कोलंबियात भीषण दुर्घटना! ११० सैनिकांना घेऊन जाणारे विमान दुर्घटनाग्रस्त; टेकऑफ घेतलं अन् काही क्षणातच..., थरारक VIDEO (फोटो सौजन्य: सोशल मीडिया)
मिळालेल्या माहितीनुसार, कोलंबियाच्या लष्कराचे C-130 हरक्यूलिस विमाना सैनिकांच्या दोन प्लाटूनना घेऊन निघाले होते. या विमानाने प्यूर्टो लेगुजामो येथील विमानतळावरुन उड्डाण घेतले. उड्डाणाच्या दोन मिनिटानंतरच इक्वाडोरच्या सीमेजवळ विमान कोसळले आणि आगीच्या गोळ्यात रुपांतरित झाले. मीडिया रिपोर्टनुसार, या विमानात ११० सैनिक होते. स्थानिक माध्यमांच्या वृत्तानुसार, सध्या बचाव कार्य वेगाने सुरु असून २० जणांना वाचवण्यात यश आले आहे. परंतु अद्याप याची पुष्टी झालेली नाही.
घटनेनंतर या अपघाताचे काही अंगावार काटा आणणारे व्हिडिओ सोशल मीडियावर पाहायाला मिळत आहे. यामध्ये दाड जंगलातून धुराचे लोट निघताना दिसत आहे, तर काही व्हिडिओमध्ये विमान आगीच्या ज्वाळांनी लपेटलेले दिसत आहे. विमानाचा पूर्ण चक्काचूर झाला असून राखेचा ढिगारा संपूर्ण परिसरात पसरलेला आहे. खराब हवामानामुळे आणि दुर्गम भागामुळे बचाव कार्यात अडथळा येत आहे.
या घटनेची माहिती मिळताच कोलंबियाचे संरक्षण मंत्री पेड्रो सांचेझ यांनी यावर तीव्र दु:ख व्यक्त केले आहे. त्यांनी हा देशासाठी काळा दिवस आहे, अशा शब्दात भावना व्यक्त केल्या आहेत. तर दुसरीकडे राष्ट्रपती गुस्तावो पेट्रो यांनी या घटनेवर संताप व्यक्त केला आहे.
सध्या या अपघाताचे कारण अद्याप समोर आलेले नाही. हा अपघात नेमका तांत्रिक बिघाडामुळे झाला की मानवी चुकीमुळे याचा झाला हे अद्याप स्पष्ट झालेले नाही. यासाठी उच्चस्तरीय चौकशीचे आदेश देण्यात आले आहेत. या घटनेने संपूर्ण कोलंबियात मोठी खळबळ उडाली आहे.
Un avión Hércules Militar se desplomó en Puerto Leguízamo, Putumayo. A bordo iban cerca de 150 personas. pic.twitter.com/j0jIwaD9Ei — Mauricio Vanegas (@Marovaan) March 23, 2026
आता पुन्हा मोठा विमान अपघात! लँडिंगच्या काही मिनिटं आधीच खेळ संपला; १५ जागीच ठार
Ans: कोलंबियाच्या दक्षिण भागात प्यूर्टो लेगुजामो येथील इक्वाडोरच्या सीमेजवळ विमान अपघात झाला आहे.
Ans: कोलंबियात झालेल्या दुर्घटनाग्रस्त विमाना ११० सैनिक होते. या सर्वांचा मृत्यू झाल्याची भीती व्यक्त केली जात आहे. मात्र अद्याप कोणतीही पुष्टी करण्यात आलेली नाही.
