Congo boat accident news update 148 dead, over 100 missing in Congo boat accident
ब्राझाव्हिल: मध्य आफ्रिका स्थित कॉंगो शहरात मंगळवारी (16 एप्रिल) झालेल्या दुर्दैवी बोट अपघातातील मृतांचा संख्येत वाढ झाली आहे. मिळालेल्या माहितीनुसार, या अपघातात 148 जणांचा मृत्यू झाला असून 100 हून अधिक लोक अद्यापही बेपत्ता आहेत. एका मोटार बोटला आग लागल्याने ही दुर्दैवी घटना घडली. दुर्घटनेच्या वेळी 400 प्रवासी बोटीवर होते. सध्या बेपत्ता लोकांना वाचवण्याचे कार्य सुरु आहे. मंगळवारी रात्री उशिरा ही घटना घडली होती.
मिळालेल्या माहितीनुसार, या बोटीचे नाव ‘एचबी कोंगोलो’ असे असून ती मतानकुमु बंदरातून बोलोम्बा क्षेत्राच्या दिशेने निघाली होती. मात्र मबंडाका शहराजवळ बोटीला अचानक आग लागली आणि ही भयानक दुर्घटना घडली.
स्थानिक अधिकाऱ्यांनी दिलेल्या माहितीनुसार, एक महिला बोटीवर अन्न शिजवत होती. त्यावेळी अचानक आगीचा भडका उडाला आणि बोटीला आग लागली. यादरम्यान आग लागल्याने प्रवाशांमध्ये गोंधळ उडाला. प्रवाशांनी घाबरुन विषशेत: महिलांनी आणि मुलांनी नदीत उडी घेतली. या आगीत लोक भयंकरित्या भाजले गेले. पोहता येत नसलेल्यांता मृत्यू झाला.
घटनेची माहिती मिळताच रेड क्रॉस आणि प्रांतीय प्रशासनाच्या मदतीने पोलिस आणि बचाव पथकाने शोधमोहीम सरु केली. यामध्ये सुरुवातील 100 जणांना वाचवण्यात यश आले. परंतु नंतर मृतांचा आकडा 50 वरुन 148 पर्यंत गेला. सध्या 100 हून अधिक लोक बेपत्ता आहेत. तसेच आगीत भाजलेल्यांना जवळच्या रुग्णालयांमध्ये दाखल करण्यात आले असून त्यांच्यावर उपचार सुरु आहेत.
काँगोत अशा प्रकारच्या घटना सातत्याने घडत असतात. काँगोत जलमार्गच लोकांसाठी प्रवासाचे मुख्य साधन आहे. देशातील बहुतेक रस्ते खराब अवस्थेत आहेत किंवा वापरण्यासाठी योग्य नाहीत. यामुळे प्रवासासाठी नागरिक नदी प्रवासावर अवलंबून आहेत. मात्र, सरकारकडून बोटींच्या सुरक्षिततेवर दुर्लक्ष होत आहे. बोटींची तपासणी वेळवर होत नाही, तसेच अनधिकृत बोटीही मोठ्या प्रमाणावर चालवल्या जातात.गेल्या काही वर्षात काँगोत अनेक बोट अपघात झाले आहेत. या अपघातांमध्ये आतापर्यंत शएकडो लोकांचा मृत्यू झाला आहे.
.png "Videos"){kind=small}
