Top International Headlines Today : मोठी बातमी! डोनाल्ड ट्रम्प आज जगावर टॅरिफ बॉम्ब फोडणार, घोषणेपूर्वी भारतावर मोठा दावा

02 Apr 2025 06:21 PM (IST)

इस्रायल पंतप्रधान बेंजामिन नेतन्याहूंच्या अटकेटी शक्यता

Benjamin Netanyahu Arrest Warrant: एक धक्कादायक माहिती समोर आली आहे. इस्रायलचे पंतप्रधान बेंजामिन नेतन्याहू यांच्या संभाव्य अटकेबद्दल आंतरराष्ट्रीय पातळीवर चर्चा सुरु आहे. मिळालेल्या माहितीनुसार, एमनेस्ट इंटरनेशनलने हंगेरी सरकराला नेतन्यांहून हंगेरीत आल्यास अटक करण्याची मागमी केली आहे. एमनेस्टी इंटरनॅशलने हंगेरी सरकारला नेतन्याहूंना अटक करुन इंटरनॅशनल क्रिमिनल कोर्ट (ICC) कडे सोपवण्यास सांगितले आहे.

संपूर्ण प्रकरण वाचण्यासाठी येथे क्लिक करा

02 Apr 2025 05:37 PM (IST)

हार्वर्डच्या प्रतिष्ठेला धक्का; ट्रम्प प्रशासनाचा यहूदींविरोधी विचारांना पाठिंबा दिल्याचा आरोप

अमेरिकेच्या नामांकित विद्यापीठ हार्वर्ड युनिनव्हर्सिटीवर ट्रम्प प्रशासनाने यहूदीविरोधी विचारांना पाठिंबा दिल्याचा मोठा आरोप केला आहे. यापूर्वी ट्रम्प प्रशासनाने कोलंबिया युनिव्हर्सिटीवर आरोप केला होता आणि विद्यापीठाला मिळणाऱ्या सरकारकी निधीत कपात केली होती. यामुळे आता हार्वर्ड युनिव्हर्सिटीला मिळाणाऱ्या सरकारी निधीतही कपात होण्याची शक्यता आहे. यामुळे विद्यापीठाच्या प्रतिष्ठेला देखील धक्का बसू शकतो.

संपूर्ण प्रकरण वाचण्यासाठी येथे क्लिक करा

02 Apr 2025 04:41 PM (IST)

Donald Trump Tariff Announcement: युरोपियन सेंट्रल बॅंकच्या प्रमुखांचा इशारा

डोनाल्ड ट्रम्प यांच्या टॅरिफच्या निर्णयामुळे जागतिक अर्थव्यवस्थेला मोठा फटॉका बसण्याची शक्यता युरोपियन सेंट्रल बॅंकच्या प्रमुखांनी म्हटले आहे. युरोपियन सेंट्रल बँकेच्या प्रमुख क्रिस्टीन लगार्ड म्हटले आहे की, डोनाल्ड ट्रम्प यांच्या परस्पर कर लादण्याचा जागतिक अर्थव्यवस्थेवर नकारात्मक परिणाम होण्याची शक्यता आहे.

02 Apr 2025 04:16 PM (IST)

9 महिन्यानंतर सुनीता विल्यम्स पृथ्वीवर परतल्या; पाळीव श्वानाने केला प्रेमाचा वर्षाव, VIDEO पाहून तुम्हीपण व्हाल भावूक

भारतीय वंशाच्या अमेरिकन अंतराळवीर सुनीता विल्यम्स आणि त्यांचे सहकारी बुच विल्मोर 9 महिन्यानंतर सुखरुप पृथ्वीवर परतले. सुनीता विल्यम्स आपल्या घरी परतल्या. यावेळी त्यांना पाहून त्यांच्या पाळीव श्वानांनी त्यांच्या कुटुंबीयांनी प्रेमाचा वर्षाव केला. सुनीता विल्यम्स यांनी या भावुक क्षणाचा व्हिडिओ सोशल मीडियावर शेअर केला आहे. व्हायरल होत असलेल्या व्हिडिओमध्ये तुम्ही पाहू शकता की, सुनीता विल्यम्स घराच्या दरवाज्यात पोहतात यावेळी त्यांचे पाळीव श्वान लॅबरॉडॉर गनर आणि गोर्बी त्यांच्याकडे धावत येतात. सुनीता विल्यम्सला पाहून त्यांना अत्यंत आनंद होतो. आनंदात दोन्ही श्वान सुनीता विल्यम्सच्या आवतीभोवती उड्या मारु लागतात, त्यांना प्रेमाने चाटू लागातात. दरम्यान या भावूक क्षणाचा व्हिडिओ सोशल मीडियावर मोठ्या प्रमाणात व्हायरल होत आहे. सुनीता विल्यम्स देखील दोन्ही श्वानांवर प्रेम करत आहेत.

02 Apr 2025 03:18 PM (IST)

Trump Tariff Terror: ट्रम्पच्या टॅरिफचा जगाला धसका; भारतासह ‘हे’ 14 देश रडारवर, जाणून घ्या

अमेरिकेचे राष्ट्राध्य डोनाल्ड ट्रम्प आजापासून (02 एप्रिल) टॅरिफचे नव्या धोरणांची अंमलबजावणी करणार आहे. हा दिवस अमेरिकेचा लिबरेशन डे म्हणून साजरा करण्याची घोषणा डोनाल्ड ट्रम्प यांनी केली आहे. अमेरिकेच्या या नव्या टॅरिफ धोरणाचा फटका अनेक देशांना बसण्याची शक्यता आहे. ट्रम्प यांच्या रडावर 15 देशांची नावे असून या देशांना त्यांनी डर्टी- 15 म्हणून संबोधले आहे. याबाबत अमेरिकेने अद्याप कोणतीही अधिकृत यादी जाहीर केलेली नाही.

