भारतीय-अमेरिकन नागरिक अश्विन रामास्वामी (Ashwin Ramaswami) हा अवघा 24 वर्षाचा तरुण अचानक चर्चेत आला आहे. जेन-झी (Gen Z) असलेला हा तरुण अमेरिकन विधानसभेसाठी निवडणूक लढवणारा पहिला भारतीय अमेरिकन आहे. अमेरिकेतील जॉर्जिया सिनेटच्या जागेवरून तो निवडणूक लढवत आहेत. समाजाचा तरुण उदयोन्मुख नेता म्हणून रामास्वामी यांच्याकडे पाहिलं जात आहे.
जेन-झी रामास्वामी जॉर्जियाच्या जिल्हा 48 मध्ये राज्य सिनेटसाठी निवडणूक लढवत आहेत. जर तो निवडणूक जिंकला तर जॉर्जिया विधानमंडळातील तो पहिला भारतीय अमेरिकन बनणार. रामास्वामीने सॉफ्टवेअर अभियांत्रिकी, निवडणूक सुरक्षा आणि तंत्रज्ञान कायदा आणि धोरण संशोधनात शिक्षण घेतलं आहे.
रामास्वामी यांनी नुकत्याच दिलेल्या मुलाखतीत सांगितले की, मी माझ्या समुदायासाठी राज्य सिनेटची निवडणूक लढवत आहे. मला हे सुनिश्चित करायचे आहे की प्रत्येकाला मला समान संधी मिळाल्या आहेत. मला खात्री करायची आहे की समुदायाला एक नवीन आवाज आहे. तरुण राजकारणात आल्यावर प्रतिनिधीत्व वाढते. प्रत्येकाला दर्जेदार शिक्षण मिळण्याची खात्री करणं आवश्यक आहे. नोकऱ्यांसोबतच लोकांना इतर हक्कही मिळावेत, अशी माझी इच्छा आहे.
दुसऱ्या पिढीचं प्रतिनिधित्व करणाऱ्या रामास्वामीने सांगितलं की, भारतीय आणि अमेरिकन संस्कृतीत वाढलाय. तो म्हणाला की, मी हिंदू आहे. मला आयुष्यभर भारतीय सांस्कृतिक तत्त्वज्ञानात खूप रस होता. मी चिन्मय मिशन बालवाडीत गेलो, जिथे मी रामायण, महाभारत आणि भगवद्गीता यांसारखी महाकाव्ये शिकली. मी कॉलेजमध्ये असताना संस्कृत शिकलो. मी सर्व प्राचीन ग्रंथ वाचले आहेत. मला उपनिषदे वाचण्याची खूप आवड निर्माण झाली. माझे संपूर्ण आयुष्य योग आणि ध्यानात गेले. आता मी हे ज्ञान नवीन तरुणांपर्यंत पोहोचवत आहे.
रामास्वामीचे आई-वडील 1990 मध्ये तामिळनाडूतून अमेरिकेत स्थायिक झाले. आई चेन्नईची तर वडील कोईम्बतूरचे आहेत. दोघंही आयटी क्षेत्रात काम करतात. Gen-Z हा शब्द सोशल मीडियावर चर्चेत आला. याचा अर्थ 1997 ते 2012 दरम्यान जन्मलेला मुलगा किंवा मुलगी.
