Cape Verde Accident : केप वर्देच्या फोगो बेटावर भीषण बस अपघात; २५ जणांचा मृत्यू, अनेक मुले-बालकांचा समावेश

Cape Verde Accident : केप वर्देच्या फोगो बेटावर बस दरीत कोसळून झालेल्या भीषण अपघातात किमान २५ जणांचा मृत्यू झाला आहे. मृतांमध्ये मुले आणि किशोरवयीन विद्यार्थ्यांची संख्या मोठी आहे. सुमारे ३० मीटर खोल दरीत बस कोसळल्याने बचावकार्यही आव्हानात्मक ठरले. अपघाताचे नेमके कारण शोधण्यासाठी तपास सुरू आहे.

• ३० मीटर खोल दरीत कोसळली बस
• विद्यार्थी आणि किशोरवयीन मुलांचा जास्त समावेश
• मृतांचा आकडा वाढण्याची भीती ;तपास सुरु

Cape Verde Accident : केप वर्देच्या फोगो बेटावर शनिवारी झालेल्या भीषण बस अपघाताने संपूर्ण देश हादरला आहे . प्रवाशांना घेऊन जाणारी बस रस्त्यावरून घसरून सुमारे ३० मीटर खोल दरीत कोसळली . या दुर्घटनेत किमान २५ जणांचा मृत्यू झाला असून . मृतांमध्ये मोठ्या संख्येने मुले आणि किशोर वयीन विद्यार्थ्यांचा समावेश आहे . स्थानिक प्रशासन आणि वृत्तसंस्थांनी मृतांचा आकडा २५ पर्यंत पोहोचल्याची माहिती दिली आहे .

३० मीटर खोल दरीत कोसळली बस

हा अपघात फोगो बेटावरील Cha das Caldeiras आणि Campanas de Cima यांना जोडणाऱ्या डोंगराळ मार्गावर झाला . बस अचानक रस्त्यावरून घसरली आणि सुमारे ३० मीटर खोल दरीत कोसळली . अपघाताची जागा खडकाळ आणि दुर्गम असल्याने बचावकार्याला मोठ्या अडचणींना सामना करावा लागला . घटनास्थळी पोहोचण्यासाठी बचाव पथकांना मोठ्या प्रयत्नांची गरज भासली आहे .

26 लाख फॉलोअर्स, कॉस्मेटिक क्लिनिक अन् 750 किलो ड्रग्ज; ‘मिशन इम्पॉसिबल’ शोची प्रसिद्ध टीव्ही अँकर Sarah Khalifaला फाशीची शिक्षा

विद्यार्थी आणि किशोरवयीन मुलांचा जास्त समावेश

या बसमध्ये प्रामुख्याने तरुण आणि माध्यमिक शाळेतील विद्यार्थी प्रवास करत होते . स्थानिक माहितीनुसार १९ मुले आणि किशोरवयीन जखमी अवस्थेत रुग्णालयात दाखल झाले होते . त्यापैकी काहींची प्रकृती गंभीर असल्याचे अधिकाऱ्यांनी सांगितले . या प्रवासाचे आयोजन शाळांनी केले न्हवते . चालकाकडून दरवर्षी आयोजित करण्यात येणाऱ्या सहलीचा हा भाग असल्याची माहिती समोर आली आहे .

Russia-Ukraine War: कीव, मॉस्कोचे हल्ले थांबले! पुतिन यांनी घेतली ट्रम्पच्या दूतांची भेट; वॉशिंग्टनला दिला ‘हा’ महत्त्वाचा संदेश

मृतांचा आकडा वाढण्याची भीती ;तपास सुरु

अपघातानंतर जखमींना São Francisco de Assis Regional Hospital येथे दाखल करण्यात आले . काही जखमींची प्रकृती गंभीर असल्याने मृतांचा आकडा आणखी वाढण्याची भीती व्यक्त करण्यात आली आहे . अपघात नेमका कोणत्या कारणामुळे झाला , याचा तपास प्रशासनाकडून सुरु आहे .

केप वर्देच्या अधिकाऱ्यांनी या दुर्घटनेबद्दल दुःख व्यक्त केले असून , बेटावर शोककळा पसरली आहे . एक महत्वाची बाब म्हणजे ही सहल संबंधित शाळांनी आयोजित केली न्हवती . उपलब्ध माहिती नुसार , बसचालक विद्यार्थ्यांसाठी दरवर्षी अशी खाजगी सहल आयोजित करत होता . त्यामुळे अपघातानंतर या प्रवासाच्या व्यवस्थेवरही प्रश्न उपस्थित झाले आहेत .