american singer mary milben comments on rahul gandhi after bihar election results
US singer slams Congress : बिहार विधानसभा( Bihar Election Results) निवडणुकीतील निकालांनी भारतीय राजकारणात मोठी खळबळ उडवली आहे. राष्ट्रीय लोकशाही आघाडी (NDA) ने मिळवलेला दणदणीत विजय जिथे भाजपच्या राजकीय ताकदीची पुन्हा एकदा पुष्टी करतो, तिथे दुसरीकडे काँग्रेस आणि महाआघाडीचा पराभव अधिकच ठळक बनवतो. परंतु या निकालांचे पडसाद केवळ भारतापुरते मर्यादित राहिले नाहीत. एक अनपेक्षित आणि चर्चेला वाव देणारी घटना म्हणजे अमेरिकन गायिका मेरी मिलबेन यांनी राहुल गांधी (Rahul Gandhi) आणि काँग्रेसवर केलेला थेट हल्लाबोल.
मेरी मिलबेन या लोकप्रिय अमेरिकन कलाकार असून त्या पंतप्रधान नरेंद्र मोदी यांच्या मोठ्या प्रशंसक म्हणून ओळखल्या जातात. यापूर्वी त्यांनी भारतीय संस्कृती आणि मोदी यांच्या नेतृत्वाचे अनेक वेळा सार्वजनिक कौतुक केले आहे. मात्र काही आठवड्यांपूर्वी त्यांना सोशल मीडियावर काँग्रेस समर्थकांकडून ट्रोलिंगला सामोरे जावे लागले होते. या पार्श्वभूमीवर बिहारच्या निकालांनंतर मिलबेन यांनी काँग्रेस आणि राहुल गांधींना लक्ष्य करणारी पोस्ट शेअर करत कडवे शब्द वापरले.
जागतिक घडामोडी संबंधित बातम्या वाचण्यासाठी येथे क्लिक करा : अभूतपूर्व घटना! ‘हि’ अशी कोणती परीक्षा आहे ज्यासाठी ‘या’ देशाने चक्क रद्द केली 140 विमान उड्डाणे
X (पूर्वीचे ट्विटर) वरील आपल्या पोस्टमध्ये त्यांनी राहुल गांधी आणि काँग्रेसकडे थेट बोट दाखवत लिहिले
“प्रिय राहुल गांधी, काँग्रेस आणि मला ट्रोल करणारे ‘गांधी गुंड’… आता माझे मित्र पंतप्रधान नरेंद्र मोदी आणि भाजप बिहारमध्ये विजयी होत आहेत. तर काँग्रेसच्या नेतृत्वाखालील महाआघाडीला दारुण पराभवाचा सामना करावा लागत आहे.”
Dear @RahulGandhi, @INCIndia, and all the “Gandhi Goons” trolling me on X several weeks ago and now following my friend PM @narendramodi and the @BJP4India sweeping the Bihar election today…. 👇 🇺🇸🇮🇳 pic.twitter.com/m7Li0iiPZG — Mary Millben (@MaryMillben) November 14, 2025
credit : social media
त्यानंतर काही तासांतच त्यांची ही पोस्ट सोशल मीडियावर प्रचंड व्हायरल झाली. भारतीय राजकारणातील एका राज्याच्या निवडणुकीच्या निकालावर अमेरिकेतून आलेली प्रतिक्रिया अनेकांसाठी धक्कादायक होती. यामुळे काँग्रेसच्या पराभवाचा विषय आंतरराष्ट्रीय चर्चेचा भाग बनला. भारतीय राजकारण जगभरात किती बारकाईने पाहिले जाते याचे हे आणखी एक उदाहरण ठरले.
दुसरीकडे, पंतप्रधान नरेंद्र मोदी यांनी दिल्लीतील भाजप मुख्यालयात कार्यकर्त्यांसमोर विजयाचा उत्साह व्यक्त केला. टॉवेल हलवत त्यांनी विजयाचे स्वागत केले आणि बिहारच्या जनतेचे मनापासून आभार मानले.
मोदी म्हणाले
“लोकांनी खून केला आहे. बिहारच्या जनतेने पुन्हा एकदा जंगलराज नाकारून विकासाचा मार्ग निवडला.”
जंगलराज वालों के पुराने सांप्रदायिक ‘MY’ फॉर्मूले को पूरी तरह ध्वस्त करते हुए बिहार की इस जीत ने एक नया सकारात्मक फॉर्मूला दिया है। अब MY का मतलब है- महिला और यूथ। pic.twitter.com/7ooQDPf244 — Narendra Modi (@narendramodi) November 15, 2025
credit : social media
भाजपने बिहारमध्ये तब्बल ९० जागांवर आघाडी घेत प्रभावी ताकद दाखवली. एनडीएचा हा विजय केवळ राजकीय यश नाही तर मोदींच्या नेतृत्वाची पुन्हा एकदा झालेली देशव्यापी खातरजमा असल्याचे विश्लेषकांचे मत आहे. दुसरीकडे, काँग्रेस आणि महाआघाडीचा पराभव हा पक्षासाठी आणखी एक मोठा धक्का ठरला आहे. देशात सतत घटत चाललेला आधार, संघटनेतील कमकुवतपणा, प्रमुख नेत्यांचा प्रभाव कमी होणे हे सर्व घटक आता आंतरराष्ट्रीय स्तरावरही चर्चेत येऊ लागले आहेत. मेरी मिलबेन यांची पोस्ट याचा ताज्या उदाहरणांपैकी एक आहे.
जागतिक घडामोडी संबंधित बातम्या वाचण्यासाठी येथे क्लिक करा : India-Bangladesh संबंधात नवा ट्विस्ट; खलीलूर रहमान आणि अजित डोवाल भेट अन् शेख हसिनांचा अमेरिकेवर ‘यू-टर्न’
एकंदरीत, बिहार निवडणुकीचा निकाल केवळ सरकार स्थापनेपुरता मर्यादित राहिला नाही. भारताच्या राजकारणाला जागतिक रंग देत या निवडणुकीने चर्चेचे एक नवीन वळण घेतले. काँग्रेसवर झालेली बाहेरील टीका आणि भाजपच्या विजयाचा आंतरराष्ट्रीय पातळीवर झालेला उल्लेख ही दोन्ही गोष्टी भारताच्या राजकीय बदलत्या समीकरणांची साक्ष देत आहेत.
.png "Videos"){kind=small}
