शनिवार, 14 नोव्हेंबर 2026
इराण युद्धाचा शेवट! ट्रम्प यांनी जाहीर केली तारीख; 'सत्तापालट' झाला, आता अमेरिकन सैन्य मायदेशी परतणार ( फोटो सौजन्य : सोशल मीडिया )
Trump Iran War withdrawal date 2026 : गेल्या एका महिन्यापासून जगाला तिसऱ्या महायुद्धाच्या उंबरठ्यावर उभ्या करणाऱ्या इराण-अमेरिका संघर्षात (US-Israel Iran War) आता सर्वात मोठी आणि दिलासादायक बातमी समोर येत आहे. अमेरिकेचे राष्ट्राध्यक्ष डोनाल्ड ट्रम्प (Donald Trump) यांनी युद्धाच्या समाप्तीची अधिकृत तारीखच जणू जाहीर केली आहे. इराणमधील प्रस्थापित सत्ता उलथवून लावण्याचे उद्दिष्ट पूर्ण झाले असून, आता अमेरिकेला हा संघर्ष अधिक ताणण्यात रस नाही, असे संकेत ट्रम्प यांनी दिले आहेत.
डोनाल्ड ट्रम्प यांनी एका महत्त्वाच्या निवेदनात स्पष्ट केले की, इराणमध्ये सुरू असलेली लष्करी कारवाई आता अंतिम टप्प्यात आहे. “आम्ही जे साध्य करायला आलो होतो, ते साध्य झाले आहे. आता आम्हाला तिथे थांबण्याची गरज नाही,” असे म्हणत ट्रम्प यांनी पुढील १४ ते २१ दिवसांत अमेरिकन सैन्य इराणमधून बाहेर पडेल, अशी घोषणा केली. विशेष म्हणजे, यासाठी कोणत्याही ‘पीस ट्रीटी’ किंवा कराराची वाट पाहण्याची गरज नसल्याचे त्यांनी सांगितले आहे, जे आंतरराष्ट्रीय राजकारणात अत्यंत दुर्मिळ मानले जाते.
हे देखील वाचा : RBI Foundation Day 2026: ‘नोटबंदीपासून डिजिटल रुपयापर्यंत…’ असा होता आरबीआयचा 91 वर्षांचा गौरवशाली इतिहास
२८ फेब्रुवारी २०२६ रोजी जेव्हा अमेरिका आणि इस्रायलने इराणवर संयुक्त हल्ला केला, तेव्हापासून इराणचे नशीब पालटले. या हल्ल्यात इराणचे सर्वोच्च नेते अयातुल्ला अली खामेनी मारले गेले, ज्यामुळे इराणमध्ये मोठी पोकळी निर्माण झाली. ट्रम्प यांनी दावा केला आहे की, इराणच्या नेतृत्वाचा मोठा भाग आता संपला आहे. मोजतबा खामेनी यांना नवीन नेते म्हणून नियुक्त केले असले तरी, त्यांची प्रकृती आणि प्रभाव आता नगण्य आहे. ट्रम्प यांच्या मते, इराणची अणुहल्ल्याची धमकी आता केवळ पोकळ गर्जना उरली आहे, कारण त्यांची ९०% पेक्षा जास्त ताकद अमेरिकेने नष्ट केली आहे.
“Two to three weeks”: Trump predicts end of Iran war; says deal “possible” as mission nears finish Read @ANI Story| https://t.co/GYcgYyPxNO #USPresident #Trump #IranWar #WestAsiaConflict pic.twitter.com/hhiwFxjZy4 — ANI Digital (@ani_digital) March 31, 2026
credit – social media and Twitter
एककीकडे ट्रम्प युद्धाच्या समाप्तीची घाई करत असताना, इस्रायलचे पंतप्रधान बेंजामिन नेतान्याहू मात्र अजूनही सावध आहेत. नेतान्याहू यांनी अद्याप कोणतीही मुदत दिलेली नाही. त्यांच्या मते, जोपर्यंत इराणमधील धोक्याचे पूर्णपणे उच्चाटन होत नाही, तोपर्यंत इस्रायल शांत बसणार नाही. मात्र, अमेरिकेने माघार घेतल्यास इस्रायललाही आपली रणनीती बदलावी लागेल, असे तज्ज्ञांचे मत आहे. ट्रम्प यांनी अमेरिकन कंपन्यांना इराणकडून मिळणाऱ्या धमक्यांनाही ‘तथ्यहीन’ ठरवले असून, आता केवळ वाटाघाटींचा मार्ग उरला असल्याचे सांगितले आहे.
हे देखील वाचा : Odisha Foundation Day : ओडिसाचा वाढदिवस! १ एप्रिल १९३६ ला नक्की काय घडलं होतं? वाचा ‘उत्कल दिवसा’ची रंजक गोष्ट
जर ट्रम्प यांनी सांगितल्याप्रमाणे ३ आठवड्यांत सैन्य माघारी फिरले, तर जागतिक तेल बाजार आणि शेअर मार्केटमध्ये मोठी तेजी पाहायला मिळू शकते. होर्मुझची सामुद्रधुनी पुन्हा पूर्ण क्षमतेने सुरू झाल्यास महागाई कमी होण्यास मदत होईल. मात्र, इराणमधील नवीन सत्ता समीकरणे कशी असतील आणि तिथली जनता या ‘सत्तापालटा’ला कशी स्वीकारते, यावरच भविष्यातील शांतता अवलंबून आहे.
Ans: ट्रम्प यांनी दावा केला आहे की इराणमधील उद्दिष्टे साध्य झाली असून, पुढील २ ते ३ आठवड्यांत अमेरिकन सैन्य इराण सोडू शकते.
Ans: २८ फेब्रुवारी रोजी झालेल्या हल्ल्यात अयातुल्ला अली खामेनी यांचा मृत्यू झाला असून, त्यांचे पुत्र मोजतबा खामेनी सध्या नवीन नेते आहेत.
Ans: ट्रम्प यांच्या मते कोणत्याही औपचारिक कराराची गरज नाही, मात्र युद्ध संपवण्यापूर्वी काही अटींवर चर्चा होऊ शकते असे संकेत त्यांनी दिले आहेत.
