Shelly Kittleson: अमेरिकन महिला पत्रकार दहशतवाद्यांच्या जाळ्यात; बगदादच्या रस्त्यावरून दिवसाढवळ्या अपहरण, इराकी पोलीस तपासात

US-Iran War: अमेरिकन पत्रकार शेली किटेलसन यांच्या अपहरणामुळे बगदादमध्ये खळबळ उडाली आहे. इराकी सुरक्षा दलांनी एका संशयिताला अटक केली असून, या कटात कताइब हिजबुल्लाहचा हात असल्याचा संशय आहे.

• बगदादमध्ये दिवसाढवळ्या अपहरण
• दहशतवादी संघटना ‘कताइब हिजबुल्लाह’वर संशय
• थरारक पाठलाग अन् अटक

Shelly Kittleson kidnapped Baghdad news : युद्ध आणि संघर्षाचे(US-Israel Iran War) वार्तांकन करणाऱ्या एका धाडसी अमेरिकन पत्रकाराचे बगदादमध्ये अपहरण झाल्याने जगभरात खळबळ उडाली आहे. शेली किटेलसन, ज्या गेल्या अनेक वर्षांपासून इराक आणि सीरियातील भीषण परिस्थिती जगासमोर मांडत होत्या, त्या आता स्वतःच एका मोठ्या संकटात सापडल्या आहेत. मंगळवारी बगदादच्या गजबजलेल्या भागात ही घटना घडली, ज्याने इराकच्या सुरक्षा व्यवस्थेवर मोठे प्रश्नचिन्ह निर्माण केले आहे.

बगदादच्या रस्त्यांवर थरार: वाहनांचा पाठलाग आणि अटक

इराकी गृह मंत्रालयाने दिलेल्या माहितीनुसार, मंगळवारी काही सशस्त्र व्यक्तींनी शेली किटेलसन यांना बळजबरीने एका वाहनात बसवले आणि पळ काढला. या घटनेची माहिती मिळताच इराकी सुरक्षा दलांनी तातडीने नाकाबंदी करून अपहरणकर्त्यांचा पाठलाग सुरू केला. हा पाठलाग इतका थरारक होता की, वेगाने पळून जाण्याच्या प्रयत्नात अपहरणकर्त्यांचे एक वाहन उलटले. सुरक्षा दलांनी या वाहनातील एका संशयिताला ताब्यात घेतले आहे. मात्र, इतर अपहरणकर्ते शेली यांना घेऊन दुसऱ्या वाहनाने पळून जाण्यात यशस्वी ठरले.

जागतिक घडामोडी संबंधित बातम्या वाचण्यासाठी येथे क्लिक करा : India Iran Oil: संकट टळले! इराण-भारत तेल व्यापार पुन्हा सुरू; खारग बेटावरून 6,00,000 बॅरल कच्चे तेल घेऊन येणारा टँकर तयार

कोण आहेत शेली किटेलसन?

शेली किटेलसन या केवळ एक पत्रकार नसून त्या इराक आणि सीरियातील राजकारणाचे गाढे अभ्यासक आहेत. पेंटागॉनचे माजी अधिकारी ॲलेक्स प्लिट्सास यांनी त्यांची ओळख पटवली असून, किटेलसन या अनेक वर्षांपासून अत्यंत संवेदनशील भागातून रिपोर्टिंग करत होत्या. अटलांटिक कौन्सिलसारख्या प्रतिष्ठित संस्थांशी त्यांचा संबंध राहिला आहे. त्यांच्या अशा प्रकारे अचानक बेपत्ता होण्याने अमेरिकन दूतावासातही तातडीच्या हालचाली सुरू झाल्या आहेत.

कताइब हिजबुल्लाहचा ‘इतिहास’ आणि दहशतीचा कट

या अपहरणामागे ‘कताइब हिजबुल्लाह’ या दहशतवादी संघटनेचा हात असल्याचा दाट संशय आहे. ही संघटना इराणच्या ‘इस्लामिक रिव्होल्यूशनरी गार्ड कॉर्प्स’ (IRGC) शी थेट संबंधित आहे. अमेरिकेला इराकमधून हाकलून लावणे हे या संघटनेचे मुख्य उद्दिष्ट आहे. यापूर्वीही एलिझाबेथ त्सुरकोव्ह या विदेशी नागरिकेला या गटाने दोन वर्षे ओलीस ठेवले होते. आता पुन्हा एकदा एका अमेरिकन पत्रकाराला लक्ष्य करून या संघटनेने अमेरिकेला थेट आव्हान दिले आहे की काय, अशी भीती व्यक्त होत आहे.

जागतिक घडामोडी संबंधित बातम्या वाचण्यासाठी येथे क्लिक करा : War Update: इराण युद्धाचा शेवट! ट्रम्प यांनी जाहीर केली तारीख; ‘सत्तापालट’ झाला, आता अमेरिकन सैन्य मायदेशी परतणार

सुटकेसाठी आंतरराष्ट्रीय स्तरावर धावपळ

सध्या संपूर्ण बगदाद शहराला वेढा घातला असून प्रत्येक वाहनाची तपासणी केली जात आहे. इराकी सरकारने आश्वासन दिले आहे की शेली यांची सुटका करण्यासाठी सर्वतोपरी प्रयत्न केले जात आहेत. अमेरिकेचे परराष्ट्र मंत्रालय देखील इराकी अधिकाऱ्यांच्या संपर्कात असून, ही घटना अमेरिका-इराण युद्धाच्या पार्श्वभूमीवर अधिकच गुंतागुंतीची झाली आहे.