Afghanistan च्या कंधारमध्ये बस व ट्रकचा भीषण अपघात, पाच ठार, 15 जखमी

Afghanistan : अफगाणिस्तानात मागील काही महिन्यांपासून रस्ते अपघाताच्या संख्येत वाढ झाली असून मृतांचा आकडाही वाढत आहे. नुकताच येथे झालेल्या बस व ट्रकच्या अपघातात 5 जणांना आपले प्राण गमवावे लागले.

• अफगाणिस्तानातील रस्ते सुरक्षेबाबत प्रश्नचिन्ह
• मागील महिन्यात असंख्य रस्ते अपघातात
• अपघातातील मृतांची संख्याही वाढली

 

Afghanistan च्या दक्षिण प्रांत कंधारमध्ये गुरुवारी एक दुर्दैवी रस्ते अपघातात अनेकांना मृत्यूने गाठले. प्रांतीय ट्रॅफीक पोलीस संचालक मोहम्मद ताहिर यांच्या मते, हा अपघात गुरुवारी सकाळी दमन जिल्ह्यात घडला. एक ट्रक समोरून येणाऱ्या बसवर आदळला.

वाहनांच्या समोरा-समोरील टक्करीमुळे 5 जणांचा जागीच मृत्यू झाला, तर 15 जण जखमी झालेत. जखमींपैकी काहींची प्रकृती चिंताजनक आहे.

23 सप्टेंबरलाही झाला होता भीषण अपघात

याअगोदर 23 सप्टेंबरला अफगाणिस्तानच्या उत्तर तखार प्रांतात एका रस्ते अपघातात 8 प्रवाशांना आपला जीव गमवावा लागलेला, तर याच 4 जण जखमी झाले होते. तखार पोलीस प्रवक्ता नकीबुल्लाह मसूर यांनी सांगितले की, कलाफगान जिल्ह्यातील गजेस्तान क्षेत्रात एक वाहन रस्त्यावर घसरून पलटला. यात आठ जणांचा जागीच मृत्यू झाला, तर चौघे जखमी झाले होते.
जखमींना तखार प्रांतातील रुग्णालयात दाखल करण्यात आले. अधिकाऱ्यांनी सांगितले की, या अपघाताच्या कारणांची मिमांशा करण्यात येत आहे.

China Pakistan: ‘पाकिस्तानी मुलींपासून दूर राहा’, चीन सरकारने आपल्या नागरिकांना का दिला इशारा? ‘हे’ आहे मुख्य कारण

20 व 22 सप्टेंबरलाही अपघातांची नोंद

22 सप्टेंबरला पूर्व अफगाणिस्तानच्या लगमान प्रांतातही असाच एक अपघात झाला होता. येथे एक मिनी बस खोल दरीत कोसळल्याने एका प्रवासाचा मृत्यू झाला होता, तर 9 जण जखमी झालेले. येथील पोलीस प्रवक्ता मोहम्मद युनूस युसूफझई म्हणाले की, हा अपघात पदपाख जिल्ह्यात मंगळवारी सकाळा घडला होता. अपघातानंतर पोलीस घटनास्थळी दाखल झाले व त्यांनी जखमींना तातडीने प्रांतीय राजधानी मेहतरलामच्या रुग्णालयात दाखल केले.

तसेच 20 सप्टेंबरला पूर्व अफगाणिस्तानच्या नंगरहात प्रांतातील एका अपघातात एकाच कुटुंबातील चौघांचा मृत्यू झालेला. पोलीस प्रवक्ते सैयद तैयब हमद यांच्या माहितीनुसार, बाटी कोट जिल्ह्यात वेगात असलेल्या एका गाडी चालकाने बेजबाबदारपणे गाडी चालवत ती रस्त्याच्या कडेला असलेल्या झाडावर जाऊन आदळली. त्यात गाडीतील इतर चौघांचा जागीच मृत्यू झाला, तर चालक जखमी झाला आहे.

सलग होणाऱ्या या रस्ते अपघातामुळे अफगाणिस्तानातील रस्ते सुरक्षा, वेग मर्यादा आणि बेजबाबदारपणे वाहन चालवण्यासारख्या समस्यां पुन्हा एकदा समोर आल्या आहेत.

Elon Musk: कसा ठेवायचा इलॉन मस्कवर विश्वास? पोलंडपासून युक्रेनपर्यंत युद्धात स्टारलिंकचे इंटरनेट झाले ठप्प; विश्वासार्हतेवर प्रश्न