ब्रिटनच्या राजघराण्यात भूकंप! Epstein प्रकरणात प्रिन्स अँड्र्यू यांना अटक, जगात खळबळ

Prince Andrew Arrested : ब्रिटनच्या राजघराण्यात मोठा गोंधळ उडाला आहे. ब्रिटनचे किंग चार्ल्स तिसरे यांचे भाऊ प्रिन्स अँड्र्यू यांनी अटक करण्यात आली आहे. एपस्टीन प्रकरणात त्यांचे नाव आल्याने ही मोठी कारवाई करण्यात आली आहे.

• ब्रिटिश राजेशाहीत गोंधळ
• किंग चार्ल्स यांचे भाऊ प्रिन्स अँड्र्यू यांना अटक
• Epstein प्रकरणात मोटी कारवाई

Prince Andrew Epstein Case : लंडन : सध्या ब्रिटनच्या (Britain) राजघराण्यात मोठा गोंधळ उडाला आहे. किंग चार्ल्स तिसरे यांचे धाकटे भाऊ माजी प्रिन्स अँड्र्यू माउंटबॅटन-विंडसर यांना अटक करण्यात आली आहे. १९ फेब्रुवारी २०२६ रोजी त्यांच्या ६६ व्या वाढदिवसादिवशीच ही अटक करण्यात आली आहे. एपस्टीन प्रकरणात प्रिन्स अँड्र्यू यांचे नाव आले असल्याने ही कारवई करण्यात आली आहे.

‘राजकीय कारकीर्दीत Epstein बनत होता अडथळा’ ; डोनाल्ड ट्रम्प यांचा खळबळजनक दावा

या प्रकरणात नाव आल्यानंतर प्रिन्स अँड्र्यू यांना राजघराण्यातून बेदखल करण्यात आले होते. स्वत: ब्रिटिश किंग चार्ल्स (King Charles) यांनी या कारवाईचे आदेश दिले होते. त्यांच्यावर ब्रिटिशमधील राजघराण्यांचा दबाव वाढत होता. ब्रिटिश अधिकाऱ्यांनी नॉरफोक येथील अंदाजे ६६ वर्षीय व्यक्तीला सार्वजनिक पदाचा गैरवापर केल्याचा संशयावरुन अटक करण्यात अल्याचे पोलिसांनी अधिकृत निवेदन जारी केले होते.

एपस्टाईनला गोपनीय कागदपत्रे पुरवल्याच आरोप

एपस्टीन प्रकरणाअंतर्गत ही कारवाई करण्यात आली आहे. प्रिन्स अँड्र्यू यांच्यावर जेफ्री एपस्टीनला महत्वाची सरकारी आणि गोपनीय कागपत्रे पुरवल्याचा आरोप आहे. सध्या एपस्टीन प्रिन्सने कोणती कागपत्रे दिली याचा खुलास करण्यात आलेला नाही. सध्या यावर अजूनही तपास सुरु असल्याचे पोलिसांनी म्हटले आहे. सध्या या वादामुळे प्रिन्स अँड्र्यू यांच्यावर देशभरातून टिका केली जात आहेत.  एवढेच नव्हे तर प्रिन्स अँड्र्यू एपस्टीन फाइल्समध्ये प्रिन्स अँड्र्यूज यांचे एका मुलीसोबत जमिनीवर पडलेले फोटो देखील आढळून आले आहेत.

२०१४ मध्ये प्रिन्स अँड्र्यूवर लैंगिक शोषणाचे आणि तस्करीचे आरोप

प्रिन्स अँड्र्यू यांच्यावर २०१४ मध्ये वर्जिनिया ग्रीफे नावाच्या मुलीने तिच्यासोबत लैंगिक अत्याचार आरोप केला होता. तिने जेफ्री एपस्टीन (Jeffrey Epstein) नेटवर्क आणि प्रिन्स अँड्र्यूसोबतच्या भेटीचा खुलासा केला होता. व्हर्जिनिया ग्रीफे हिने प्रिन्स अँड्र्यूविरोधात न्यायालयात लैंगिक शोषणाची याचिकाही दाखल केली होती. एपस्टीनने तिला प्रिन्स अँड्र्यूसोबत तीन वेळा लैंगिक संबंध ठेवण्यास भाग पाडण्यात आले असल्याचे म्हटले होते. सध्या प्रिन्स अँड्र्यू यांच्या अटकेने जगभरात खळबळ उडाली आहे. अँड्र्यू सध्या पोलिस कोठडीत असून त्याच्यावरील आरोपांची सखोल चौकशी केली जात आहे.

Epstein Files मध्ये नाव आले अन् ‘या’ माजी ब्रिटिश Prince ची राजघराण्यातून हाकलपट्टी; कारवाईचेही आदेश