‘नाच रे मोरा नाच’ म्हणत १ कोटीहून अधिक लोकांनी पाहिलाय हा व्हिडिओ

Peacock Amazing Dance : नाच रे मोरा नाच हे गाणं असंच नाही बनलं... कारण भावा जेव्हा मोर नाचतो तेव्हा त्याला पाहून लोकं स्वत:ला त्याच्या सौंदर्याचं कौतुक करण्यापासून रोखू शकत नाहीत.

मोर हा एवढा सुंदर पक्षी आहे की त्याला एकदाच पाहिलं तरी लोकांचा संपूर्ण दिवस सार्थकी लागतो. होय, डोळ्यांना सुख देणारा हा सुंदर प्राणी आपल्या नृत्य आणि सौंदर्यासाठी जगभरात प्रसिद्ध आहे. तो जेव्हा नाचतो तेव्हा त्याचा मनमोहक परफॉर्मन्स पाहण्यासाठी लोकांची पावलेही थांबतात. सोशल मीडियावर आपल्या भव्य आणि रंगीबेरंगी राष्ट्रीय पक्ष्याचे असंख्य व्हिडिओ आणि चित्रे आहेत. पण याच दरम्यान, लोक एक-दोनदा नाही तर पुन्हा पुन्हा पाहत असल्याची क्लिप समोर आली आहे.

अतिशय सुंदर, रंगीबेरंगी आणि आपला राष्ट्रीय पक्षी आहे

हा अतिशय देखणा व्हिडिओ ट्विटर हँडल @buitengebieden ने शेअर केला आणि कॅप्शनमध्ये लिहिले, ‘मोर…।’. ही बातमी लिहेपर्यंत या व्हिडिओला १४ दशलक्षाहून अधिक व्ह्यूज, ५ लाखांहून अधिक लाईक्स आणि ६४.८ हजार रिट्विट्स मिळाले आहेत. तसेच शेकडो युजर्सनी यावर आपली प्रतिक्रिया दिली आहे. एका युजरने लिहिले की हा एक अद्भुत पक्षी आहे आणि नरांमध्ये सर्वात सुंदर देखील आहे. तर काहींनी निसर्गाच्या निर्मितीचे कौतुक केले.

जेव्हा मोर आपले पंख पसरतो तेव्हा…

ही क्लिप ०७ सेकंदांची आहे ज्यामध्ये आपण एका उद्यानात मोर उभा असलेला पाहू शकतो. तो अचानक त्याचे पंख हवेत उंचावतो आणि इतक्या अप्रतिम रितीने पसरवतो की पाहणाऱ्याची त्याच्यावरून नजरच हटत नाही. हे अद्भूत दृश्य पाहून सर्वजण सौंदर्याचं कौतुक करत आहेत. हा पक्षी त्याच्या सौंदर्यासाठी आणि अप्रतिम नृत्यासाठी जगभर प्रसिद्ध आहे.

येथे पाहा हा सुंदर व्हिडिओ :

https://twitter.com/buitengebieden/status/1547073922629353472