अमेरिकेत खळबळ! बड्या अधिकाऱ्याचा ट्रम्प विरोधात ‘तो’ एक खुलासा अन् देशद्रोहाचा गुन्हा दाखल, होणार अटक?

US Iran War Update : मध्यपर्वेतील युद्धाचा आता अमेरिकेच्या अंतर्गत राजकारणावर परिणाम होत आहे. दहशतवादीविरोधी अधिकारी जो केंट यांनी इराण युद्धाबाबत संवेदनशील माहिती लीक केल्याच्या आरोपाखाली गुन्हा दाखल करण्यात आला आहे.

• इराणच्या समर्थनार्थ राजीनामा देणं पडलं महागात
• अमेरिकन गुप्तचर प्रमुखावर देशद्रोहाचा आरोप
• FBI कडून चौकशी सुरु

मध्यपूर्वेत अमेरिका-इराण युद्धामुळे प्रचंड अस्थिरता पसरली आहे. या युद्धाच्या पार्श्वभूमीवर अमेरिकन राजकारणात मोठा गोंधळ उडाला आहे. ट्रम्प प्रशासनातील नॅशनल काउंटर टेररिझम सेंटरचे (NCTC) चे प्रमुख जो केंट यांनी राजीनामा दिला आहे. त्यांनी इराण युद्धाचा निषेधाच्या पार्श्वभूमीवर पद सोडले आहे. परंतु यामुळे त्यांच्याविरोधात एफबीआयने चौकशी दाखल केली आहे.

Middle East War : अमेरिकेचा रिमोट कंट्रोल इस्रायलच्या हातात? इराणवर हल्ल्याबाबात ‘या’ बड्या अधिकाऱ्यांनी केली ट्रम्प यांची पोलखोल

नेमके प्रकरण काय?

मिळालेल्या माहितीनुसार, फेडरल ब्युरो ऑफ इन्व्हेस्टिगेशन (FBI) ने केंट यांच्याविरोधात अत्यंत गोपनीय आणि संवदनेशील माहिती लीक केल्याच्या आरोपाखाली चौकशी सुरु केली आहे. केंट यांनी मंगळवारी (१७ मार्च २०२६) आपल्या पदाचा राजीनामा दिला होता. यावेळी त्यांनी ट्रम्प प्रशासनावर गंभीर आरोप केले.

त्यांनी सोशल मीडियावर पोस्टमध्ये म्हटले की, इराणकडून अमेरिकेला कोणताही धोका नव्हता. हे युद्ध इस्रायलच्या दबावाखाली सुरू करण्यात आले आहे. त्यांच्या या विधानानंतर जगभरात खळबळ उडाली आहे. याच पार्श्वभूमीवर ट्रम्प सरकारने त्यांच्यावर गुप्त माहिती लीक केल्याचा आरोप केला आहे. त्यांच्यावर अमेरिकेच्या एस्पिअनेज अॅक्ट अंतर्गत चौकशी केली जाणार असून केंट दोषी आढळल्यास त्यांना तुरुंगवास होऊ शकतो.

जो केंट यांचे खळबळजनक दावे

• केंट यांनी कार्लसन यांना दिलेल्या मुलाखतीत धक्कादायक खुलासे केले आहेत. त्यांनी दावा केला आहे की, इराणकडे २०२५ मध्येही अण्वस्त्र बनवण्यासाठी युरेनियमचा कसलाही साठा नव्हता.
• २००४ मध्ये इराणने अण्वस्त्रविरोधी फतवा जारी केला होता ज्याचे पालन तो आजही करत आहे.
• तसेच हे युद्ध इस्रायलच्या दबावाखाली सुरु असल्याचा दावा केंट यांनी केला.
• त्यांनी म्हटले की, यामुळे अमेरिका फर्स्ट आणि मेक दर अमेरिका ग्रेट अगेन या धोरणला फटका बसला आहे.

ट्रम्प यांची प्रतिक्रिया

व्हाउट हाउसने केंट यांचे सर्व आरोप फेटाळले आहेत. तसेच त्यांच्यावर माहिती लीक केल्याचा आरोप केला आहे. राष्ट्राध्यक्ष डोनाल्ड ट्रम्प यांनी केंट हे सुरक्षेच्या बाबातीत कमकुवत होते. त्यांना राजीनामा दिला हे चांगलेच झाले. ज्यांना इराण धोका वाटत नाही अशा लोकांचा आम्हाला गरज नसल्याचे ट्रम्प यांनी म्हटले. सध्या जो केंट विरोदात तपास सुरु करण्यात आला आहे. त्यांनी पद सोडण्यापूर्वी क्लासिफाईट माहितीचा गैरवापर केल्याचा आरोप असून त्यांना लवकरच अटक केली जाऊ शकते.

Middle East Conflict : इराणने ओलांडली मर्यादा! तेल आणि गॅस साठ्यांवरील हल्ल्यानंतर आखाती देश संतप्त; दिला ‘हा’ गंभीर इशारा