चार दिवसाने मृत्यूच्या उंबरठ्यावरून परतली महिला, स्वर्गात राहिल्याचा केला दावा; सांगितलं तिथे काय काय पाहिलं...
ही विचित्र घटना १९९० साली घडली. अमेरिकेतील २२ वर्षांची नॉर्थ कॅरोलिना येथील पामेला नॅन्स हिने दावा केला की, तिने स्वर्ग फक्त पाहिलाच नाही तर तिथे चार दिवस देखील घालवले. ती एका रेस्टॉरंटमध्ये काम करत असताना तिच्या पोटात अचानक तीव्र वेदना होऊ लागल्या. पामेलाने किरकोळ वेदना समजून याकडे दुर्लक्ष केलं पण प्रत्यक्षात तो रक्तस्त्राव होता. दुसऱ्या दिवशी ती जेव्हा बाथरुममध्ये कोसळली तेव्हा तिला रुग्णालयात दाखल करण्यात आले. इथे डाॅक्टरांनी तिला वैद्यकीयदृष्ट्या मृत घोषित केले.
युनिलाड वेबसाइटवर प्रकाशित झालेल्या एका अहवालानुसार, पामेलाने दावा केला की जेव्हा तिचे शरीर आयसीयूमध्ये होते तेव्हा तिचा आत्मा परलोकात प्रवास करत होता. तिने तिथे काय पाहिले ते सर्व सांगितले. पामेलाच्या मते, तेथील रंग इतके तेजस्वी आणि सुंदर होते की त्याचे शब्दात वर्णन करता येणे कठीण आहे. तिने सांगितले की, तिने तिथे एक झाड पाहिले जे तिच्याशी बोलत होते. ते झाड तिला बोलावत होते. तिला असं जाणवलं की तिचे शरीर आता फक्त हाडामांसाच राहिलेलं नसून ती संपूर्ण निसर्गाचा एक भाग झाली आहे.
कुत्र्याला भेटली
दुसऱ्या जगातील तिच्या या प्रवासात तिने हॉली नावाच्या रॉटवेलर कुत्र्याला भेटल्याचेही सांगितले. विशेष म्हणजे ज्या दिवशी पामेलाच्या पोटातील रक्तवाहिनी फुटली तेव्हा त्याच दिवशी तिच्या लाडक्या कुत्र्याचाही मृत्यू झाल्याचे तिने सांगितले.
बौद्ध भिक्षू दिसला
याकाळात तिची तिथे एका बाैद्ध भिक्षूशी भेट झाली. त्या भिक्षुंनी तिला जीवनाचा खरा अर्थ शिकवला. पाच दिवसांच्या संघर्षानंतर पामेला वाचली आणि मृत्यूच्या विळख्यातून ती बाहेर आली. पण यावेळी ती पूर्वीची पामेला नव्हती तर आयुष्याकडे बघण्याचा तिचा दृष्टिकोन बराच बदलला होता. ती म्हणते की, माणसाचा मृत्यू हा त्याचा शेवट नसतो तर नवी सुरुवात असते. तिचा विश्वास आहे की, आपण सर्व प्रेमाने जोडलेले आहोत आणि भिती एक अशी गोष्ट आहे जी आपल्याला वेगळी करते. तिच्या मते आपले खरे अस्तित्व हे पलिकडच्या जगात आहे.
.png "Videos"){kind=small}
