चीनची चिथावणीखोर खेळी! जपानी लढाऊ विमानांवर ‘रडार लॉक’; टोकियोचा संताप उसळला

China Japan Tension : चीन आणि जपानमध्ये गेल्या अनेक काळापासून तणावाचे वातावरण आहे. सध्या दोन्ही देशांतील तणाव धोकादायक वळणावर पोहोचला असून चीन सतत जपानविरोधात चिथावणीखोर कारवाया करत आहे. यामुळे जपान तीव्र संतापला आहे.

• चीनने जपानच्या लढाऊ विमानांना केले रडार लॉक
• जपानने चीनच्या कृतीचा केला तीव्र निषेध
• काय आहे नेमकं प्रकरण ?

China Japan Conflict : बीजिंग/टोकियो : चीन (China) आणि जपानमध्ये (Japan) गेल्या अनेक दशकांपासून कायमस्वरुपी तणाव राहिला आहे. चीन जपानला हा स्वत:चा भाग मानतो, मात्र जपानने याला नेहमीच विरोध केला आहे. सध्या दोन्ही देशांतील तणाव धोकादायक वळणावर येऊन पोहोचला आहे. दोन्ही देशांतील तणावामुळे इंडो-पॅसिफिकमध्ये युद्धजन्य परिस्थिती निर्माण झाली आहे. चीन सतत जपानविरोधात कुरघोड्या करत आहे. नुकतेच चीनने जपानच्या लढाऊ विमानांना रडार लॉक केले आहे. ज्यामुळे जपानने यावर तीव्र संताप व्यक्त केला आहे.

Japan China Tension: जपानची चीनला धडक! तैवानजवळ घातक क्षेपणास्त्रे तैनात; ट्रम्प यांच्या निर्णयाने आशियात वाढली भीती

जपानच्या हवाई संरक्षण दलाने दिलेल्या माहितीनुसार, ओकिनावाच्या समुद्री भागात चीनने जपानच्या लढाऊ विमानांवर रडार लॉक केले आहे. जपानने चीनच्या या कृतीला चिथावणीखोर संबोधले आहे. तसेच चीनच्या या कृत्याचा निषेध नोंदवत गंभीर इशाराही दिला आहे.  जपानच्या संरक्षण मंत्रालयाने दिलेल्या माहितीनुसार, चीनच्या लियाओनिंग या विमानवाहू जहाजावरुन उड्डाण करत असलेल्या जपानच्या J-15 आणि F-15 या लढाऊ विमानांना लक्ष्य करण्यात आले आहे. दोन्ही विमानांना जवळपास तीस मिनिटे रडार लॉक करण्यात आले होते. जपानने ड्रॅगच्या या कृतीला युद्धाची चिथावणी म्हटले आहे.

जपानने ड्रॅगच्या रडार लॉक चा केला निषेध

यामुळे जपानने संतप्त होत चीनच्या या कृतीचा तीव्र निषेध केला आहे. तसेच जपानने चीनला ही धोकादायक खेळी त्यांच्या हवाई क्षेत्राचे उलल्ंघन मानले जाईल असा इशारा दिला आहे. तसेच अशा प्रकारे रडार लॉक करणे हे उड्डाण सुरक्षेच्या नियामंविरुद्ध आहे. यामुळे कोणत्याही क्षणी वैमानिकांमध्ये संघर्ष होऊ शकतो असे जपानने म्हटले आहे. जपानने चीनला त्यांच्या हवाई क्षेत्रापासून दूर राहण्याचा गंभीर इशारा दिला आहे. जपानच्या संरक्षण मंत्री शिंजिरो कोइजुमी यांनी या कुरघोडीली अत्यंत निंदनीय आणि धोकादायक म्हटले आहे.

रडार लॉक म्हणजे काय?

रडार लॉक म्हणजे एखाद्या देशाच्या लढाऊ विमानाने दुसऱ्या देशाच्या लढाऊ विमानाला आपल्या रडार प्रणालीवर ठेवणे. यामुळे शत्रू देशाच्या स्थिती, गती आणि दिशेनवर बारकाईने आणि अचूकणे नजर ठेवता येते. ही कृती युद्धाची चिथावणी संबोधली जाते. कारण अनेकदा युद्धजन्य परिस्थितीत शत्रू देशावर नजर ठेवण्यासाठी याचा वापर केला जातो.

इंडो-पॅसिफिकमध्ये तणावाचे वातावरण 

गेल्या काही महिन्यांमध्ये चीनच्या इंडो-पॅसिफिक क्षेत्रामध्ये जपानविरोधी कुरघोड्यांमध्ये प्रचंड वाढ होत आहे. यामुळे युद्धजन्य परिस्थिती निर्माण झाली असून तज्ज्ञांनी गंभीर चिंता व्यक्त केली आहे. चीनच्या या कृतीमुळे जपानने युद्धाचा अभ्यास तीव्र केला आहे. तसेच चीन देखील जपानवर तीव्र हल्ल्याच्या तयारीत असल्याचे दिसून येत आहे.

भारत, अमेरिका की जपान…; चीनच्या लष्करातील नव्या आधुनिक शस्त्रांचा धोका सर्वाधिक कोणाला? जाणून घ्या सविस्तर