बुधवार, 21 ऑक्टोबर 2026
फोटो सौजन्य सोशल मीडिया
दक्षिण चीन समुद्रातील प्रातास बेटांजवळ चिनी तटरक्षक दलाच्या जहाजांनी केलेल्या हालचालींमुळे दोन्ही देशांतील तणाव निर्माण झाला आहे . चीनने या भागात आपले सार्वभौमत्व असल्याचा दावा केला आहे . तर तैवानने चीनच्या कारवायांना चिथावणीखोर ठरवले आहे . २१ ऑक्टोबर रोजी समोर आलेल्या घडामोडींमुळे या सागरी भागात सुरक्षेचा प्रश्न पुन्हा ऐरणीवर आला आहे .
तैवानच्या तटरक्षक दलाने दिलेल्या माहितीनुसार चिनी तटरक्षक दलाची जहाजे प्रातास बेटांजवळील प्रतिबंधित सागरी क्षेत्रात दाखल झाली . यानंतर तैवानने आपले तायचुंग हे गस्ती जहाज घटनास्थळी पाठवले . दोन्ही बाजुंनी रेडिओ संदेशाद्वारे एकमेकांना इशारे देण्यात आले . चीनने या भागातील गस्त कायदेशीर असल्याचे सांगितले आहे . मात्र तैवानने चीनच्या या भीमकेला विरोध केला असून चीनचा या सागरी भागाशी काडीचाही संबंध नसल्याचे सांगितले आहे .यामध्ये दोन्ही जहाजे हे एकमेकांच्या अगदी जवळपास जाऊन संघर्ष करताना दिसली आहेत .
Breaking News : समुद्रात निसर्गाचा चमत्कार ;ओमानच्या किनाऱ्यावर दुर्मिळ गुलाबी डॉल्फिनचे दर्शन
१८ ऑक्टोबर रोजी तैवानच्या तटरक्षक दलाने चीनची १६ जहाजे मागे हटवल्याचा दावा केला आहे . यामध्ये तटरक्षक दलाची जहाजे , संशोधन जहाजे आणि मासेमारी नौकांचा समावेश होता . या जहाजांच्या सारख्या हालचालीने तैवानने मेरीटाईम हॅरॅसमेंट म्हणजेच सागरी छळाची कारवाई म्हंटले आहे .
चीन आणि तैवानमधील वाद हा केवळ दोन देशांपुरता मर्यादित नाही . या भागात सागरी मार्ग , आंतरराष्ट्रीय व्यापार अंडी जागतिक पुरवठा साखळीसाठी अत्यंत महत्वाचे आहेत . अमेरिकेने तैवानच्या सुरक्षेला पाठिंबा दिल्याने या संघर्षात अमेरिकेचीही भूमिका महत्वाची राहणार आहे .
दरम्यान चैनने तैवानला आपला अविभाज्य भाग मानले आहे . मात्र तैवान सरकारने चीनचा हा दावा फेटाळला आहे . त्यामुळे दोन्ही देशांमधील संघर्ष हा जास्त काळापासून सुरु आहे . सध्याच्या घडामोडीमुळे तणाव पुन्हा एकदा वाढला असून , तरी तातडीने युद्ध सुरु होण्याचे संकेत अजून अंतरी तरी मिळत नाहीत .
Ans: प्रातास बेटांजवळ चिनी तटरक्षक दलाच्या जहाजांच्या हालचाली वाढल्याने आणि तैवानच्या हद्दीजवळ चिनी लष्करी विमानांच्या उड्डाणांमुळे दोन्ही देशांतील तणाव वाढला आहे.
Ans: या संघर्षामुळे आंतरराष्ट्रीय व्यापार, सागरी वाहतूक आणि जागतिक पुरवठा साखळीवर परिणाम होऊ शकतो. तसेच अमेरिका आणि चीन यांच्यातील तणावही वाढू शकतो.
