यानंतर सोशल मीडिया युजर्सनी त्यावर वेगवेगळ्या प्रतिक्रिया दिल्या आहेत. काहींनी महिलेच्या कामातील समर्पणाची खिल्ली उडवत कौतुक केले, तर अनेकांनी तिच्या सुरक्षेबाबत चिंता व्यक्त केली.

एका महिला युजरने, एवढा धोका पत्करण्याची काय गरज होती? पावसाळ्यातच बाहेरील भाग स्वच्छ झाला असता, अशी प्रतिक्रिया दिली. तर अन्य एका युजरने यमराजाचा संदर्भ देत विनोदी टिप्पणी केली. एका युजरने ‘मिशन पॉसिबल’ असे म्हटले, तर दुसऱ्याने महिलेच्या कामाप्रती असलेल्या समर्पणावर भाष्य केले.

See more

दिवाळीची सफाई करताना सुरक्षाही महत्त्वाची!

दिवाळीच्या निमित्ताने घर स्वच्छ ठेवणे महत्त्वाचे असले, तरी त्यासाठी स्वतःचा जीव धोक्यात घालणे योग्य नाही. विशेषतः उंच इमारतींच्या बाल्कनी, खिडक्या आणि बाहेरील भिंतींची सफाई करताना विशेष खबरदारी घेणे आवश्यक आहे. अशा ठिकाणी स्वतः बाहेरच्या बाजूला उभे राहण्याऐवजी सुरक्षित साधनांचा किंवा प्रशिक्षित कर्मचाऱ्यांचा वापर करणे गरजेचे आहे.

सध्या या महिलेचा व्हिडिओ सोशल मीडियावर चर्चेचा विषय ठरला असून, दिवाळीच्या साफसफाईचा उत्साह जीवावर बेतू नये, अशी प्रतिक्रिया अनेकांकडून व्यक्त केली जात आहे.

Viral Video: फोनच्या नादात आईकडून भयंकर चूक; बाळाला फ्रिजमध्ये ठेवलं अन्…; पुढे जे घडलं ते फारच भयानक!