London Protests: लंडनमध्ये आंदोलने! पार्लमेंट स्क्वेअरबाहेर भारत निवडणूक आयोगाविरोधात निदर्शने, ध्रुव राठीचे समर्थक संघटित

London Protests : मतचोरीच्या आरोपावरून निवडणूक आयोगाविरोधात लंडनमध्ये आंदोलनाची हाक देण्यात आली आहे. ध्रुव राठी यांनी आपल्या समर्थकांना पार्लमेंट स्क्वेअर येथे येण्याचे आवाहन केले आहे.

• लंडनच्या पार्लमेंट स्क्वेअरवर निदर्शने
• ध्रुव राठीचे समर्थकांना आवाहन
• दिल्लीतील अटकेनंतर आंतरराष्ट्रीय वळण

नवी दिल्लीतील जंतर मंतरवर सुरू झालेल्या राजकीय आंदोलनाची ठिणगी आता थेट ब्रिटनची राजधानी लंडनपर्यंत (London Protests) पोहोचली आहे. भारतीय निवडणूक आयोगाच्या (Election Commission of India) कामकाजावर आणि कथित ‘मतचोरी’च्या आरोपांवरून सुरू असलेला वाद आंतरराष्ट्रीय व्यासपीठावर पोहोचला असून, प्रसिद्ध यूट्यूबर ध्रुव राठी याने लंडनमधील समर्थकांना एकत्र येण्याचे आवाहन केले आहे. शुक्रवारी रात्री उशिरा सोशल मीडियावर प्रसिद्ध केलेल्या एका निवेदनाद्वारे ध्रुव राठी याने स्वतः लंडनमध्ये उपस्थित असल्याचे जाहीर केले आणि शनिवारी दुपारी १२ वाजता लंडनच्या प्रसिद्ध पार्लमेंट स्क्वेअरमधील महात्मा गांधींच्या पुतळ्यासमोर जमण्याचे आवाहन केले.

ध्रुव राठीने आपल्या संदेशात म्हटले की, “आता या मुद्द्यावर आंतरराष्ट्रीय स्तरावर आवाज उठवण्याची वेळ आली आहे. जर तुम्ही लंडन किंवा परिसरात असाल, तर लोकशाहीच्या रक्षणासाठी आणि निष्पक्ष निवडणुकांसाठी या शांततापूर्ण आंदोलनात सहभागी व्हा.” या आवाहनानंतर लंडनमध्ये राहणाऱ्या भारतीय वंशाच्या नागरिकांमध्ये आणि विद्यार्थ्यांमध्ये मोठी खळबळ उडाली आहे.

दिल्लीतील पोलीस कारवाई आणि ध्रुव राठीची सुटका

या आंतरराष्ट्रीय आंदोलनाची पार्श्वभूमी नवी दिल्लीत घडलेल्या घडामोडींशी जोडलेली आहे. गेल्या आठवड्यात, नवी दिल्लीतील जंतर मंतर येथे ‘कॉकरोच जनता पार्टी’ (CJP) आणि विविध संघटनांनी मुख्य निवडणूक आयुक्त ज्ञानेश कुमार यांच्याविरोधात निदर्शनांची घोषणा केली होती. मात्र, दिल्ली पोलिसांनी सुरक्षेची आणि कायदा-सुव्यवस्थेची कारणे देत या आंदोलनाला परवानगी नाकारली होती. आंदोलकांना जंतर मंतरवर पोहोचण्यापासून रोखण्यासाठी दिल्लीतील मोक्याच्या ठिकाणी कडक पोलीस बंदोबस्त तैनात करण्यात आला होता.

जागतिक घडामोडी संबंधित बातम्या वाचण्यासाठी येथे क्लिक करा : Cyber Attack : सावधान! जाहिरात फक्त लोड झाली अन् फोन हॅक; 75 हजार ॲप्सच्या माध्यमातून इस्रायली कंपनीने केला डेटा चोरी

याच आंदोलनाच्या आधी, गुरुग्रामच्या सेक्टर ५६ मधील आपल्या निवासस्थानातून ध्रुव राठीला दिल्ली पोलिसांनी ताब्यात घेतले होते. तब्बल २४ तासांहून अधिक काळ चौकशी आणि अटकेच्या कारवाईनंतर शनिवारी रात्री उशिरा त्याची सुटका करण्यात आली होती. सुटका झाल्यानंतर अवघ्या काही दिवसांतच ध्रुव राठी थेट लंडनमध्ये दाखल झाला आणि त्याने या संपूर्ण प्रकरणाला आंतरराष्ट्रीय वळण दिले.

I’ve just reached London It’s time the world sees the reality of vote chor and murderer of democracy. International danka bajane ka time aa gaya hai Join the protest tomorrow in front of Mahatma Gandhi’s statue in parliament square at 12pm if you’re here Jai Hind 🇮🇳 — Dhruv Rathee (@dhruv_rathee) October 16, 2026

credit – social media and Twitter