Belgium Accident News : बेल्जियममध्ये भीषण अपघात! स्कूल बस आणि ट्रेनची जोरदार धडक; चार जणांचा मृत्यू

Belgium Accidet News : बेल्जियम येथे एक भीषण दुर्घटना घडली आहे. ट्रेन आणि स्कूल बसची जोरदार धडक झाली असून यामध्ये अनेक विद्यार्थ्यांचा मृत्यू झाला आहे. या घटनेने संपूर्ण शहर हादरले आहे.

• बेल्जियममध्ये भीषण अपघात
• स्कूल बस आणि ट्रेनची जोरदार धडक
• अनेक विद्यार्थ्यांचा मृत्यू

Belgium Accident News in Marathi : ब्रुसेल्स :  एक भीषण अपघाताचे वृत्त समोर आले आहे. बेल्जियमध्ये बुगेनहाऊट येथे मंगळवारी (२६ मे) सकाळी भीषण अपघात झाला आहे. एका रेल्वे कॉसिंगवर ट्रेन आणि स्कूलबसची जोरदार धडक झाली आहे. यामुळे संपूर्ण शहरात खळबळ उडाली असून या अपघातात अनेक विद्यार्थ्यांचा मृत्यू झाल्याचे सांगितले जात आहे.

Quad Summit : ‘हे केवळ संवादाचे माध्यम नाही, तर… ‘ ; Quad बैठकीत काय म्हणाले मार्को रुबियो? जाणून घ्या

कसा झाला अपघात?

प्राथमिक तपासानुसार, रेल्वे क्रॉसिंगचे बॅरियर्स सिग्नल लागल्यामुळे बंद झाले होते. परंतु तरीही स्कूल बस ट्रॅकवर गेली होती. याच वेळी दुसऱ्या बाजूने बुगेनहाउटकडे जाणारी ट्रेन वेगाने सरकत होते. लोकोपायलटने बस ट्रॅकवर पाहताच ट्रेनचा ब्रेक मारला. परंतु, तोपर्यंत उशीर झाला होता. ट्रेनची जोरदार धडक झाली आणि स्कूलबस उलटली. मिळालेल्या माहितीनुसार, ट्रेनमधील सर्व प्रवासी सुरक्षित आहेत. केवळ एका प्रवाशाला मानसिक धक्का बसला असून त्याला तातडीने रुग्णालयात नेण्यात आले आहे.

बचाव कार्याला तातडीने सुरुवात

घटनेची मागिती मिळताच बेल्जियमच्या स्थानिक आपत्कालीने सेवांनी घटनास्थळी धाव घेतली असून तातडीने बचाव कार्याला सुरुवात केली. तसेच मृतांची ओळख पटवनू त्यांच्या कुटुंबीयांना धीर देण्याचे काम स्थानिक सरकारने केले.

अपघाताचा तपास सुरु

सध्या हा अपघात नेमका कसा झाला याचा तपास सुरु आहे. रेल्वे फाटक बंद असतानाही स्कूल बस ट्रॅकवर कशी आली याचा शोध घेतला जात आहे. चालकाचा मृत्यू झाल्याने याबाबत अद्याप अस्पष्टता आहे.

सरकारची प्रतिक्रिया

बेल्जियमचटे उपपंतप्रधान मॅक्सिम प्रिव्होट यांनी यावर तीव्र दु:ख व्यक्त केले आहे. त्यांनी सोशल मीडियावर या घटनेची पुष्टी करत चार जणांचा मृत्यू झाल्याचे सांगितले. तसेच अंतर्गत मंत्री बर्नार्ड क्विंटन यांनी पीडित कुटुंबीयांबद्दल संवेदना व्यक्त केल्या आहेत. सध्या या अपघाताचा थरकाप उडवणारा व्हिडिओ आणि फोटोही सोशल मीडियावर पाहायला मिळत आहे. या घटनेने संपूर्ण बेल्जियममध्ये शोककळा पसरली आहे.

See more

Several people killed after a train collided with a school bus at a railway crossing in Buggenhout, Belgium. pic.twitter.com/DNoFDePpXQ — World Source News (@Worldsource24) May 26, 2026

India Canada FTA : भारत-कॅनडा संबंधांना नवी दिशा; दोन्ही देशांमध्ये ‘मुक्त व्यापार करारा’वर सहमती