India-Pakistan युद्धाला इस्लामी कट्टरपंथी Asim Munir जबाबदार; अलिमा खान यांचे ‘मुल्ला जनरल’वर गंभीर आरोप

पाकिस्तानचे माजी पंतप्रधान इम्रान खान यांची बहीण अलिमा खान यांनी देशाचे लष्करप्रमुख असीम मुनीर यांच्यावर तीव्र हल्ला चढवला आहे. त्यांनी मुनीर यांना भारताविरुद्ध युद्ध पुकारणारा इस्लामिक कट्टरपंथी म्हणून वर्णन केले आहे.

1. पाकिस्तानच्या माजी पंतप्रधान इम्रान खान यांच्या बहीण अलीमा खान यांनी पाक लष्करप्रमुख असीम मुनीर यांच्यावर गंभीर आरोप केला आहे.

2. असीम मुनीर यांची विचारधारा ही भारताविरोधी असून त्यामुळे भारत-पाकिस्तान संबंधांमध्ये तणाव वाढण्याचा धोका निर्माण होतो.

3. इम्रान खान सत्तेत आल्यास भारतासोबत मैत्रीपूर्ण संबंध प्रस्थापित होऊ शकतात, असा दावा देखील त्यांनी या मुलाखतीत केला आहे.

Imran Khan sister alleges Asim Munir : पाकिस्तानच्या (Pakistan) राजकीय आणि लष्करी वर्तुळात सध्या मोठी खळबळ उडवून देणारे वक्तव्य समोर आले आहे. पाकिस्तानचे माजी पंतप्रधान इम्रान खान (Imran Khan) यांच्या बहीण अलीमा खान यांनी एका आंतरराष्ट्रीय वृत्तसंस्थेला दिलेल्या मुलाखतीत देशाचे लष्करप्रमुख, फील्ड मार्शल असीम मुनीर यांच्यावर गंभीर आरोप केले आहेत. त्यांनी मुनीर यांच्या विचारसरणीला “कट्टर” ठरवत, त्यांच्या भूमिकेमुळे भारत-पाकिस्तान संबंध अधिक तणावपूर्ण होत असल्याचा दावा केला आहे.

स्काय न्यूजच्या “द वर्ल्ड विथ याल्दा हकीम” या कार्यक्रमात बोलताना अलीमा खान यांनी असीम मुनीर यांच्यावर थेट टीका करताना त्यांना “मुल्ला जनरल” असे संबोधले. त्यांनी म्हटले की, सध्याच्या लष्करप्रमुखांची विचारधारा अत्यंत कट्टर आहे आणि त्यांना भारताशी संघर्ष हवा असावा, अशी भीती निर्माण करणारी परिस्थिती आहे. ही भूमिका केवळ भारतासाठीच नव्हे, तर संपूर्ण दक्षिण आशियातील शांततेसाठी धोकादायक असल्याचे मत त्यांनी व्यक्त केले.

जागतिक घडामोडी संबंधित बातम्या वाचण्यासाठी येथे क्लिक करा : ‘असा पराभव करू की, Peace Plan साठी कोणीही उरणार…’ ; रशियन PM Putin यांच्या आक्रमक विधानाने संपूर्ण जगाचे लक्ष मॉस्कोकडे वळवले

अलीमा खान म्हणाल्या की, जेव्हा इम्रान खान सत्तेत होते, तेव्हा त्यांनी नेहमीच शेजारील देशांशी मैत्रीपूर्ण संबंध प्रस्थापित करण्याचा प्रयत्न केला. त्यांनी भारताशी संवाद सुरू ठेवण्याचा आणि तणाव कमी करण्याचा दृष्टिकोन स्वीकारला होता. अगदी राजकीय मतभेद असतानाही भारतातील नेतृत्वाशी चर्चेचा मार्ग खुला ठेवण्याची भूमिका इम्रान खान यांची होती. मात्र, सध्याच्या लष्करी नेतृत्वामुळे पाकिस्तान अधिक आक्रमक आणि संघर्षमय मार्गाकडे झुकत असल्याचा आरोप त्यांनी केला.

See more

Whenever Imran Khan comes to power, you will see that he always tries to befriend India, and even BJP, whenever there is this radical Islamist, Assam Munir, you will see that there will be war with India, and not just India, even the allies of India will suffer, says Imran Khan’s… pic.twitter.com/XDHSqdzFMB — Abhishek Jha (@abhishekjha157) December 3, 2025

credit : social media and Twitter 

मे महिन्यात भारत-पाकिस्तानमध्ये वाढलेल्या तणावाबाबत विचारले असता, अलीमा खान यांनी त्यामागे असीम मुनीर यांची विचारधारा कारणीभूत असल्याचा दावा केला. त्यांच्या म्हणण्यानुसार कट्टर विचारसरणी असणाऱ्या नेतृत्वामुळे शेजारी देशांबाबत समन्वयाऐवजी संघर्षाची भावना वाढीस लागते. “ही केवळ राजकारणाची बाब नाही, तर संपूर्ण प्रदेशाच्या सुरक्षिततेशी निगडित आहे,” असेही त्यांनी यावेळी नमूद केले.

विशेष म्हणजे, अलीमा खान यांनी आपल्या भावाचे वर्णन “उदारमतवादी” नेते म्हणून केले आणि सत्तेत परत आल्यास इम्रान खान पुन्हा एकदा भारताशी शांततापूर्ण आणि मैत्रीपूर्ण संबंध जपण्याचा प्रयत्न करतील, असा विश्वास त्यांनी व्यक्त केला. या वक्तव्यामुळे पाकिस्तानमधील अंतर्गत सत्तासंघर्ष, लष्कर आणि राजकीय नेत्यांमधील मतभेद तसेच आगामी धोरणांवर मोठी चर्चा सुरू झाली आहे.

जागतिक घडामोडी संबंधित बातम्या वाचण्यासाठी येथे क्लिक करा : CDF Delay : पाकिस्तानच्या सत्ताकारणाची लंडनमध्ये लिहिली जातेय स्क्रिप्ट; आता नवाज शरीफ करणार असीम मुनीरसोबत मोठा गेम

या संपूर्ण प्रकरणाकडे केवळ पाकिस्तानच नव्हे तर भारत, अमेरिका आणि इतर जागतिक राष्ट्रेही लक्ष ठेवून आहेत. दक्षिण आशियातील स्थैर्य, व्यापार, संरक्षण आणि आंतरराष्ट्रीय संबंधांवर या वक्तव्याचा दूरगामी परिणाम होण्याची शक्यता वर्तवली जात आहे. त्यामुळे अलीमा खान यांचे हे विधान केवळ वैयक्तिक मत न राहता, संपूर्ण भूराजकीय समीकरणांवर परिणाम करणारे ठरत आहे.