देशांची नावे जाणून घेण्यासाठी येथे क्लिक करा

02 Apr 2025 12:57 PM (IST)

भारताच्या पूर्वोत्तर राज्यांबाबत चीनसमोर मांडला वादग्रस्त प्रस्ताव

बांग्लादेश आणि भारत संबंध सध्या मोठ्या तणावात आहे. बांगलादेशच्या सतत भारताविरोधीच्या खेळीमुळे दोन्ही देशांत वाद निर्माण होत आहे. दरम्यान बांगलादेशचे मुख्य सल्लागार मोहम्मद युनूस यांनी चीनला बांगलादेशात आर्थिक गुंतवणुक करण्याचे आवाहन केले आहे. या संदर्भात युनूस यांनी भारताच्या ईशान्येकडील राज्यांचे भूपरिवेष्टित स्वरुप व्यापार विस्तार करण्यासाठी एक संधी ठरु शकते असे म्हटले आहे. अलीकडेच मोहम्मद युनूस चार दिवसांच्या चीन दौऱ्यावर गेले होते. या दौऱ्यादरम्यान युनूस यांनी हे वादग्रस्त विधान केले.

02 Apr 2025 12:24 PM (IST)

ISRO च्या सॅटेलाईट इमेजमधून दिसला म्यानमार भूकंपाचा विध्वंस

पृथ्वीवरून नैसर्गिक आपत्तींची तीव्रता समजून घेणे कठीण असते, परंतु जेव्हा या आपत्तीचे चित्र आकाशातून टिपले जाते, तेव्हा त्यांचे वास्तव अधिक स्पष्ट होते. भारतीय अवकाश संशोधन संस्था (ISRO) ने अलीकडेच म्यानमारमध्ये झालेल्या 7.7 तीव्रतेच्या भूकंपाच्या उपग्रह प्रतिमा प्रसिद्ध केल्या, ज्या पाहून संपूर्ण जग स्तब्ध झाले आहे. या प्रतिमांमध्ये शहरे उद्ध्वस्त झालेली, ऐतिहासिक वारसा स्थळे जमीनदोस्त झालेली आणि भूकंपामुळे झालेल्या प्रचंड विध्वंसाचे जिवंत चित्रण दिसून येते.

credit : social media

02 Apr 2025 11:50 AM (IST)

चीनने कोणत्या देशाविरुद्ध सुरू केले 'स्ट्रेट थंडर-2025A'?

आशियाई भूभागात तणाव आणखी वाढताना दिसत आहे. चीनने तैवानभोवती ‘स्ट्रेट थंडर-2025A’ (Strait Thunder-2025A) नावाने एक मोठा लष्करी सराव सुरू केला आहे. या सरावाचा उद्देश तैवानच्या नाकेबंदीची क्षमता सुधारण्यासोबत अचूक हल्ले करण्याचा सराव करणे आहे, असे चीनच्या लष्कराने जाहीर केले आहे. चीनच्या या आक्रमक पावलामुळे आंतरराष्ट्रीय स्तरावर खळबळ उडाली आहे.

credit : social media

02 Apr 2025 11:26 AM (IST)

चीन-जपान-कोरिया अमेरिकाविरोधात एकत्र?

रविवारी 30 मार्च रोजी जपान, दक्षिण कोरिया आणि चीन मध्ये पाच वर्षांनंतर झालेल्या चर्चेमुळे करण्यात आला आहे. मिळालेल्या माहितीनुसार या तीन्ही देशांच्या या भेटीदरम्यान व्यापर संबंध सुलभ करण्यावर भर देण्यात आला. मिडिया रिपोर्टनुसार, जपान आणि दक्षिण कोरिया चीनकडून सेमीकंडक्टरच्या कच्चा मालाचे आयात करणार आहे, तर चीननेही जपान व दक्षिण कोरियाकडून चिप उत्पादन घेण्यास आपली इच्छा दर्शवली आहे, तीनीही देशांनी सप्लाय चेनमध्ये एकमेकांना सहकार्य करण्यावर भर दिला आहे.

02 Apr 2025 10:59 AM (IST)

ट्रम्प आज किती वाजता जाहीर करणार टॅरिफबाबत घोषणा

डोनाल्ड ट्रम्प 2 एप्रिल रोजी दुपारी 4 वाजता ET (स्थानिक वेळेनुसार) टॅरिफबाबत घोषणा जाहीर करतील. व्हाईट हाऊसच्या रोज गार्डनमध्ये 'मेक अमेरिका वेल्थी अगेन' कार्यक्रमादरम्यान ही घोषणा केली जाईल. प्रेस सेक्रेटरी कॅरोलिन लेविट यांच्या म्हणण्यानुसार, दर ताबडतोब लागू होतील आणि गुरुवारपासून संकलन सुरू होईल.

credit : social media

02 Apr 2025 10:40 AM (IST)

अमेरिका आजपासून जगभरातील देशांवर Reciprocal Tariff लागू करणार आहे

अमेरिकेचे राष्ट्राध्यक्ष डोनाल्ड ट्रम्प आज म्हणजेच २ एप्रिल रोजी व्हाईट हाऊसच्या रोज गार्डनमध्ये परस्पर शुल्काची घोषणा करणार आहेत. त्यांच्या या घोषणेमुळे अनेक देशांमध्ये तणावाचे वातावरण आहे. ट्रम्प यांच्या घोषणेने अनेक वस्तूंच्या किमती वाढतील असे मानले जात आहे.

credit : social media