संपूर्ण डेंटिस्ट समाज घाबरलेला आहे! विना एनेस्थीसिया हातोडीने बाहेर काढला काकूंचा दात; धक्कादायक Video Viral

Aunty Viral Video : ना भूल दिली, ना घेतली वैद्यांची मदत... महिलेने चक्क पक्कडच्या मदतीने उखडून बाहेर काढला किडलेला दात. व्हिडिओ आता चांगलाच व्हायरल होत असून यातील दृश्ये युजर्सना हादरवून सोडत आहेत.

• व्हायरल व्हिडिओमध्ये महिलेचा किडलेला दात पक्कडीने काढताना दिसतो.
• दंतवैद्याऐवजी सामान्य व्यक्तीकडून दात काढल्याने यूजर्स चकित झाले.
• भितीदायक दृश्य असूनही महिलेच्या धैर्याचे सोशल मीडियावर कौतुक होत आहे.

सोशल मिडियाच्या जगात कधी काय व्हायरल होईल ते सांगता येत नाही. इथे कधी धक्कादायक दृष्ये शेअर केली जातात तर कधी थक्क करणारी दृष्ये शेअर होतात. अलिकडे असाच एक अनोखा व्हिडिओ शेअर करण्यात आला आहे ज्यातील दृष्यांनी यूजर्सना चक्रावून सोडलं. आता आपल्या दातांमध्ये जर वेदना असतील किंवा दात सडला असेल तर त्याला ठिक करण्यासाठी बहुतेकवेळी आपण डाॅक्टरांची मदत घेतो. डाॅक्टर आपल्याला इंजेक्शनद्वारे भूल देतात आणि चिमट्याने कोणत्याही वेदनेशिवाय हा दात काढून टाकतात. आता ही झाली सामान्य प्रोसेस पण व्हिडिओत मात्र दात काढण्यासाठी एका भयानक पद्धतीचा वापर करण्यात आला ज्याला पाहून यूजर्सच्या पायाखालची जमिन हादरली. चला नक्की काय घडलं ते सविस्तर जाणून घेऊया.

प्रेमापोटी त्याग केला! मुलाच्या मुंडन समारंभात महिलांसह संपूर्ण कुटुंबाने केलं टक्कल; Video Viral

काय घडलं व्हिडिओत?

सोशल मिडियावर वेगाने व्हायरल होत असलेल्या या व्हिडिओमध्ये एक जण महिलेचा किडलेला दात बाहेर काढताना दिसून येत आहे. परंतु हा दात कोणत्याही दंतवैद्याकडून नाही तर सामान्य पुरुषाच्या मदतीने पक्कडीने काढण्यात येत आहे. जड पक्कड महिलेच्या तोंडात घालून हा दात काढला जात होता जे पाहणे खरोखर भितीदायक ठरले. मुख्य म्हणजे असं करताना महिलेच्या चेहऱ्यावर भितीची एक रेषही दिसून आली नाही. व्हिडिओच्या शेवटी पक्कडीने खेचून महिलेचा दात बाहेर काढण्यात आल्याचे स्पष्ट दिसून येते. यूजर्स आता व्हिडिओतील दृष्ये पाहून चकित झाले असून अनेकांना महिलेच्या साहसाचे काैतुक केले आहे.

See more

एकाकीपणाला पूर्णविराम! जपानच्या व्हायरल पंचला भेटली गर्लफ्रेंड, Kiss करताना पाहून युजर्स गेले भारावून; Video Viral

दरम्यान घटनेचा हा व्हिडिओ @drshuklaklinic नावाच्या इंस्टाग्राम अकाऊंटवरून शेअर करण्यात आला आहे.व्हिडिओला आतापर्यंत लाखो व्युज मिळाल्या असून हजारो युजर्सने व्हिडिओवर कमेंट करत यावर आपल्या प्रतिक्रिया व्यक्त केल्या आहेत. एका युजरने लिहिले आहे, “काकूंच्या हिमतीला तोड नाही” तर दुसऱ्या युजरने लिहिले आहे, “दात त्यांचा निघाला पण वेदना मला होऊ लागल्या आहेत” आणखीन एका युजरने लिहिले आहे, “चला पैसे वाचले, १२ हजाराच काम १०० रुपयांत झालं”.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.