Donald Trump यांच्यावर वारंवार हल्ले का होतायात? Abraham Lincoln शी काय संबंध? राष्ट्राध्यक्षांनीच केला त्या जुन्या घटनेचा खुलासा

Donald Trump Assissanation 2026 : ट्रम्प यांनी त्यांच्यावरील हल्ल्याची तुलना १६१ वर्षापूर्वी घडलेल्या घटनेशी केली आहे. त्यावेळी अमेरिकेच्या माजी राष्ट्राध्यक्ष अब्राहम लिंकन यांची देखील वॉशिंग्टन येथे हत्या झाली होती.

• ट्रम्प यांनी त्यांच्यावरील हल्ल्याची केली अब्राहम लिंकनशी तुलना
• काय आहे १६१ वर्षे ती जुनी घटना
• ट्रम्प यांच्या खुलाशाने जगभरात खळबळ

Donald Trump Abhraham Lincoln Coonection : वॉशिंग्टन : अमेरिकेचे राष्ट्राध्यक्ष डोनाल्ड ट्रम्प (Donald Trump) यांच्यावर वॉशिंग्टन येथे प्राणघातक हल्ला करण्यात आला. सुदैवाने सुरक्षा दलांच्या सतर्कतेमुळे त्यांचे प्राण बचावले. या घटनेने संपूर्ण जगभरात खळबळ उडाली आहे. ट्रम्प यांनी त्यांच्यावरील हल्ल्याची तुलना १६१ वर्षे जुन्या घटनेशी केली आहे. याबाबत नेमकं काय म्हणाले ट्रम्प जाणून घेऊयात.

कोण आहे ॲलन? ज्याने Donald Trump यांच्यावर केला गोळीबार, तरुणाला सुरक्षा रक्षकांनी घेतलं ताब्यात, VIDEO

ट्रम्प यांच्यावर शनिवारी (२५ एप्रिल) वॉशिंग्टन येथील हिल्टन हॉटेलमध्ये व्हाईट हाऊस करोस्पोंडेंट्स डिनर पार्टी दरम्यान प्राणघातक हल्ला करण्यात आला होता. या घटनेनंतर सुरक्षा दलांनी तातडीने कारवाई करत हल्लेखोराला पकडले असून ट्रम्प यांना सुरक्षित स्थळी हलवले.

या घटनेवर व्हाईट हाउस प्रेसरुममधून देशाला संबोधित करताना ट्रम्प यांनी खळबळजनक विधान केले. त्यांनी हल्ल्याची तुलना अब्राहम लिंकनशी केली. त्यांनी म्हटले की, जे नेते समाजात प्रभावशील बदल करण्याचा प्रयत्न करतात आणि धाडसी निर्णय घेतात, अशा नेत्यांनाच सतत लक्ष्य केले जाते.

अब्राहम लिंकनशी का केली तुलना

ट्रम्प यांनी त्यांच्यावरील हल्ल्याबाबत बोलताना म्हटले की, मी राजकीय नेत्यांचा सखोल अभ्यास केला आहे. जे नेते सर्वाधिक प्रभावशाली असतात, त्यांच्यावरच हल्ले होतात. त्यांच्या मते अब्राहम लिंकन देखील एक प्रभावशाली होते. त्यांना अमेरिकेला गृहयुद्धातून बाहेर काढले होते. परंतु १४ एप्रिल १८५६ मध्ये त्यांची वॉशिंग्टनमध्ये हत्या करण्यात आली. शिवाय ही घटना देखील एप्रिलमध्येच घडली होती. ट्रम्प यांच्यावर देखील वॉशिंग्टन येथे आणि एप्रिल महिन्यातच हल्ला झाला आहे. यामुळे त्यांनी या घटनेचा संबंध अब्राहम लिंकनशी जोडला आहे.

सुरक्षा यंत्रणेचे कौतुक

दरम्यान ट्रम्प यांनी आपल्या भाषणात सुरक्षा यंत्रणेचेही कौतुक केले आहे. सुरक्षा यंत्रणा सतर्क नसती, तर पुन्हा एकदा अमेरिकेत ब्लॅक एप्रिल सारखी परिस्थिती निर्माण झाली असती.

ट्रम्प यांच्यावर यापूर्वी झालेत हल्ले

• यापूर्वी ट्रम्प यांच्यावर १३ जुलै २०२४ मध्ये पेनसिल्व्हेनिया येथील एका निवडणूक रॅलीदरम्यान हल्ला झाला होता. यावेळी एक त्यांच्या कानाला स्पर्श करुन गेली होती.
• या हल्ल्याच्या दोन महिन्यांतर, सप्टेंबर २०२४ मध्ये ट्रम्प यांच्यावर पुन्हा हल्ल्याचा प्रयत्न झाला होता. मार-ए-लागो येथील गोल्फ कोर्सजवळ एक संशयिताने सशस्त्रांसह घुसखोरी केली होती.
• तर यापूर्वी २०१६ आणि २०१७ मध्येही एका निवडणूक रॅलीत त्यांच्यावर हल्ल्याचा प्रयत्न झाला होता.

See more

Reporter: Why do you think this keeps happening to you?Trump: I have studied assassinations… they always go for the most impactful people, like Abraham Lincoln. They don’t go after the ones who don’t do much. We have done a lot. pic.twitter.com/RI7WZ2nV8v — Clash Report (@clashreport) April 26, 2026

Donald Trump यांच्या हत्येचा डाव पुन्हा हुकला; यापूर्वी यमसदनी पाठवण्याचे ‘हे’ मास्टरप्लॅन