Blind Date
China Viral News : चीनमध्ये एक धक्कादायक घटना घडली आहे. एका व्यक्ती ब्लाइंड डेटवर गेला होता आणि त्याने केवळ चार तासांच्या ओळखीत मुलीशी लग्न केलं आहे. पण त्यानंतर त्याची मोठी फसवणूक झाली आहे. सहसा आपण कोणत्या नव्या अनोळखी व्यक्तीला भेटलो, किंवा ब्लाइंड डेटवर गेलो तर त्या व्यतीबद्दल आपण जाणून घेण्याचा प्रयत्न करतो. कोणतीही व्यक्ती दुसऱ्या व्यक्तीला क्षणात आवडू शकते मात्र ओळखण्यासाठी अनेक महिने, वर्षे किंवा आयुष्यही जाते.
अरे हा तर यूपीचा रॅन्चो! यूपीतील १७ वर्षीय विद्यार्थ्याने बनवली AI शिक्षिका, VIDEO VIRAL
शिवाय जेव्हा लग्नासाठी आपण अशा कोणत्या व्यक्तीला भेटत असू तर त्या व्यक्तीला समजून घेतल्याशिवाय नातं पुढे नेणार नाही. पण चीनमध्ये एक विचित्र प्रकार घडला आहे. एका व्यक्तीने फक्त चार तासांच्या ओळखीत तरुणीशी लग्न केले आहे. पण आयुष्य भरासाठीची जमाजमव मात्र गमावून बसला आहे. सध्या ही घटना सोशल मीडियावर चर्चेचा विषय ठरली आहे. या घटनेने प्रचंड धुमाकूळ घातला आहे. नेमकं काय घडलं हे आपण जाणून घेऊयात.
साउथ चायना मॉर्निंग पोस्टच्या अहवालानुसार, चीनच्या दक्षिण हुनाना प्रदेशात ही घटना घडली आहे. एका 40 वर्षी हुआंग झोंगचेंग याने केवळ चार तासांच्या ओळखीत लग्न केले. पण त्याच्या नंतर जे घडलं धक्कादायक आहे. अहवालानुसार, हुआंग २१ ऑगस्टला ब्लाइंड डेटवर गेला होता. यावेळी त्या काही आठ मॅचमेकर्स भेटले होते. त्यांनी तो भेटणार असलेल्या मुलीचे खूप कौतुक केले. या व्यक्तींमध्ये हुआंग याच्या ओळखीचा त्याच्या गावातील एक व्यक्त देखील होती. या सर्वांनी हुआंगला ती महिला त्याची योग्य जोडीदार कशी आहे हे पटवून दिले. त्यामुळे हुआंग या महिलेला भेटायला गेला.
महिलेला भेटल्यानंतर अवघ्या चार तासांतच त्यांनी तिच्याशी लग्न केले. हुआंग यांनी सांगितलेल्या माहितीनुसार, त्या महिलेने त्यांच्याकडे लग्नासाठी अत्यंत आग्रह धरला होता. यामुळे त्यांनी सर्व काही लवकर उरकरण्याचे ठरवले. दोघांनी दुपारी भेट घेतली होती. यानंतर संध्याकाळी पाच वाजता दोघांनी रजिस्ट्रेशन मॅरेज केले. हुआंग यांना जे काही घडत आहे, हे सगळं एखाद्या स्वप्नासारखे वाटत होते. लग्नाच्या रात्री ते एका हॉटेलमध्ये थांबले होते. तेथे त्यांनी दोन दिवस एकत्र घालवले.
नंतर त्या महिलेने हुआंग यांना ग्वांगडोंग येथे पैसे कवण्यासाठी जाण्याचा आग्रह धरला. तसेच हुआंग यांच्याकडे पैसेही मागितले. हुआंग यांनी सांगितले की, ती पैसे घेऊन ग्वांगडोंगला जायची. त्यांनी अनेक वेळा तिच्याशी संपर्क साधण्याचा प्रयत्न केला मात्र, तिने कधीही त्यांना उत्तर दिले नाही. केवळ पुन्हा पैसे लागल्यावर ती त्यांच्याकडे यायची. त्यांनी सांगितले की, त्या महिलेने लग्न झाल्यानंतर केवळ एका महिन्यात त्यांची आयुभराची जमापुंजी संपवली. हुआंग यांनी महिलेला जवळपास २,४०,००० युआन म्हणजे ३० लाख रुपये दिले होते. सध्या ही घटना सोशल मीडियावर चर्चेचा विषय बनत आहे.
टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.
.png "Videos"){kind=small}
