टोल कर्मचाऱ्याने कापू पाहिलं खोटं चलन, चालकाने धरला हात अन् चालू गाडीतच सपासप हाणलं कानशिलात; Video Viral

Truck Driver Slapped Toll Worker : टोल चालकाचा खोटेपणा पकडला आणि ट्रक ड्रायव्हरने सपासप कानिशिलात बजावण्यास केली सुरुवात. या हाय व्होल्टेज ड्रामाचा व्हिडिओ आता इंटरनेटवर चांगलाच व्हायरल होत आहे.

• सोशल मीडियावर एका टोल नाक्यावरील घटनेचा व्हिडिओ वेगाने व्हायरल होत आहे.
• टोल कर्मचाऱ्याच्या वागण्यामुळे ट्रकचालक आणि त्याच्यात वाद निर्माण झाल्याचे दिसते.
• या व्हिडिओवर नेटकऱ्यांनी वेगवेगळ्या प्रतिक्रिया देत घटनेवर प्रश्न उपस्थित केले आहेत.

सोशल मिडियावर दररोज अनेक घटना आणि मजेदार दृष्य शेअर केले जातात. हे व्हिडिओ कधी आपल्याला हसवतात, कधी भावूक करतात तर कधी आश्चर्याचा धक्का देऊन जातात. अलिकडे मात्र एक घटना इथे शेअर करण्यात आली आहे ज्यातील दृष्यांनी सर्वांना थक्क केलं. माहितीनुसार, एक टोल कर्मचारी ट्रकचालकाचे खोटे चलन कापण्याचा प्रयत्न करत होता. अशात ट्रकचालकाला राग आला आणि त्याने चालू गाडीतून कर्मचाऱ्याला सपासप कानशिलात मारण्यास सुरुवात केली. आपला संपूर्ण जोर लावून तो अशाप्रकारे कर्मचाऱ्याची धुलाई करतो ती पाहून सर्व यूजर्स अवाक् होतात. ही घटना सध्या इंटरनेटवर चांगलीच व्हायरल होत आहे. चला सविस्तर जाणून घेऊया.

CA अवंतिका भट्टने कुत्र्याच्या भांड्यातून प्यायले पाणी; यूट्यूबर साैरव जोशीची पत्नी चर्चेत; Video Viral

काय घडलं व्हिडिओत?

व्हायरल व्हिडिओमध्ये तुम्ही पाहू शकता यात टोल कर्मचारी ट्रकचालकाकडे टोल मागताना दिसतो. कर्मचारी खोटं चलान मागत असल्याचे ट्रकचालकाला समजते आणि म्हणूनच गाडी न थांबवता तो सरळ पुढे निघून जातो. यात घडतं असं की, टोल कर्मचारी ट्रकचालकाचा पाठलाग करु पाहतो. पैसे घेतल्याशिवाय तो ट्रकचालकाला पुढे जाऊन देण्यास तयार नसतो. यासाठी तो ट्रकचालाकाला गाडी थांबवण्यासाठी आवाज देतो आणि नंतर थेट चालू गाडीत खिडकीला लटकून तो चालकाकडून चलन मागायला सुरुवात करतो. या क्षणी चालक भडकतो आणि सपासप कर्मचाऱ्याला कानशिलात बडवण्यास सुरुवात करतो. चालक इतक्या ताकदीने कर्मचाऱ्यावर हल्ला करतो की पाहून यूजर्सच्या अंगावर काटा येतो. ही घटना आता इंटरनेटवर चांगलीच ट्रेंड करत आहे.

Aura of the Truck Driver 🔥🔥 Aur lelo Unauthorised Toll A suspected fake toll collector tried to collect money truck drivers, but got the ultimate treatment. https://t.co/FzGDO1lrVL — Amit Singh (@RockstarAmit) October 15, 2026

पतीशी भांडण अन् पत्नीने मारली विहिरीत उडी! बराच वेळ रंगला हायव्होल्टेज ड्रामा; अंगावर काटा आणणारा व्हिडिओ व्हायरल

दरम्यान घटनेचा हा व्हिडिओ @RockstarAmit नावाच्या एक्स अकाऊंटवरुन शेअर करण्यात आला आहे. व्हिडिओला ७ लाखाहून अधिकचे व्यूज मिळाले असून व्हिडिओवर अनेक यूजर्सने कमेंट्स करत या घटनेवर आपल्या प्रतिक्रिया व्यक्त केल्या आहेत. यात एका यूजरने म्हटले की, “बरोबर केलं त्याने त्याच्यासोबत, मेहनत न करता जर तुम्ही खोटेपण करणार तर असंच होणार”, दुसऱ्या युजरने लिहिले आहे, “ड्रायव्हर गाडी चालवताना व्हिडिओ रेकॉर्ड करतोय… मार बसण्यापूर्वी अतिप्रतिक्रिया देतोय… पक्कं स्क्रिप्टेड”, आणखी एका यूजरने लिहिले आहे, “ट्रक ड्रायव्हर्सना आधीच इतक्या बनावट टोल आणि तपासणी नाक्यांचा सामना करावा लागतो की हे कधी ना कधी घडणारच होतं. त्या पिवळ्या वेस्टवाल्याला खरंच वाटलं की त्याला एक सोपं लक्ष्य मिळालं आहे आणि आपला हा सिद्धांत तपासण्यासाठी त्याने चुकीचा ट्रक निवडला.”.

टीप : या घटनेशी संबंधित माहिती सोशल मीडियावर शेअर करण्यात आलेल्या पोस्ट आणि व्हिडीओवर आधारित आहे. त्यातील सर्व दाव्यांची स्वतंत्रपणे पडताळणी झालेली असल्याचे निश्चितपणे सांगता येत नाही.