World War 3 : दोनतोंडी ट्रम्प! हल्ल्याची वेळ जाहीर करून म्हटले इराणसोबत होणार आज करार; संपूर्ण जगात वाढवला संभ्रम

US Iran War: अमेरिकेचे अध्यक्ष डोनाल्ड ट्रम्प यांनी इराणवरील हल्ल्याची अंतिम मुदत मंगळवार रात्री ८ वाजेपर्यंत वाढवली आहे. ट्रम्प यांनी असेही म्हटले आहे की, आज इराणसोबत चर्चा होण्याची दाट शक्यता आहे.

• अंतिम मुदत वाढवली
• विनाशाचा इशारा
• करार की संघर्ष?

US Iran War update April 2026 : मध्य-पूर्वेतील युद्धाच्या (US-Israel Iran War) ज्वाळा आता एका अशा वळणावर पोहोचल्या आहेत, जिथून परतण्याचा कोणताही मार्ग दिसत नाही. अमेरिकेचे राष्ट्राध्यक्ष डोनाल्ड ट्रम्प (Donald Trump) यांनी इराणला दिलेला २४ तासांचा अतिरिक्त अवधी आता संपत आला असून, मंगळवार रात्री ८ वाजताची (ईस्टर्न टाईम) वेळ ही इराणच्या भविष्यासाठी निर्णायक ठरणार आहे. रविवारी ५ एप्रिल रोजी ट्रम्प यांनी ‘ट्रुथ सोशल’वर एक पोस्ट करत ही नवीन डेडलाईन जाहीर केली. जर या वेळेपर्यंत इराणने होर्मुझची सामुद्रधुनी खुली केली नाही, तर अमेरिकेचे बी-५२ बॉम्बर आणि इस्रायली हवाई दल इराणच्या पायाभूत सुविधांवर मोठा हल्ला करण्याची शक्यता आहे.

होर्मुझची सामुद्रधुनी आणि जागतिक इंधन संकट

२८ फेब्रुवारी २०२६ रोजी अमेरिका आणि इस्रायलने इराणवर बॉम्बहल्ला सुरू केला होता. याला प्रत्युत्तर म्हणून इराणने जगातील सर्वात महत्त्वाचा तेल मार्ग ‘होर्मुझची सामुद्रधुनी’ रोखून धरली आहे. या नाकेबंदीमुळे भारतासह संपूर्ण जगात पेट्रोल, डिझेल आणि गॅसचा तुटवडा निर्माण झाला असून तेलाच्या किमती गगनाला भिडल्या आहेत. ट्रम्प यांच्यावर अमेरिकेतील आगामी मध्यावधी निवडणुकांमुळे इंधन दर कमी करण्याचा मोठा दबाव आहे. म्हणूनच, इराणची ही कोंडी फोडण्यासाठी ट्रम्प आता कोणत्याही थराला जाण्यास तयार आहेत.

जागतिक घडामोडी संबंधित बातम्या वाचण्यासाठी येथे क्लिक करा : World War 3 : ‘रात्री 8 वाजता…!’ ट्रम्प यांनी निश्चित केली वेळ; इराणवर युद्धाची सावली; हल्ल्याची ‘ही’ तारीख ठरली

ट्रम्प यांचा सज्जड दम: “पुनर्बांधणीसाठी २० वर्षे लागतील!”

वॉल स्ट्रीट जर्नलला दिलेल्या मुलाखतीत ट्रम्प यांनी अत्यंत कडक भाषेत इशारा दिला आहे. ते म्हणाले, “आम्ही सध्या सामरिकदृष्ट्या खूप मजबूत स्थितीत आहोत. इराणने जर मंगळवार संध्याकाळपर्यंत माघार घेतली नाही, तर आम्ही त्यांची वीज केंद्रे आणि पूल अशा प्रकारे उद्ध्वस्त करू की, त्या देशाला पुन्हा उभे राहण्यासाठी किमान २० वर्षे लागतील.” इराणने अमेरिकेच्या या भूमिकेला ‘युद्ध गुन्हा’ (War Crime) म्हटले असून, कोणत्याही हल्ल्याला चोख प्रत्युत्तर देण्याची तयारी दर्शवली आहे.

See more

President Trump threatened to rain ‘hell’ on Tehran if it did not make a deal and reopen the Strait of Hormuz by his April 7 deadline, as he praised US special forces who rescued an airman in a high-risk mission from deep inside Iran https://t.co/1D0whPbsMR pic.twitter.com/sCCcAEcDBj — Reuters (@Reuters) April 6, 2026

credit – social media and Twitter

करार होण्याची शक्यता: ट्रम्प यांची ‘दुहेरी’ चाल?

विशेष म्हणजे, युद्धाच्या धमक्या देत असतानाच ट्रम्प यांनी फॉक्स न्यूजला दिलेल्या मुलाखतीत एक सकारात्मक संकेतही दिला आहे. ट्रम्प यांच्या मते, इराणसोबत सोमवारीच करार होण्याची दाट शक्यता आहे. ते म्हणाले, “ते (इराण) सध्या वाटाघाटी करत आहेत आणि मला वाटते की उद्या एखादा मोठा करार होऊ शकतो.” मात्र, त्यांनी लगेचच सावध केले की, “जर त्यांनी लवकरच करार केला नाही, तर मी सर्व काही उडवून देईन आणि त्यांच्या तेलाचा ताबा घेईन.” ट्रम्प यांची ही एकाच वेळी ‘युद्ध आणि शांतता’ अशा दोन वेगवेगळ्या गोष्टी बोलण्याची पद्धत जागतिक मुत्सद्देगिरीत संभ्रम निर्माण करत आहे.

जागतिक घडामोडी संबंधित बातम्या वाचण्यासाठी येथे क्लिक करा : Ro Khanna: ‘अशा प्रकारच्या शिव्या, अपमान…’, भारतीय वंशाच्या US खासदाराने ट्रम्पना सुनावले; इराण युद्धावर अमेरिकेतच अंतर्गत कलह

काय आहे ‘डेडलाईन’चे भारतीय गणित?

अमेरिकन वेळेनुसार मंगळवार, ६ एप्रिल रोजी रात्री ८:०० वाजता ही मुदत संपणार आहे. भारतीय प्रमाणवेळेनुसार ही वेळ बुधवार, ८ एप्रिल रोजी पहाटे ५:३० वाजता असेल. म्हणजेच संपूर्ण जगाची नजर उद्या रात्रीच्या घडामोडींवर असणार आहे. जर करार झाला तर जागतिक बाजारात तेलाच्या किमती घसरतील, पण जर हल्ला झाला तर मध्य-पूर्वेत महायुद्धाचा भडका उडू शकतो.