चीन बनला पाठिराखा! पाकिस्तान अन् तालिबानमध्ये बनतोय मैत्रीचा दुवा; भारताला धोका?

भारत आणि पाकिस्तानच्या तणावादरम्यान चीनने पाकिस्तानला आपला उघड पाठिंबा दर्शवला होता. आता चीनने भारताविरोधी आणखी एक डाव खेळत आहे. चीनने पाकिस्तान आणि तालिबानमध्ये शांतता करार घडवून आणण्याचा प्रयत्न सुरु केला आहे.

बिजिंग: भारत आणि पाकिस्तानच्या तणावादरम्यान चीनने पाकिस्तानला आपला उघड पाठिंबा दर्शवला होता. आता चीनने भारताविरोधी आणखी एक डाव खेळत आहे. चीनने पाकिस्तान आणि तालिबानमध्ये शांतता करार घडवून आणण्याचा प्रयत्न सुरु केला आहे. यासाठी चीनने काबूलपासून बिजिंगपर्यंत एक लॉबी सुरु केली आहे. याअंतर्गत पाकिस्तान आणि तालिबनमध्ये बैठकी देखील घडवून आणली. परंतु चीनचा हा प्रयत्न भारतासाठी धोकादायक मानला जात आहे.

या बैठकीत पाकिस्तानचे परराष्ट्र मंत्री इशाक दार, तालिबानचे कार्यवाहक परराष्ट्र मंत्री उपस्थित होते. तसेच या बैठकीसाठी चीनचे परराष्ट्र मंत्री वांग यी देखील उपस्थित होते. या बैठकीदरम्यान दोन्ही देशांमध्ये जुन्या संबंधावर आणि नवीन संबंध प्रस्थापित करण्यावर चर्चा करण्यात आली.

जागतिक घडामोडी संबंधित बातम्या- मित्रच बनला शत्रू! चीनने तुर्कीविरोधात रचाला मोठा डाव; एर्दोगानला संपवण्यासाठी तैनात केले जासूस

खालील मुद्द्यांवर चीन, पाकिस्तान आणि तालिबानमध्ये चर्चा

• पाकिस्तान आणि तालिबानमधील जुन्या संबंधांना पुन्हा पूर्वीसारखे करण्याचा प्रयत्न केला. पूर्वी दोन्ही देश बंधुत्वात राहत होते. परंतु गेल्या काही वर्षात तालिबान आणि पाकिस्तानमध्ये तणाव निर्माण होऊ लागला.
• चीनने पाकिस्तान आणि तालिबानमध्ये व्यापार वाढवण्यावरही भर दिला. चीनने अफगाणिस्तानमध्ये CPEC प्रकल्पाचा विस्तार करण्याचा निर्णय घेतला. हा प्रकल्प पाकिस्तानच्या बलुचिस्तानमध्ये सुरु करण्यात आला आहे.
• याशिवाय चीनने अफगाणिस्तानमध्ये भारताला रोखण्याचा प्रयत्न केला. यासाठी चीनने भारत फक्त राजैनित क्षेत्रापुरता मर्यादित असावा, असे तालिबानच्या कार्यवाहक परराष्ट्र मंत्रींना सांगितले.

पाकिस्तानच्या प्रत्येक निर्णयात चीनचा सहभाग

पाकिस्तानचा अंतर्गत मुद्दा असो किंवा बाह्य मुद्दा असो चीनने प्रत्येक चर्चेत ढवळाढवळ करण्याचा प्रयत्न केला आहे. चीनने पाकिस्तानच्या गुप्तचर बैठकांमध्ये अनेक वेळा सहभाग घेतला आहे. तसेच पाकिस्तानसाठी बाह्य रणनीती आखण्यातही चीनने अनेक वेळा मदत केली आहे. भारत आणि पाकिस्तानच्या काश्मीर मुद्द्यातही चीनने अनेक वेळा ढवळाढवळ केली आहे.

चीनने पाकिस्तानला नेहगमीच उघडपणे समर्थन दर्शवले आहे. यासंबंधी चीनने एक निवदेन जारी केले आहे. या निवेदनात चीनने म्हटले आहे की, पाकिस्तानच्या राष्ट्रीय एकतेसाठी चीन त्यांच्यासोबत आहे. भारत आणि पाकिस्तानच्या तणावाच्या काळातही शस्त्रे आणि उपग्रहाची माहिती चीनने पुरवली होती. परंतु भारताने चीनची हवाई प्रणाली हाणून पाडली.

दरम्यान चीन आता तालिबान आणि पाकिस्तानला एकत्र आणण्याचा प्रयत्न करत आहे. यामुळे भारताच्या चिंतेत वाढ झाली आहे. अफगाणिस्तानने भारताला खरा मित्र म्हणून संबोधले आहे. परंतु चीनचा प्रयत्न सफल झाल्यास भारताला धोका निर्माण होण्याची शक्यता आहे.

जागतिक घडामोडी संबंधित बातम्या- ‘ऑपरेशन सिंदूर’ नंतर पाक परराष्ट्र मंत्र्यांचा चीन दौरा; ड्रॅगनसोबत नेमका कोणता कट रचत आहे पाकिस्तान?