Keir Starmer Resignation
Indus Water Treaty : सिंधू पाणी वाटप काराराचा वाद पुन्हा चिघळला; पाकिस्तानचा थेट युद्धाचा इशारा
स्टार्मर त्यांच्या या निर्णयामुळे गेल्या १० वर्षात ब्रिटनचे पंतप्रधान पद सोडणारे सहावे पंतप्रधान ठरले आहेत. स्टार्मर यांनी ब्रिटनचे तिसरे राजा किंग चार्ल्स यांना या निर्णयाची माहिती सकाळी दिले असल्याचे सांगितले. त्यांनी राजीनाम्याची घोषणा करताना म्हटले की, मी आज सकाळी इंग्लंडचे राजांशी चर्चा केली आणि त्यांना माझा निर्णय सांगितला. त्यांनी पुढे म्हटले की, मजूर पक्षाला पुढे नेण्यासाठी नेतृत्व बदलाच्या मागणीमुळे हा निर्णय घेतला आहे. मी पक्षातील सहकार्यांच्या मतांचा आदर करतो. त्यांनी नेहमीच देशहिताला प्राधान्य देत दिले असल्याचे स्पष्ट केले.
स्टार्मर यांनी पुढे हेही स्पष्ट केले की, नवीन नेत्याची नियुक्ती होईपर्यंत ते पंतप्रधान पदाची जबाबदारी संभाळतील. नवीन नेत्याच्या नियुक्तीसाठी प्रक्रिया सुरु करण्याचे निर्देश देण्यात आले असून ९ जूलैपासून उमेदवारी अर्ज स्वीकारले जातील असे त्यांनी सांगितले. १६ जुलै रोजी ही प्रक्रिया पूर्ण होऊन सप्टेंबरच्या संसद अधिवेशनापूर्वी नव्या नेत्याची निवड होईल असे त्यांनी स्पष्ट केले.
गेल्या काही दिवसांपासून स्टार्मर यांच्या पक्षात अंतर्गत वाद सुरु होता. लेबर पक्षाच्या जवळपास ९५ टक्के खासदारांना त्यांच्या राजीनाम्याची मागणी केली होती. त्यांच्या कामकाजावर नाराजी व्यक्त केली होती. शिवाय स्थानिक निवडणुकांमध्ये पक्षाच्या सततच्या परभावामुळे, जेफ्री एपस्टिन प्रकरण, देशाच्या संरक्षण खर्चाच्या त्यांच्या निर्णयावरुन पक्षातील खासदार नाराज होते. अनेक मंत्र्यांनी आपल्या पदाचा राजीनामाही दिला होता. यावरुन त्यांच्या लोकप्रियतेत घट होत असल्याचे चित्र स्पष्ट झाले होते.
सध्या ब्रिटनच्या राजकाराणात निवडणूक न हारता राजीनामा देणारे स्टार्मर हे सहावे पंतप्रधान ठरले आहे. यामुळे संपूर्ण ब्रिटनचे लक्ष्य पुढील नेतृत्वावर लागले आहे. अँडी बर्नहॅम हे पंतप्रधान पदाचे पुढील दावेदार मानले जात आहेत. माजी आरोग्यमंत्री वेस स्ट्रीटींग यांनी देखील पंतप्रधान पदासाठी नेतृत्त्वस्पर्धेत उतरण्याची तयारी दर्शवली आहे.
.png "Videos"){kind=small}
