गणपतीला चक्क बोबा टी चा प्रसाद (फोटो सौजन्य - Instagram)
बँकॉकस्थित कंटेंट क्रिएटर पिया पिंगने एक व्हिडिओ शेअर केला आहे, ज्यामध्ये एका गणेश मंदिराबाहेर मोठ्या संख्येने बबल टीचे कप ठेवलेले दिसत आहेत. पियाच्या मते, हे ठिकाण बँकॉकच्या प्रसिद्ध युनियन मॉलच्या बाहेर असलेले गणेश मंदिर आहे. येथे, काही भक्त गणपती बाप्पाला बबल मिल्क टी अर्पण करतात.
बबल टी चहा, दूध आणि विविध फ्लेवर्सपासून बनवला जातो. त्याच्या तळाशी चघळता येणारे टॅपिओकाचे मोतीही असतात. हे पेय थायलंडमध्ये खूप लोकप्रिय आहे आणि तेथील काही भक्त गणपतीला नैवेद्य म्हणून आपले आवडते पदार्थ अर्पण करतात. व्हिडिओमध्ये पियाने सांगितले की, भारतात गणपतीला लाडू किंवा मोदक अर्पण करण्याची परंपरा अधिक प्रचलित आहे, परंतु बँकॉकमध्ये काही भक्त बाप्पाला बबल टी अर्पण करतात.
तिच्या मते, यामागे एक मनोरंजक श्रद्धा आहे. काही भक्तांचा असा विश्वास आहे की, जर त्यांच्या इच्छा पूर्ण झाल्या, तर त्यांनी परत येऊन अधिक अर्पण केले पाहिजे. उदाहरणार्थ, जर कोणी ३ कप बबल टी अर्पण केला, तर पुढच्या वेळी ते ६ कप आणि नंतर १२ कपपर्यंत अर्पण करू शकतात.
थायलंडमध्ये, गणपतीला फ्रा फिकानेट किंवा फ्रा फिकानेसुआन म्हणूनही ओळखले जाते. यश, सुदैव आणि विघ्नहर्ता म्हणून त्यांची पूजा केली जाते. गणपतीची उपासना केवळ हिंदू समुदायापुरती मर्यादित नाही; अनेक थाई लोकही मोठ्या भक्तीभावाने त्यांची पूजा करतात. गणेश चतुर्थीच्या काळात पियाच्या व्हिडिओला सोशल मीडियावर प्रचंड प्रसिद्धी मिळाली.
अल्पावधीतच या व्हिडिओला लाखो व्ह्यूज मिळाले आणि लोकांनी या अनोख्या भक्तीवर आपल्या प्रतिक्रिया व्यक्त केल्या. अनेक लोकांनी म्हटले की देवाला अर्पण केलेल्या नैवेद्यापेक्षा भक्तांच्या भावना अधिक महत्त्वाच्या आहेत. काही वापरकर्त्यांनी तर गंमतीने असेही म्हटले की, रोज लाडू आणि मोदक खाल्ल्यानंतर बाप्पाला ‘विविध प्रकारचे’ बबल टी सुद्धा मिळायला हवेत.
अद्भूत! बॉलीवूड गाण्यावर थिरकला ह्युमनॉईड रोबोट; भारतीय शास्त्रीय नृत्याचा VIDEO तुफान व्हायरल
.png "Videos"){kind=small}
