गुरुवार, 12 नोव्हेंबर 2026
फोटो सौजन्य सोशल मीडिया
आंध्र प्रदेश सरकारसोबत सामंजस्य करार झाल्यानंतर कंपनीने ही घोषणा केली. या नव्या प्रकल्पामुळे उत्पादन क्षमता वाढण्यासोबतच हजारो रोजगारांच्या संधी निर्माण होण्याची अपेक्षा आहे. भारतातील वाढत्या वाहन बाजारपेठेवर कियाने पुन्हा एकदा मोठा विश्वास व्यक्त केला आहे.
किया इंडियाचा प्रस्तावित दुसरा उत्पादन प्रकल्प आंध्र प्रदेशात सुमारे ४६५ एकर क्षेत्रावर उभारण्यात येणार आहे. या प्रकल्पासाठी कंपनी आणि तिचे पुरवठादार मिळून २ अब्ज अमेरिकी डॉलरची गुंतवणूक करणार आहेत. या विस्तारामुळे कंपनीच्या उत्पादन व्यवस्थेला मोठी चालना मिळणार आहे.
सध्या अनंतपूर येथे कियाचा उत्पादन प्रकल्प कार्यरत आहे. आता दुसऱ्या प्रकल्पाच्या माध्यमातून कंपनी भारतातील आपले उत्पादन जाळे अधिक मजबूत करणार आहे. दोन्ही प्रकल्पांमधील एकत्रित गुंतवणूक ५ अब्ज अमेरिकी डॉलरपर्यंत पोहोचणार असल्याचे कंपनीने स्पष्ट केले आहे.
Tata Motors : टाटा मोटर्सची टर्नोसोबत हातमिळवणी; ईव्ही खरेदीला मिळणार आर्थिक बळ!
नव्या प्रकल्पामुळे किया इंडियाच्या वार्षिक उत्पादन क्षमतेत सुमारे २ लाख वाहनांची भर पडणार आहे. सध्याच्या उत्पादन क्षमतेसह दोन्ही प्रकल्पांची एकत्रित वार्षिक क्षमता ६ लाख वाहनांपेक्षा अधिक होण्याची अपेक्षा आहे. यामुळे देशांतर्गत बाजारपेठेतील वाहनांची वाढती मागणी पूर्ण करणे कंपनीला शक्य होणार आहे.
विशेष म्हणजे, अंतर्गत ज्वलन इंजिन (ICE) तसेच इलेक्ट्रिक वाहनांच्या (EV) नव्या मॉडेल्सच्या उत्पादनालाही या प्रकल्पामुळे चालना मिळणार आहे. भारतातून देशांतर्गत बाजारपेठेबरोबरच परदेशी बाजारपेठांनाही वाहनांचा पुरवठा करण्याची क्षमता वाढवण्याचे कंपनीचे उद्दिष्ट आहे.
HDFC Lite: तरूणांना कळावे विम्याचे महत्त्व, एचडीएफसी लाईफतर्फे ‘लिफ्ट युअर प्रोटेक्शन’ मालिका
या नव्या प्रकल्पामुळे सुमारे १२ हजार प्रत्यक्ष आणि अप्रत्यक्ष रोजगार निर्माण होण्याची अपेक्षा आहे. त्यामुळे आंध्र प्रदेशातील औद्योगिक विकासाला आणि स्थानिक अर्थव्यवस्थेला फायदा होऊ शकतो. किया इंडियाचे व्यवस्थापकीय संचालक आणि मुख्य कार्यकारी अधिकारी ग्वांग्गु ली यांनी भारताला कंपनीच्या दीर्घकालीन विकास धोरणातील महत्त्वाचे केंद्र असल्याचे म्हटले आहे.
अनंतपूर येथील प्रकल्पाला ग्राहकांकडून मिळालेला प्रतिसाद आणि विश्वास यामुळे दुसऱ्या प्रकल्पाचा निर्णय घेण्यास बळ मिळाल्याचे त्यांनी स्पष्ट केले. नव्या गुंतवणुकीमुळे उत्पादनातील लवचिकता वाढेल, ग्राहकांच्या मागण्या वेगाने पूर्ण करता येतील आणि ‘मेड इन इंडिया’ उत्पादनांना जागतिक बाजारपेठेत अधिक संधी मिळतील, असा विश्वास कंपनीने व्यक्त केला आहे.
