Bangladesh News : बांगलादेशात पुन्हा हिंदू अल्पसंख्यांना लक्ष्य; दुर्गापूजेपूर्वी मंदिरांमध्ये मोठ्या प्रमाणात तोडफोड

मुर्तींचे डोके आणि इतर भाग केले नष्ट

पोलिस अधिकाऱ्यांनी दिलेल्या माहितीनुसार, आरोपी शिमलापल्ली गावातील असून त्याचे नाव हबीबुर रहमान आहे. रहमानने कारागीरांनी बनवलेल्या मुर्तींची तोडफोड केले आहे. मुर्तींचे डोके वर इतर भाग नष्ट केले आहेत. शनिवारी (२० सप्टेंबर) ही घटना घडली. याच्या दुसऱ्या दिवशी मंदिराच्या समितीच्या लोकांना मुर्तींचे नुकसान झाल्याचे आढळे आणि त्यांनी पोलिसांना माहिती दिली.

बांगलादेशच्या माध्यमांनी दिलेल्या माहितीनुसार, हिंदू मंदिर समितीचे अध्यक्ष गोयेश चंद्र बर्मन यांनी या घटनेची पुष्टी केली आहे. त्यांनी रविवारी (२१ सप्टेंबर) मुर्त्यांच्या तोडफोडीची माहिती मिळताच पोलिसांकडे तक्रार दाखल केली. यानंतर पोलिसांनी मंदिराबाहेरील सीसीटीव्हीतून आरोपीची ओळख पटवली आणि त्याला अटक केली. बर्मन यांनी या घटनेचा तीव्र निषेध केला आहे.  गेल्या काही काळात बांगलादेशात अशा घटनांमध्ये मोठ्या प्रमाणात वाढ झाली आहे. ऑगस्ट २०२४ मध्ये अंतिरम सरकारची स्थापना झाली आणि यानंतर हिंदूवरील अत्याचाराच्या घटनांमध्ये मोठ्या प्रमाणात वाढ झाली.

FAQs(संबंधित प्रश्न)

बांगलादेशात मंदिर तोडफोडीची घटना कुठे घडली?

बांगलादेशाच्या जमालपूर जिल्ह्यात सरीशाबारी येथील हिंदू मंदिरामध्ये तोडफोड करण्यात आली असल्याचे वृत्त मिळाले आहे.

कोण आहे हिंदू मंदिरातील देवीच्या मूर्तींची तोडफोड करणारा आरोप? 

पोलिस अधिकाऱ्यांनी दिलेल्या माहितीनुसार, आरोपी शिमलापल्ली गावातील असून त्याचे नाव ३५ वर्षीय हबीबुर रहमान आहे, त्याच्यावर हिंदू मंदिरातील देवीच्या मुर्त्या तोडल्याचा आरोप आहे.

बांगलादेशात अशा घटनांमध्ये वाढ का होत आहे? 

ऑगस्ट २०२४ मध्ये युनूस यांच्या नेतृत्त्वाखाली अंतिरम सरकार स्थापन झाले. यावेळी हिंदूवर मोठ्या प्रमाणात हिंसाचार झाला. पण याविरोधात कोणतीही मोठी कारवाई करण्यात आली नाही. यामुळे अशा घटना करणाऱ्यांना प्रोत्साहन मिळत आहे.

तालिबानने केला महिलांचा आवाज बंद! अफगाण विद्यापीठातून स्रियांनी लिहिलेली पुस्तके न शिकवण्याचा फतवा जारी

संबंधित बातम्या