इलेक्ट्रीक कारला अचानक लागली आग, जिवंतपणीच ड्रायव्हरचं शरीर गेलं जळून… थरारक दृश्य अन् भीषण अपघाताचा Video Viral

Horrible Accident Video : इलेक्ट्रीक कार खरेदी करण्याचा विचार करत असाल तर हा व्हिडिओ पाहा. अचानक आग लागताच, गाडीचे दरवाजे लॉक झाले अन् माणसाचा जळून संपला जीव.

इलेक्ट्रीक कारची सध्या फार चर्चा सुरु आहे. इलेक्ट्रीक कारचा सर्वात मोठा फायदा म्हणजे यामुळे प्रदुषणातून धोका टळतो आणि पेट्रोलचा खर्च वाचतो. पण या कारचे काही धोके देखील आहेत. नुकताच सोशल मीडियावर एका इलेकट्रीक कारच्या भीषण अपघाताचा व्हिडिओ शेअर करण्यात आला आहे. हा अपघात इतका भयानक असतो की, यात ड्रायव्हरचं शरीर जळून निघत, त्याला गाडीतून बाहेर निघण्याची संधीच मिळत नाही. या सर्व घटनेचा लाइव्ह थरार आता सोशल मीडियावर शेअर करण्यात आला आहे आणि तो व्हायरलही होत आहे. चला याविषयी सविस्तर जाणून घेऊया.

रीलच्या नादात जीव टाकला धोक्यात, महिलेने साडीलाच लावली आग अन् घरभर पळत सुटली अन् Video Viral

नक्की काय आहे प्रकरण?

सदर घटनेमुळे इलेक्ट्रीक वाहनांच्या सुरक्षिततेचा मुद्दा समोर आला आहे. माहितीनुसार, ही इलेक्ट्रीक कार Xiaomi कंपनीची होती. भीषण म्हणजे कारला आग लागल्यानंतर ड्रायव्हरला यातून बाहेर पडता आले नाही ज्यामुळे जळून त्याचा या अपघातात मृत्यू झाला. ही माहिती ‘फ्री प्रेस जर्नल’ने दिली असून हा भयानक अपघात चीनच्या चेंगडू शहरात घडून आला आहे. हा अपघात Xiaomi SU7 कारचा झाला आहे. ही कार आधी एका डिव्हायडरला धडकली. त्यानंतर कारला अचानक आग लागली. आगीमुळे तांत्रिक बिघाड झाला आणि कारचे दरवाजे लॉक झाले, ज्यामुळे कारचालकाला गाडीतून बाहेर पडता आले नाही. वास्तविक लोकांनी कारच्या खिडक्या तोडण्याचा प्रयत्न केला. पण कारचा दरवाजा लॉक झाल्याने या लोकांना चालकाचे प्राण वाचवता आले नाही.

See more

Çin’de bir sürücü Xiaomi SU7 modeli ile kaza yapıp alev alan araçta hayatını kaybetti. Güç kesintisi sonrası kapılar kilitlendi, kurtarma girişimleri sonuçsuz kaldı. Olayın ardından Xiaomi hisseleri yaklaşık %9 değer kaybetti. pic.twitter.com/G6SLi4bMiY — Clash Report TR (@ClashReporttr) October 13, 2025

सर्वांच्या आवडीची, दिवाळीतली शान ‘सुरसुरी’ फटाका कसा तयार करतात माहिती आहे का? मजेशीर आहे संपूर्ण प्रोसेस; पाहा Viral Video

Xiaomi चीनी मोबाईल मॅन्युफॅक्चरनी काही वर्षांपूर्वी आपली ही इलेक्ट्रीक कार बाजारात आणली होती आणि चीनमध्ये या कारची विक्रीही सुरु झाली आहे. गेल्यावर्षी Xiaomi कंपनीने बंगळुरु येथे आयोजित एका मोबाईल ईव्हेंट दरम्यान Xiaomi SU7 कारला प्रदर्शितही केले होते. परंतू भारतात या कारला लाँच करण्यात आलेले नाही. दरम्यान या घटनेचा व्हिडिओ @ClashReporttr नावाच्या एक्स अकाऊंटवरून शेअर करण्यात आला आहे. अनेकांनी यावर कमेंट्स करत घटनेवर आपले मत व्यक्त केले असून एका युजरने लिहिले आहे, “सर्व लोक, तंत्रज्ञानप्रेमी, कृपया अशा नवीन उत्पादनांपासून दूर रहा ज्यांची कठोर चाचणी झालेली नाही” तर दुसऱ्या युजरने लिहिले आहे, “जो कोणी मूर्ख असेल तोच चायनीज ईव्ही खरेदी करेल”.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.